Read Zokam Piancilna 5 Bible Online

Piancilna 5 - Zokam bible

Piancilna 5

¹Hih in Adam gui sutna ahi hi. Pasian in mi a piansak-in Pasian tawh a kibangin bawl hi.

²Amah in amaute anu le apa piangsaka thupha a pia hi. A piansak hun lai-in amaute "mihing" h[29] ci hi.

³Adam kum 130 a nuntak khit ciangin amah tawh a kibang ama lim a sun tapa khat nei a, a min Seth phuak hi.

⁴Seth a suah khit ciangin, Adam kum zagiat nungta a, tanu dang le tapa dang a nei lai hi.

⁵Adam a nuntak sung khempeuh kum 930 hi a, tua khit ciangin si hi.

⁶Seth kum 105 a nuntak khit ciangin Enosh pa a suak hi.

⁷Enosh’ pa i[30] ahi khit ciangin Seth kum 807 nungta lai-a tanu dang le tapa dang a nei lai hi.

⁸Seth a nuntak sung khempeuh kum 912 hi a, tua khit ciangin si hi.

⁹Enosh kum 90 a nuntak khit ciangin tapa Kenan a nei hi.

¹⁰Kenan’ pa ahi khit ciangin Enosh kum 815 nungta lai-a, tanu dang le tapa dang a nei lai hi.

¹¹Enosh nuntak sung khempeuh kum 905 hi a, tua ciangin a si hi.

¹²Kenan kum 70 a nuntak khit ciangin tapa Mahalalel nei hi.

¹³Mahalalel’ pa ahi khit nungin Kenan kum 840 nungta lai-a, tanu dang le tapa dang a nei lai hi.

¹⁴Kenan a nuntak sung khempeuh kum 910 hi a, tua khit ciangin si hi.

¹⁵Mahalalel kum 65 a nuntak khit ciangin tapa Jared a nei hi.

¹⁶Jared’ pa ahi khit nungin Mahalalel kum 830 nungta lai-a, tanu dang le tapa dang a nei lai hi.

¹⁷Mahalalel a nuntak sung khempeuh kum 895 hi a, tua khit ciangin si hi.

¹⁸Jared kum 162 a nuntak khit ciangin tapa Enoch nei hi.

¹⁹Enoch’ pa ahi khit nungin Jared kum 800 nungta lai-a tanu dang le tapa dang a nei lai hi.

²⁰Jared a nuntak hun sung khempeuh kum 962 hi a, tua khit ciangin a si hi.

²¹Enoch kum 65 a nuntak khit ciangin tapa Methuselah a nei hi.

²²Methuselah’ pa ahi nungin Pasian tawh Enoch kum 300 sung tonkhawm a, tanu dang le tapa dang a nei lai hi.

²³Enoch nuntak sung khempeuh kum 365 ahi hi.

²⁴Pasian Enoch tawh tonkhawm hi; tua khit ciangin amah a om nawn kei hi. Bang hang hiam cih leh Pasian in amah lamang hi.

²⁵Methuselah kum 187 a nuntak khit ciangin tapa Lamech a nei hi.

²⁶Amah Lamech’ pa a hi khit nungin Methuselah kum 782 nungta lai a, tanu dang le tapa dang a nei hi.

²⁷Methuselah a nuntak sung khempeuh kum 969 hi a, tua ciangin a si hi.

²⁸Lamech kum 182 a nuntak khit ciangin tapa khat a nei hi.

²⁹Amah in, "TOPA in a hamsiatsa leitunga i nasepna le i gimnate panin amah in eite hong hehnem ding hi," a cih na-in a min Noah a[31] a phuak hi.

³⁰Noah a suah khit nungin Lamech kum 595 nungta lai-a, tanu dang le tapa dang a nei lai hi.

³¹Lamech a nuntak sung khempeuh kum 777 hi a, tua khit ciangin a si hi.

³²Noah kum 500 a upat nungin tapa Shem, Ham le Japheth-te a nei hi.