Read Zokam 2 Samuel 6 Bible Online

2 Samuel 6 - Zokam bible

2 Samuel 6

¹David in Israel panin a kiteelkhia mi tul sawmthum a kaikhawm hi.

²Cherub-te kikal tokhom tunga om Thahatpen TOPA’ Mina d[11] kilo Pasian singkuangpi, Judah gam Baalah e[12] panin a puakhia dingin amah le a mite khempeuh a kuankhawm uh hi.

³Amaute in Pasian singkuangpi leng thak khat tungah koih uh a, mualtunga om Abinadab inn panin a paikhiatpih uh hi. Uzzah le Ohio, Abinadab’ tapate in leng thak f[13],

⁴a tunga Pasian singkuangpi tawh cingkhawm uh a, Ohio a mai-ah a pai hi.

⁵David le Israel innkuan buppi in a hih theih zahun TOPA mai-ah late g[14] le harp-te, lyre-te khuangtate, khuangtuahte le daltuahte tumin a muak uh hi.

⁶Amaute Nacon ancilna phual a tun uh ciangin bawngtal kimuktu ahi manin Uzzah in zama Pasian singkuangpi a len hi.

⁷Uzzah in a zahtakbawl lohna hangin ama tungah TOPA hehna a kuang hi; tua ahi ciangin Pasian in amah sattuk-a Pasian singkuangpi gei-ah a si hi.

⁸Uzzah tungah TOPA thangpai ahi manin David heh a, tuni dongin tua mun Perez Uzzah h[15] kici hi.

⁹Tua ni-in David in TOPA kihta a, "TOPA singkuangpi kei kiangah bang hong ci tun theih ding ahi hiam?" a ci hi.

¹⁰Amah in TOPA singkuangpi David Khuapi ah amah tawh a om ding a ut kei hi. Tua tangin amah in Gitt-te Obed- Edom inn ah a tuam koih hi.

¹¹Gitt mi Obed-Edom inn ah TOPA singkuangpi kha thum sung oma, TOPA in amah le a innkuanpih khempeuh thupha a pia hi.

¹²Kumpipa David tungah, "Pasian singkuangpi hangin Obed-Edom le a neihsa khempeuh TOPA in thupha pia hi," ci-in a kigen hi. Tua ciangin David paisuk a, Obed-Edom inn panin David khuapi ah Pasian singkuangpi lungnuamtakin a pua to hi.

¹³TOPA singkuangpi a puate in kal guk a suan uh ciangin bawngtal khat le bawngno vakthau khatin a bia hi.

¹⁴David in saihadial siampi puan khat silhin, a tha neih zahin TOPA mai-ah lama,

¹⁵tua hunin amah le Israel innkuan buppi, awng uh a pengkul aw tawh TOPA’ singkuangpi a paipih to uh hi.

¹⁶David Khuapi sungah TOPA singkuangpi a lut laitakin Saul tanu Michal in tawhlet panin a na vil hi. TOPA mai-ah kumpipa David diangin a lam a muh ciangin a lungsimin amah a musit hi.

¹⁷Amaute in TOPA singkuangpi paipih uh a, David in tua dinga a zaaksa puanbuk sungah koihin David in meihal biaknate le kilawmtakna biaknate i[16]TOPA mai-ah a pia hi.

¹⁸Amah in meihal biaknate le kilawmtakna biaknate a piak khit ciangin Thahatpen TOPA minin mite thupha a pia hi.

¹⁹Tua ciangin Israel mihon buppi numei le pasalte anlum khat, nisuh moh khat le lenggah moh khat ciat a pia kim hi. Tuateh mite khempeuh amau innah a ciah uh hi.

²⁰A innkuanpihte thupha pia dingin David a ciah ciangin Saul tanu Michal in amah na dawntuah a, "Tuni-in Israel kumpipa amah le amah kithupi suahsak si e, mi kheltat khatpeuh hih bangin a nasem sila numeite muhin a puansuahsa-in a om a," a ci hi.

²¹David in Michal kiangah, "Tua in na pa ahikeh ama innkuan khatpeuh sanga hong teelzaw - TOPA’ mi Israel a ukpa dinga hong koih TOPA mai ahi hi - TOPA mai-ah ka gualnop mah ding ahi hi.

²²Hih sangin zong ka zumhuai zaw lai dinga, keima mit ah ka neusak zaw lai ding hi. Ahi hangin hih na gen sila numeite in kei hong pahtawi ding uh hi," a ci hi.

²³Tua hi a Saul tanu Michal in a sih dong ta a nei kei hi.