Read Zokam Piancilna 33 Bible Online

Piancilna 33 - Zokam bible

Piancilna 33

¹Jacob a khuadak le Esau le a mi za lite hong pai mu hi; tua ciangin Leah, Rachel le a nasem numeite kiangah a tate khen hi.

²Anasem numeite le a tate uh masasak a, Leah le a tate zomsakin Rachel le Joseph nunungsak hi.

³Amah masa in a sanggampa lam a manawh kawmin sagih vei leilamah a kun hi.

⁴Ahi hangin Jacob tawh kituah dingin Esau tai-a, amah a kawi hi; amah ngawngkawi-in a nam hi. Amaute kap uh hi.

⁵Tua ciagnin Esau khuadak a numeite le naupangte mu hi. Amah in, "Hih nong tonpihte kua hiam?" ci-in dong hi. Jacob in, "Pasian in a hehpihna tawh na nasempa a piak tate ahi hi," ci-in dawng hi.

⁶Tua ciangin nasem numeite le a tate uh pai-in a kun uh hi.

⁷Tua zomin Leah le a tate pai-in a kun uh hi. A nunung penin Joseph le Rachel pai-in a kun uh hi.

⁸Esau in, "Ka kituahpih uh a kihawl teng bang na cihna hiam?" ci-in a dong hi. Amah in, "Nangmah ka topa maipha ka zonna ahi hi," ci hi.

⁹Ahi hangin Esau in, "Sanggam aw, ken tampi ka nei khin hi. Nang aate nangmah in kem in," ci hi.

¹⁰Jacob in, "Hi kei, nang muhna-ah maipha ka ngah leh nong hehpihna-in nang tang in. Ahang in, tu-a na maipha ngahin nong sana, na mai ka muh pen Pasian mai mu mah ka bang hi.

¹¹Pasian in kei hong hehpih a, ka kisapna khempeuh ka nei hi. Kong puaksa letsongte hong sang hoh in," ci hi. Jacob in a cih tentan manin Esau in sang hi.

¹²Tua ciangin Esau in, "I pai nadingah pai ni, i tonkhawm ding hi," ci hi.

¹³Ahi hangin Jacob in, "Naupangte a moi luat lam ka topa in na thei hi. Ka tuunote le ka bawngpi nongek nei laite kong kem ding hi. Ni khat kinawh hawl lua leh ganhing khempeuh si ding hi.

¹⁴Tua ahi ciangin ka topa a nasempa mai-ah na pai in; Seir a ka topa kiang kong tun mateng naupangte le gan masuanin damdamin a nung uh kong zui ding hi," a ci hi.

¹⁵Esau in, "Tua ahileh ka mite honkhat kong nusiat ding hi," ci hi. Jacob in, "Bang hanga tua cih ding na hiam?" ci-in donga, ka topa mai-ah maipha hong ngahsak hoh in," ci hi.

¹⁶Tua ahi ciangin tua ni-in Seir a ciah kik dingin Esau dingkhia hi.

¹⁷Ahi zongin Succoth ah Jacob pai-a, tua lai-ah ama mun ding bawlin a gante hampheng ding a lam hi. Tua ahi manin tua mun Succoth c[166] kici hi.

¹⁸Paddan Aram d[167] pan Jacob a paikhiat khitin Canaan a Shechem khuapi e[168] dong bittakin tunga, khuapi huam sungah giahphual sat hi.

¹⁹Amah in Shechem’ pa Hamor’ tapa tung pana nguntang f[169] zakhata a leisa leitang munah a puanbuk lam hi.

²⁰Tua lai-ah biakna-tau khat dawha, El Elohe Israel g[170] min a phuak hi.