Read Zokam Piancilna 4 Bible Online

Piancilna 4 - Zokam bible

Piancilna 4

¹Adam f[19] in a zi Eve luppih a amah gai-in suaka Cain g[20] ahi hi. Amah in, "TOPA huhna in mi khat ka hingkhia h[21] hi," a ci hi.

²Tua nung ciangin a sanggampa Abel a suak hi. Abel in tuuhon cinga, Cain in lo kho hi.

³A hun a cin ciangin Cain in TOPA biakna-in lei pana piang singgah pawlkhat puak hi.

⁴Ahi hangin Abel in a gante lak-a a tacilte sathau-bak a puak hi. TOPA in Abel le a biakna a angvan hi.

⁵Ahi hangin Cain le a biakna, a angvan kei hi. Tua ciangin Cain heh mahmah a, a maigum hi.

⁶Tua ciangin TOPA in Cain tungah, "Bang hangin heh na hiam? Bang hangin maigum na hiam?

⁷A maan hih lecin nang hong kisang lo ding ahi hiam? Ahi hangin a maan na hih kei leh na kongbiangah mawhna in hong buk khinkhian hi; nang zawh hong sawm hi, ahi hangin nang na zawhgawp ding ahi hi," ci hi.

⁸Tu-in Cain in a sanggampa Abel kiangah, ‘Gamlakah vakkhia ni," a[22] a ci hi. Gamlakah a om laitakun Cain in a sanggampa Abel langdo in that hi.

⁹Tua ciangin TOPA in Cain kiangah, "Na sanggampa Abel koi-ah om hiam?" ci hi. Amah in, "Ka thei kei hi, ka sanggampa a cingpa ka hi hiam?" ci-in dawng hi.

¹⁰TOPA in, "Bang hih khin na hi hiam? Ngai sin! Na sanggampa sisan leilak panin kei tungah hong kiko hi.

¹¹Tu-in hamsiatna na thuaka, na sanggampa sisan na khutin sang dinga a kamka leitang panin nang hong kihawlkhia hi.

¹²Leitang na khawh ciangin nang ading gah hong piangsak nawn kei ding hi. Leitungah cihna ding theilo-a a kawivak pa na suak ding hi," ci hi.

¹³TOPA tungah Cain in, "Ka dan thuakna kei thuak zawh zah sangin nasia zaw hi.

¹⁴Tu-in leitang panin kei nong hawlkhia a, na omna panin kei hong kisel ding hi; leitungah cihna ding theilo-a a kawivak pa ka suak ding a, hong mu peuhpeuh in kei hong that ding hi," ci hi.

¹⁵Ahi hangin TOPA in Cain tungah, "Tua bang hi lo hi. b[23] Mi khatpeuh in Cain a thah leh sagih vei sanga tamzaw in phulakna a thuak ding hi," ci hi. Tua khit ciangin TOPA in, a mu khatpeuh in a thah khak loh nadingin ciamtehna khat Cain tungah a koih hi.

¹⁶Tua ciangin TOPA omna panin Cain paikhia a, Eden nisuahna Nod c[24] leitangah a teng hi.

¹⁷Cain in a zi luppih a, a zi gai-in suak-a Enoch ahi hi. Tua ciangin Cain in khuapi khat lama a min ama tapa min mah Enoch a phuak hi.

¹⁸Enoch pan Irad suak a, Irad pen Mehujael’ pa hi a, Mehujael pen Methushael’ pa hi in, Mathushael pen Lamech’ pa ahi hi.

¹⁹Lamech in numei nih tenpih a, khat Adah hi in, a khat pen Zillah ahi hi.

²⁰Adah in ta Jabal nei hi; amah bukah tenga innsa khawite’ pa ahi hi.

²¹A sanggampa min Jubal ahi hi; amah harp le tamngai tumte’ khempeuh pa ahi hi.

²²Zillah in zong tapa Tubal-Cain nei a, amah sumngo le sik na zat khempeuh d[25] a bawlpa ahi hi. Tubal-Cain sanggamnu Naamah ahi hi.

²³Lamech in a zite kiangah, "Adah le Zillah aw, na ngai un; Lamech’ zite aw, ka kammalte za un. Kei hong liamsak mi khat, kei hong liamsuah khangno khat ka that e[26] khin hi.

²⁴Cain a zah sagih vei kithuk ahileh Lamech a zah sawm sagih le sagih vei-in kithuk ding hi," ci hi.

²⁵Adam in a zi luppih kik a tapa khat nei in, "Cain in Abel that ahih manin Pasian in Abel tangin ta dang hong pia hi," a cihna-in a min Seth f[27] phuak hi.

²⁶Seth in zong tapa nei a, a min Enosh phuak hi. Tua huna kipan mihingte in TOPA min lawh g[28] ding a kipan uh hi.