Read Zokam Piancilna 6 Bible Online

Piancilna 6 - Zokam bible

Piancilna 6

¹Lei tungah mite khangin tampi a phak uh ciangin amaute in tanute nei uh a,

²Pasian’ tapate in mihingte tanute melhoihsa in, amaute a deih peuhpeuh uh telin tenpih uh hi.

³Tua khit ciangin TOPA in, "Ka kha le mihing a kibuan b[32] niloh thei kei ding hi; ahang in, amah a sithei hi a, c[33] ama nite kum za le sawmnih hi ding hi," ci hi.

⁴Tua hun lai-in lei tungah Nephilim-te om uh a - tua khitin zong om uh hi - Pasian’ tapate mihingte’ tanute kiangah pai uh-a amaute tawh ta nei uh hi. Amaute khanglui lai-a mi thahat minthangte ahi uh hi.

⁵TOPA in lei tungah mihingte gitlohna a liat zia le, a tawntungin a lungsim uah gitlohna ngaihsutna a neihlam uh mu hi.

⁶Leitungah mi a bawl TOPA dah a, a lungsim na mahmah hi.

⁷Tua ahi manin TOPA in "Ka piansaksa mihing - mite le ganhingte, a bokvak ganhingte le huihlak vasate, lei maitang panin ka phiat siang ding hi, ahang in amaute ka bawl ka dah hi," a ci hi.

⁸Ahi hangin Noah in TOPA muhna ah angvanna a ngah hi.

⁹Hih in Noah khanggui sutna ahi hi. Noah, ama khan hun lai-in mite lakah thumaana kawkbaang loin Pasian tawh a tonkhawm mi khat ahi hi.

¹⁰Noah in tapa thum:Shem, Ham le Japheth a nei hi.

¹¹Tu-in Pasian muhna-ah leitung siagawpa ngongtatna tawh kidim hi.

¹²Pasian in leitung mite khempeuh a siat gamtat manin leitang a siat luat lam a mu hi.

¹³Tua ahi manin Pasian in Noah tungah, "Ngongtatna tawh leitang kidim ahi manin, amaute hangin mi khempeuh ka beisak ding hi. Leitung le a mite a nih in ka susia khawm taktak ding hi.

¹⁴Tua ahi ciangin cypress d[34] tawh gunkuang-pi khat bawl in; a sungah dei omsak inla, a sung le a pua ah kultar in zut in.

¹⁵Na bawlzia ding hih bang ahi hi: Gunkuangpi pi 450 sausak in, pi 75 zaisak inla pi 45 sang e[35] sak in.

¹⁶A tung zong lam inla, a tunglam khutpi 18 f[36] awngsakin tua ciangin mansak g[37] in. Gunkuangpi pangah kongkhak khat bawl inla sual, a tungnung, a laita le a nuainung bawl in.

¹⁷Keimah in vante nuai-a om khempeuh, a sunga husang ganhing khempeuh a susia dingin tuiciin ka tungsak ding hi. Leitung a na khempeuh ka sia mangsak ding hi.

¹⁸Ahi hangin nang tawh thukhun ka bawl ding hi. Nang, na tate, na zi, na tate zite tawh - gunkuangpi sungah na lut ding uh hi.

¹⁹Na gunkuangpi sungah nuntakna a nei ganhing khempeuh nih ciat - a nu le a pa, na khum dinga na khawi ding hi.

²⁰Vasa nam, ganhing nam, leitunga a bokvak ganhing nam ciat panin nih ta na kiangah hong pai ding uh a, a nungta dingin na kem ding hi.

²¹Nang le tuate an dingin nek theih namkim khol in," a ci hi.

²²Noah in Pasian thupiak bang tektekin na khempeuh a hih hi.