Read Zokam Piancilna 49 Bible Online

Piancilna 49 - Zokam bible

Piancilna 49

¹Tua khit ciangin Jacob in a tapate samsak a: "Mailam huna hong piang ding thute kong gen theih nadingin hong ki-um dih un.

²"Jacob tapate aw, kikhawm unla ngai un; na pa uh Israel thu ngai un.

³"Reuben aw, nang ka tapa upa pen na hi-a, ka thahatna, ka thacil lim, pahtawina sang pen le vangliatna sang pen na hi hi.

⁴Tuita khang bang na hi a, mitung na tuang nawn kei ding hi; ahang in, na pa’ lupna tungah na kahto-a, ka lupna-ah kah in na buahsak hi.

⁵"Simeon le Levi unau ahi hi - a namsaute h[232] uh ngongtatna hiam ahi hi.

⁶Amau thukupna-ah hong lutsak kei in, ahang in amaute hehin mi that uh a, a ut bangun bawngtal zagui a sattat uh hi.

⁷A hehluatna uh le a kheltat lua amau lungsona kihamsiat ta hen! Amaute Jacob sungah ka khenthang dinga, amaute Israel sungah ka thehthang ding hi.

⁸Judah a[233] aw, na sanggamte in nang hong phat ding uh hi; na galte na tawlmek ding hi; na pa’ tate na mai-ah kun ding uh hi.

⁹Judah aw, nang humpinelkai no na hi hi; ka ta aw, na sa nek lai na paisan ta hi. Humpinelkai pa bangin amah thamvakin a lum hi. Humpinelkai nu a bang - amah kuan phong ngam ding hiam?

¹⁰Judah panin ukna sikciang- khut kikhenkhia lo dinga, a khepekte kikal pan ukna ciangkhut zong a neipa b[234] kiang a tun mateng le minamte in ama thu a man mateng amah tawh a kikhenkhia kei ding hi.

¹¹Lenggui-ah ama laa khih in lenggui hoih penah a laano a khih hi; lenggahzu sungah a puante sawp dinga, lenggah sisanin a puantualpite a sawp ding hi.

¹²A mitte lenggahzu sangin sanzaw dinga, a hate bawngnawi c[235] sangin pakzaw ding hi.

¹³"Tuipi gei-ah Zebulun teng dinga, tembaw khawlmun suak ding hi; ama gamgi Sidon lamah kikhan ding hi.

¹⁴"Issachar pen a guh zaw d[236] laa hi a, laa van beleng e[237] nih kikal-a lum ahi hi.

¹⁵A khawlna mun hoih a sakna le ama leitang nopna a muh ciangin van pua dingin a liangko niamsak a, anaa-a nasem dingin a ki-ap hi.

¹⁶"Dan f[238] in Israel minamte khat bangin ama mite thutangin uk ding hi.

¹⁷Dan pen lam gei-a gulpi hi dinga, lamdungah a tunga tuangpa a tawtuksak nadinga sakol khetul a tu ngan hi ding hi.

¹⁸"TOPA aw, nong hutna ka zong hi.

¹⁹"Buluh honte in Gad, g[239] buluh ding uh a, ahi hangin amah in a khetul panin a do ding hi.

²⁰"Asher’ an lim ding hi; amah in kumpi an ding zah-a lim a puak ding hi.

²¹"Naphtali, a kikhahkhia sakhipi hi-a, a melhoih sakhinote h[240] a suakkhia hi.

²²"Joseph pen lenggui gahpha hi-a, tuinak gei-a lenggui gahpha, a hiangte kulh tunga zaam i[241] ahi hi.

²³Thalkapte in amah nakpi-in sim uh a, amaute in amah kapin gentheisak uh hi.

²⁴Ahi hangin ama thal ling lo-a, j[242] ama khut khauhte a manlang hi. Jacob’ Thahatpa’ khut hang, Israel’ Suangpi, Tuucingpa hang,

²⁵nang hong huh na pa’ Pasian hang, tunglam-a vantung thuphate, leinuai thukpi-a om thuphate le nawi le sul thuphate tawh nang thupha hong pia Thahatpen-Pa k[243] hang ahi hi.

²⁶Na pa’ thuphate, tanglai mualte’ thuphate sangin lianzaw a, Tanglai mualnote aa sangin a lianzaw l[244] Hihte khempeuh Joseph lutung le a sanggam pasalte’ lak-a m[245] ulianpa’ taltangah om ta hen.

²⁷"Benjamin pen a hap buahbuah keivom hi-a, zingsangin a sa matsa nomvalhin, nitakin a matsa teng a hawm hi," ci hi.

²⁸Hihte khempeuh Israel beh sawm le nihte, a pa in amaute thupha a piakin amau tunga a gen hi-a, amau hina tawh kituakin thupha pia ciat hi.

²⁹Tua khit ciangin amah in amaute hih bangin thu a hilh hi: "Kei ka mite kiangah hong kigawm ding hi ta hi. Abraham in kivuina mun-a neih dinga Hit mi Ephron tung pana lo tawh a lei khawm Canaan a, Mamre kianga om

³⁰Machpelah lo-a suanghawm Hit mi Ephron’ lo-a suanghawm sungah ka pate tawh kei hong vuikhawm un.

³¹Tua lai-ah Abraham le a zi Sarah kivui-a, tua lai-ah Isaac le a zi Rebekah-te kivui-a, tua lai-ah Leah ka vui hi.

³²Tua lo leh a sunga suanghawm, Hit mite n[246] tung pana kileisa ahi hi," ci hi.

³³Jacob in a tapate a lamlahna a man ciangin a lupna-ah a khe nga to-a, a hu nunung pen sangin a mipihte kiangah a kigawm hi.