Read Zokam 2 Samuel 17 Bible Online

2 Samuel 17 - Zokam bible

2 Samuel 17

¹Ahithophel in Absalom kiangah, "Mi tul sawm le tulnih ka a[46] tengkhia dinga, David nungdelh dingin tuzan ka kuankhia ding hi.

²Amah gima a thanem laitakin simin linthawnin ka sat dinga b[47] tua ciangin ama ompih khempeuh a taikek ding c[48] uh hi. Kumpipa bek ka sattuk dinga d[49]

³mite khempeuh nang kong puak kik ding hi. A si dinga mi khat na zon, a vekpi-a hong ciahkikna suak dinga; mite khempeuh ka nasak kei ding hi," a ci hi.

⁴Absalom le Israel upate khempeuh in tua geelna hoih sa uh hi.

⁵Ahi hangin Absalom in, "Ark-te Hushai zong sam dih un, amah’n bang gen hiam za phot dih ni," a ci hi.

⁶Hushai ama kiang a tun ciangin Absalom in, "Ahithophel in hih ngaihsutna hong pia hi. A gen bangin i hih ding hiam? I hih kei ding leh na ngaihsutna hong gen in," a ci hi.

⁷Hushai in Absalom kiangah, "Ahithophel ngaihsutna tutungin hoih lo hi.

⁸Na pa le a mite na theihsa ahi hi; amaute galdo siam uh a, gamlakah vompi no laksak bangin a hangsan uh hi. Tua thamlo in, na pa galdo siamsa khat hi a, zanin galkap honpi tawh a omkhawm kei ding hi.

⁹Tu nangawnin suanghawm ah a buk kei leh mundang khatah om ding hi. Amah in nang galkapte hong sim masa e[50] leh, a zakha mi peuhmah in, "Absalom zui galkapte lakah kingawng atna om hi,’ ci ding uh hi.

¹⁰Tua ciangin Israel khempeuh in na pa galsiam hi-a, ama ompihte galhang ahilam a theihsa uh ahi manin, humpinelkai lungsim nei a hang pente nangawn lau-in lungsi ding uh hi.

¹¹"Tua ahi ciangin kei ngaihsutna ah: Israel mi peuhmah Dan panin Beersheba ciang - tuipi gei-a sehnel zaha tamte - kikaikhawmin, nang mahmah in galsung ah amaute na makaih ding hi.

¹²Tua hileh amah a kimuhna peuhpeuh ah simin leituala daitui kia bangin ama tungah i kia ding hi.

¹³Amah khuapi sungah a nung kik leh, Israel khempeuh in khauhual kengin, tua khuapi a them zong a kimuh loh dongin kuam sungah i kaimang ding hi," a ci hi.

¹⁴Absalom le Israel mite khempeuh in, "Ahithophel ngaihsutna sangin Ark-te Hushai ngaihsutna hoihzaw hi," a ci uh hi. Ahang in, Absalom tungah siatna a tun theih nadingin TOPA in Ahithophel piak ngaihsutna a hoihzaw-a a sehsa ahi hi.

¹⁵Hushai in siampi Zadok le Abiathar-te kiangah, "Ahithophel in Absalom le Israel upate kiangah hih bang hih banga sep dingin gen a, ahi hangin ke’n tuaci bang tuaci banga sep dingin ka gen hi.

¹⁶Tu mahmah in thu paisak inla David kiangah, "Sehnel gam ngahmun ah tuzan na giak kei in; na galkah pelmawh kei uh leh kumpipa le ama ompih mi khempeuh hong kivalhtum ding hi,’ ci-in gen in," a ci hi.

¹⁷En Rogel ah Jonathan le Ahimaaz a om uh hi. Nasem numei khat in amaute thu va puakin amaute in kumpipa kiangah pai-in a va gen ding uh ahi hi; ahang in, tuate khuapi sungah a lut ding uh lauhuai hi.

¹⁸Ahi hangin tangval khatin amaute mu a Absalom kiangah a ko hi. Tua ciangin tua mite gel paikhia uh a, Bahurim a mi khat inn a zuan uh hi. Tuapa in a huang sungah tuidum khat a nei hi; amaute tua sungah a kumsuk uh hi.

¹⁹A zi in tuidum sin la-in a tungah sin-a, tua tungah an a zaal hi. Tua thu kuamah in a thei kei hi.

²⁰Absalom mite tua inn a numei kiang a tun uh ciangin, "Ahimaaz le Jonathan koi-ah om uh hiam?" ci-in a dong uh hi. Numei in amaute kiangah, "Amaute lui galkah khin uh hi," a[51] a ci hi. Tua mite in a zon uh hangin kuamah mu lo uh a, tua ciangin Jerusalem ah a ciah uh hi.

²¹Tua mite a paikhiat khit uh ciangin amaute tuidum panin kahto uh a Kumpi David thu puak dingin a pai uh hi. Amaute in, "Manlangin paikhia unla gungal kah un; Ahithophel in no tunga hih nadingin hibang, hibangin ngaihsutna pia hi," a ci uh hi.

²²Tua ciangin David le a ompihte khempeuh paikhia in Jordan galah a galkah uh hi. Khuavak ciangin Jordan galah a galkah nai lo khat beek a om kei uh hi.

²³Ahithophel in ama ngaihsutna a kizuih loh lam a muh ciangin a laa tutphah vawhin ama gam khuapi-a a innah a ciah hi. A innsung vai hawmsaka tua khit ciangin a gui-awk hi. Tuaci-in amah si-a a pa hanah kivui hi.

²⁴Mahanaim ah David pai a, Absalom le a mi Israel-te khempeuh Jordan a galkah uh hi.

²⁵Absalom in Joab munah galkapte a uk dingin Amasa a koih hi. Amasa pen Israel-te b[52] khat hi a, Jether c[53] min nei mi khat tapa ahi hi. Amah in Joab’ nu Zeruiah’ sanggamnu Nahash’ tanu Abigail d[54] a tenpih hi.

²⁶Israel-te le Absalom in Gilead ah giahphual a sat uh hi.

²⁷Mahanaim ah David a tun ciangin Rabbah pana Ammon-te Nahash’ tapa Shobi le Lo Debar pana Ammiel’ tapa Makir le Rogelim pana Gilead-te Barzillai in

²⁸puanlom le kuang le inn vanzatte a puak uh hi. Amaute in mangbuh le mangbuh-ham, annel le antang kansa, be le zawngbe e[55],

²⁹khuaizu le nawithau-khal, tuu le bawngnawi-khalte David le a mite nek dingin a puak uh hi. Bang hang hiam cih leh amaute in, "Mite gilkialin gim uh a, sehnel gamah a dangtak uh hi," a ci uh hi.