Read Zokam Piancilna 34 Bible Online

Piancilna 34 - Zokam bible

Piancilna 34

¹Tu-in Jacob le Leah tanu Dinah tua gam numeite kianga hawh dingin kuan hi.

²Tua khawk ukpa Hiv mi Hamor’ tapa Shechem in tuanu mu a, amah lenin a buan hi.

³A lungsim ah Jacob tanu Dinah bek om a, tua numeino it in kamkhumin hopih hi.

⁴Tua ciangin Shechem in a pa Hamor kiangah, "Hih numeino ka zi dingin hong pisak in," ci hi.

⁵Jacob in a tanu Dinah kibuahsak zo cih a zak hunin a tapate gan cingin gamlakah om uh hi; tua hi a, amaute inn-a a ciah mateng daitakin a om hi.

⁶Tua ciangin Jacob tawh kiho dingin Shechem’ pa Hamor paikhia hi.

⁷Jacob tapate in thupiang a zak phetun gamlak pan innah a ciah pah uh hi. Amaute lungkhamin a heh mahmah uh hi; bang hang hiam cih leh Shechem in hih loh dingpi khat - Jacob tanu luppih a, Israel sungah h[171] daina tun hi.

⁸Ahi hangin Hamor in amaute kiangah, "Ka tapa Shechem in na tanu tungah a lungsim kipsak khin zo hi. A zi dingin amah hong pia un.

⁹I kiteng tuah ding hi; na tanute uh hong pia unla, ka tanute uh tenpih un.

¹⁰Ko lakah nong teng thei uh hi; no ading leitang kiphal hi. Tua sungah tengin sumbawl i[172] unla, neih le lam khol un," ci hi.

¹¹Tua ciangin Shechem in Dinah’ pa le a sanggamte kiangah, "Na mai-ah maipha hong ngahsak in, nong nget bangbang kong pia ding hi.

¹²Mo man ding le letsong-a kong puak ding no deih a tam thei zahzah seh un, nong nget bangbang uh kong pia ding hi. Numeino ka zi dingin hong pia hoh peuhmah un," ci hi.

¹³Jacob tapate in a sanggamnu uh Dinah kibuahsak khitna hangin Shechem le a pa Hamor tungah khemsiamna tawh dawng uh hi.

¹⁴Amaute in, "Vun at lo mipa tungah tua bangin ka hih thei kei uh a, ka sanggamnu uh ka pia thei kei uh hi. Tua pen ko adingin daina ahi hi.

¹⁵Ka deihna uh khat bek no tungah kong sung ding uh hi: tu-in ko tawh na kibat nadingun pasal khempeuh in na vun uh at un.

¹⁶Tua ciangin ka sanggamnu uh kong pia ding uh a, ko adingin na sanggam numeite uh ka la ding uh hi. No lakah kong teng ding uh a, no tawh mikhat i suak ding hi.

¹⁷Ahi hangin vun at ding na thukim kei uh leh ka sanggamnu a[173] uh ka ciahpih ding uh hi," ci uh hi.

¹⁸Amau thusun pen Hamor le a tapa Shechem adingin hoih leh a kilawm hi.

¹⁹A pa’ innkuan sunga a zahtak penpen uh tangvalpa in Jacob tanu ngai mahmah ahi manin amau cih banga hih ding baih sa hi.

²⁰Tua ciangin Hamor le a tapa Shechem amau khuapi kongpi-ah a khuasung mite uh tawh kimu dingin pai uh hi.

²¹Amaute in, "Hih mite ei tungah thunuam mahmah uh hi. I gam sungah tengsakin, summet bawlsak ni; i gamah amau ading mun-awng tampi om hi. Amau tanute i tenpih thei dinga, amau ei aate tenpih thei ding uh hi.

²²Ahi hangin tua mite eite tawh mikhat banga i tenkhawm nadingin amau mah bangin ei pasalte in vun i at ding thukhat bek ahi hi.

²³A innsate uh, amau neihsate le a ganhing khempeuh uh ei aa suak mawh ding ahi hiam? Tua ahi ciangin i utna amau tungah genin ei lakah amau tengsak ni," va ci uh hi.

²⁴Khuapi sung pana a paikhia mite khempeuh Hamor le a tapa Shechem cih bangin thukim uh a, khuapi sungah pasal peuhmah vun a ki-at hi.

²⁵Ni thum khit ciang mi khempeuh in na a sak hun laitakun Jacob tapate nih Simeon le Levi, Dinah sanggamte in a namsau uh la in a kigingkhol lo khuapi va sim uh a, pasal peuhmah that uh hi.

²⁶Amaute in Hamor le a tapa Shechem namsau-in that uh a, Shechem’ inn pan Dinah la-in tua mun a paisan uh hi.

²⁷Jacob tapate in siluang tungtawnin a sanggamnu uh a kibuahsakna tua b[174] khuapi va susia uh hi.

²⁸Amaute in a tuuhonte, a bawnghonte, a laate uh le khuapi sung le lo sunga om amau na khempeuh a matsak uh hi.

²⁹Amaute in a hauhnate khempeuh uh, le a numei a naupang teng uh puakhia in inn sunga om na khempeuh laksak uh hi.

³⁰Tua ciangin Jacob in Simeon le Levi kiangah, "Hih gama teng Canaan-te le Periz-te tungah nong namsiasak uh a, nong lungkhamsak uh hi. Eite i tawm mahmah hi. Amaute in kei langah pawl kai-in kei hong sim le uh kei le ka innkuanpihte kisia ding hi," ci hi.

³¹Ahi hangin amaute in, "Ka sanggamnu uh numei kizuakte bangin a bawl ding hi zawzen hiam?" ci-in dawng uh hi.