Read Zokam Piancilna 28 Bible Online

Piancilna 28 - Zokam bible

Piancilna 28

¹Tua ciangin Isaac in Jacob samsaka, thupha a[132] pia in thu pia a: "Canaan numei tawh teng kei in.

²Paddan Aram b[133] a na nu’ pa Bethuel innah manlang in paipah in. Tua lai-a na nu’ sanggampa Laban’ tanute lak panin nangmah in na zi ding khat va la in.

³Thahatpen c[134] Pasian in nang thupha hong pia henla, mihonpi khat na suah mateng hong ciphasakin hong pungsak henla, tampi hong phasak ta hen.

⁴Pasian in Abraham tunga a piaksa tu-a pemta-a na tenna leitang nang neihsa a suah theih nadingin amah in Abraham’ thupha nang le na suan-le-khakte tungah hong pia ta hen," ci hi.

⁵Tua ciangin Isaac in Jacob kuansaka, amah Jacob le Esau’ nu Rebekah’ sanggampa Aram mi Bethuel’ tapa Laban omna Paddan Aram ah pai hi.

⁶Tu-in Esau in, Isaac in Jacob thupha pia khina, zi la dingin Paddan Aram ah sawl cih le thupha a piakin, "Canaan numei tawh teng kei in," cih thu pia a,

⁷a nu le a pa thu mangin Paddan Aram ah pai hi, cih a thei hi.

⁸Tua ciangin Esau in Canaan numeite in a pa a lungkimsak loh lam uh thei hi;

⁹tua ahi ciangin amah Ishmael kiangah pai-a ama neihsa zite banah Abraham’ tapa Ishmael’ tanu Nebaoth’ sanggamnu Mahalath tenpih hi.

¹⁰Beersheba nusia-in Haran ah Jacob pai hi.

¹¹Mun khat a tun ciangin ni tum khin ahi manin giak dingin a khawl hi. Tua lai-a suangtumte khat la-a, lukhamin nei-in ihmu dingin lum hi.

¹²Mang khat mana a mangin kahlei d[135] khat leitungah kidawhin a dawn in van bana a tungah Pasian’ vansawltakte a kumsuk a kahto mu hi.

¹³Tua e[136] tungsan ah TOPA dinga amah in, "Keimah in TOPA na pa Abraham’ Pasian, Isaac’ Pasian, ka hi hi. Tu-a na lupna leitang nang le na suan-le-khakte ka pia ding hi.

¹⁴Na suan-le-khakte leivui bang dinga, nitumna, nisuahna, leilu-lam le leitaw-lamah na kizelhkhia ding uh hi. Nang le na suan-le-khak tungtawnin leitunga mi khempeuh thupha kipia ding hi.

¹⁵Nangmah tawh ka oma, na paina peuhpeuh ah hong cingin hih leitangah nang kong puak kik ding hi. Nang kong ciamsate ka hih khit mateng kong nusia kei ding hi," ci hi.

¹⁶Jacob a ihmutna pan a khanlawh ciangin amah in, "TOPA hih munah om takpi-a, kei a phawkkha lo ka hi hi," ci-in ngaihsun hi.

¹⁷Amah lau a, "Hih mun lipkhaphuai si e! Hih in Pasian inn lo adang hi lo hi; vantung kongpi ahi hi," ci hi.

¹⁸A zingciang zing tungin Jacob in a lukham suangtum la a, khuamin phuta a dawnah sathau a buak hi.

¹⁹Khuapi min Luz a kicih hangin amah in tua mun Bethel f[137] a phuak hi.

²⁰Tua ciangin Jacob in, "Pasian kei tawh hong om khawm dinga, hih ka khualzinna-ah hong cingin, nek ding an le silh ding puan hong piak a,

²¹ka pa’ innah nuamtaka ka ciah kik leh tua ciangin TOPA in g[138] ka Pasian ahi ding hi.

²²Tua hi-a h[139] khuama ka phuh hi suangtum pen Pasian’ inn hi dinga nong piak khempeuh tungah sawm ah khat nang kong pia ding hi," ci-in kiciamna khat bawl hi.