Read Zokam Piancilna 20 Bible Online

Piancilna 20 - Zokam bible

Piancilna 20

¹Tu-in tua panin Negev kualah Abraham kikhina Kadesh le Shur kikalah a teng hi. Gerar ah tawmvei sung om a,

²tua lai-ah Abraham in a zi Sarah, "Ka sanggamnu hi," ci hi. Tua ciangin Gerar kumpipa Abimelech in Sarah vaikhakin a la hi.

³Ahi hangin zan khat Abimelech mangah Pasian a kiangah pai-a, "Na laksa numei hangin misi zah in na hoih hi, amah mi zisa ahi hi," a ci hi.

⁴Tua hunin Abimelech tuanu kiangah pai nai lo ahi ciangin, "Topa aw, mawhpeng minam khat susia ding na hi hiam?

⁵Amah in, ‘Ka sanggamnu hi,’ hong ci hi lo ahi hiam, tuanu in zong, ‘Amah ka sanggampa hi,’ hong ci hi lo ahi hiam? Hih banga ka hih pen lungsim kisuanna om peuhmah loin khutkhial ka kisa kei hi," a ci hi.

⁶Tua ciangin a mang sungah Topa in, "Hi mah hi, hih pen lungsim kisuantakna om lo a sem na hilam thei ka hi manin kei tungah mawhna a bawl lo dingin nang kong kem hi. Tua ahi manin amah nang kong lawngkhasak kei hi.

⁷Tu-in tua mipa’ zi ciah kiksak lecin amah kamsang hi-a thu hong ngetsak leh na nungta ding hi. Ahi hangin amah na ciahsak kei leh nang le nang aa khempeuh na si takpi ding uh hi," ci hi.

⁸A zing ciang zingtungin Abimelech in a uliante khempeuh kikhawmsaka, a piangsa thu khempeuh a gen ciangin a vekun lau mahmah uh hi.

⁹Tua ciangin Abimelech in Abraham a sungah sama, "Ko tungah bang hih na hi hiam? Kei le ka kumpi-gam tungah hihzah a lian khialhloh dingpi khat kei nong semsak zo hi," ci hi.

¹⁰Tua khit ciangin Abimelech in Abraham kiangah, "Hih banga na hih bang na ngaihsutna hiam?" ci-in dong hi.

¹¹Abraham in, "Kei le kei ka kiho a, ‘Hih munah Pasian kihtakna om peuhmah lo ahi ciangin ka zi hangin hong that kha ding uh hi,’ ka kici hi.

¹²Tua banah amah ka nu uh a kibat loh hangin ka pa’ tanu hi a, ka sanggamnu hi napi, zi-a ka neih ahi hi.

¹³Pasian in ka pa’ inn pana hong paikhiatsak ciangin ama kiangah, ‘I paina khempeuh ah nong itna nong lahna in, "Amah ka sanggampa hi," hong ci in,’ ka ci hi," ci-in dawng hi.

¹⁴Tua ciangin Abimelech in tuu hon, bawnghon le sila numei le sila pasal, Abraham puakin ama tungah a zi Sarah pia kik hi.

¹⁵Abimelech in, "Na mai-ah ka gam kong lui hi; na utna peuhpeuhah teng in," ci hi.

¹⁶Amah in Sarah kiangah, "Na sanggampa ngun shekel c[98] tul khat ka pia hi. Hih pen nang tawh a om khawm hong langmuhte khempeuh mai-a na maipha zon nading ahi hi; nang na mawh peuhmah kei hi," a ci hi.

¹⁷Tua ciangin Abraham in Pasian kiangah thu ngena, Pasian in Abimelech, a zi le a sila numei-te a damsak hi. Tua ciangin ta a nei thei kik uh hi,

¹⁸ahang in, Abraham’ zi Sarah hangin TOPA in Abimelech’ innkuan sunga sul peuhmah a khakcip hi.