Read Zokam 2 Samuel 12 Bible Online

2 Samuel 12 - Zokam bible

2 Samuel 12

¹TOPA in David kiangah Nathan a sawl hi. Ama kiang a tun ciangin, "Khua khatah mi nih a om hi. Khat hau-a a khat a zawng hi.

²A haupa in tuuhon le bawnghon tampitak nei-a

³a zawngpa in ahileh a leisa tuunu no khat longal bangmah a nei kei hi. Amah in tuuno khoi khanga, a tate tawh a khangkhawm hi. A an hawmin a hai-in tui tulh-a a ang nangawnah a lumsak hi. Ama tanu tawh a kibang hi.

⁴"Khatvei a haupa kiangah khualzinpa khat tunga ahi hangin a haupa in ama inna tungpa nek dingin a tuuhon ahikeh a bawnghon panin khatpeuh a gawh nuam kei hi. Ama aa tangin mizawngpa tuuno laksak-a a inn a tungpa adingin a gawhsak hi," a ci hi.

⁵Tua mipa tungah David heh mahmah a Nathan kiangah, "TOPA nuntakna lo in ka gen hi, tua banga hihpa sihsak dingin kilawm hi.

⁶Amah in hehpihna nei loin tua banga gamta ahi manin tuuno a zah li-in a loh pelmawh kul hi," a ci hi.

⁷Tua ciangin Nathan in David kiangah, "Nang tua mipa na hi hi. TOPA Israel Pasian gen hih ahi hi: ‘Israel uk dingin sathau kong nilha, Saul khut panin kong hukhia hi.

⁸Na pu’ inn nang kong pia-a, na pu’ zite na angah om uh hi. Nang tungah Israel innkuan le Judah kong pia hi. Hih khempeuh tawm lua lai ahileh a tamzaw nangawn kong pia lai ding hi.

⁹Ama muhna ah a sia-a gamtatna tawh bang hangin TOPA kammal simmawh na hi hiam? Namsau-in Hit mipa Uriah na satlum a, na zi dingin ama zi na la hi. Ammon-te namsau in amah na that hi.

¹⁰Tua ahi ciangin tu-in na inn le namsau a kikhenkhia ngei kei ding hi, bang hang hiam cihleh kei nong simmawh a Hit mipa Uriah’ zi nang adingin na sut hi,’ ci hi.

¹¹"TOPA gen hih ahi hi: ‘Nangma innkuan sung pan mah in nang tungah tuahsiatna kong tungsak ding hi. Na mai ah na muh gige in na zite ka la dinga, na kinaipihte ka pia ding hi; amah in suntangpi in na zite a luppih ding hi.

¹²Nang na dap sep ahi hi, ahi hangin keimah in Israel khempeuh mai-ah suntangpi in ka sem ding hi,’ ci hi," a ci hi.

¹³Tua ciangin David in Nathan kiangah, "TOPA tungah ka mawh zo hi," a ci hi. Nathan in, "TOPA in na mawhna lakhia khinta hi. Na si kei ding hi.

¹⁴Ahi hangin hih banga na gamtatna tawh TOPA galte tungah gensiatna b[32] lak na hi manin na sunga piang na tapa a si ding hi," a ci hi.

¹⁵Inn ah Nathan a ciah khit ciangin TOPA in, David in Uriah’ zi tawh a neih naupang sat-a a ci na hi.

¹⁶David in Pasian tungah naupang ading a thumsak hi. Amah a inn sungah pai-in an tanga leitual ah lumin zan hunte a zang hi.

¹⁷Leitual pan amah a phong dingin a innkuan upate a kiangah ding uh a, ahi hangin amah’n nial-a, amaute tawh an khatpeuh a ne nuam kei hi.

¹⁸A ni sagih ni-in naupang a si hi. Naupang a sih lam David kiangah a koh ding uh a nasemte a lau uh hi. Amaute in, "Naupang a nuntak lai nangawnin David ka hopih uh hangin ka thu uh hong ngai lo hi. Naupang a sihlam bangci gen peuhmah ding i hi hiam? A sia khatpeuh a bawl kha ding hi," ci-in a ngaihsun uh hi.

¹⁹David in a nasemte amau le amau a kihuau uh thei a, naupang a sihlam a thei hi. Amah in, "Naupang si ta hiam?" ci-in a dong hi. Amaute in, "Hi hi, amah sita hi," ci-in a dawng uh hi.

²⁰Tua ciangin David leitual panin a thoto hi. A kisil khit ciangin sathaute kizut-a a puan khekin TOPA inn sungah pai-in a bia hi. Tua ciangin ama innah pai-a, an ngenin amaute in pia uh a, a ne hi.

²¹A nasemte in, "Bang hangin hih bangin gamta na hi hiam? Naupang a nuntak lai-in an tangin na kap a, tu-in naupang si ta-a, nang thoin an na ne zawsop hi!" ci-in a dong uh hi.

²²Amah in, "Naupang a nuntak lai-in an tangin ka kap hi. Kei ngaihsutna ah, ‘Kua’n thei ahi hiam? TOPA in kei hong hehpihin naupang hingsak kha thei ding hi,’ ka ci hi.

²³Ahi hangin tu-in amah si ta hi, bang hangin an tang nawn ding ka hi hiam? Ke’n amah la kik thei ka hi hiam? Ama kiangah ka pai dinga amah ahileh kei kiangah hong ciah kik nawn kei ding hi," a ci hi.

²⁴Tua ciangin David in a zi Bathsheba hehnem a, ama kiangah pai-in amah a luppih hi. Tuanu in tapa khat nei-a a min Solomon a phuak uh hi. TOPA in amah a it hi;

²⁵TOPA in amah it ahi manin kamsangpa Nathan tungah a min Jedidiah a[33] cih dingin a thukhak hi.

²⁶Tua hun laitakin Joab in Ammon mi Rabbah simin a kumpi kulh muanhuai a la zo hi.

²⁷Tua ciangin Joab in David kiangah kamtai sawla, "Rabbah ka sima a tuinek uh ka la zo hi.

²⁸Tu-in galkap a om lai teng khawm inla khuapi umcihin la ta in. Tua hi kei leh ken khuapi la leng keima min a puakha ding hi," a ci hi.

²⁹Tua ciangin David in galkap om khempeuh khawma Rabbah ah kuanin sima, a la hi.

³⁰Amaute kumpipa b[34] lutang panin a kumpi lukhu a la hi - tua in kham talent c[35] khat khai in, suangmanpha in kizem a - David lutungah a kikhusak hi. Amah in khuapi panin van kinusia tampitak la a,

³¹tua lai-a om mite paikhiatpihin sing-at ding, tuzum le hei zanga nasem dingin koiha, leisek seekna d[36] ah na a semsak hi. Amah in Ammon khuapite khempeuh ah a hicih hi. Tua ciangin David le a galkap khempeuh Jerusalem ah ciahkik uh hi.