Read Zokam 2 Samuel 7 Bible Online

2 Samuel 7 - Zokam bible

2 Samuel 7

¹Kumpipa a inn ah tengin TOPA in a kimkota galte panin galmuang-saka,

²amah in kamsangpa Nathan kiangah, "Kei hih lai-a tamtak kumpi inn sungah ka tenga, Pasian singkuangpi ahileh puanbuk sungah a om lai hi," a ci hi.

³Nathan in kumpipa kiangah, "Na lungsima na ngaihsut peuhpeuh mainawtin sem in TOPA in nang hong ompih hi," ci-in a dawng hi.

⁴Tua zanin Nathan tungah TOPA thu tunga,

⁵"Pai inla ka nasempa David kiangah, ‘TOPA gen hih ahi hi: Ka ten nading inn khat hong lamsak ding nang na hi hiam?

⁶Israel-te Egypt pan ka paikhiat tohpih ni-a kipan tuni dong inn sungah ka teng nai kei hi. Puanbuk sungah tengin mun khat panin mun khatah ka kikhin kawikawi hi.

⁷Israel-te tawh ka kikhinna peuhpeuh ah ka mite a cing dinga thu ka piak amau gam-ukte kua tungah, "Bang hangin tamtak sing inn hong lamsak lo na hi uh hiam?" ci ngei ka hi hiam?’ ci hi.

⁸"Tua ahi ciangin tu-in ka nasempa David tungah, ‘Thahatpen TOPA gen hih ahi hi: Ka mi Israel a uk dingin lonona pan le ganhonte na zuihna panin nang kong la hi.

⁹Na painasa khempeuh ah nang kong ompih a, na mai-a galte khempeuh ka hawlkhia hi. Tu-in na min leitunga mi lianpente minte bangin ka liansak ding hi.

¹⁰Ka mi Israel-te in amau inn ding nei-in a kinawngkaisak nawn loh nading mun ka pia dinga amaute ka phut ding hi. A tung lai-a migilote in ka mi Israel-te a nuainet bangin

¹¹amaute a makai a[17] ding ka seh khita kipan a hih nawn kei ding uh hi. Na galte khempeuh panin zong kong tawlngasak ding hi. "‘TOPA in nang tungah: TOPA mahmah in nang ading inn khat kong bawlkipsak ding hi; cikhia hi.

¹²Na nite bei-in na pate tawh na khawlkhawm ciangin na zalaih ding nangma suan nang sunga piang dingte mah ka lamto dinga ama kumpi-gam ka phutkip ding hi.

¹³Amah in ka Minin inn khat lam dinga ama kumpi-gam tokhom ka kipsak tawntung ding hi.

¹⁴Kei a pa ka hi dinga, amah ka tapa ahi ding hi. Amah a khialh leh mihing ciangduai-in ka sat dinga mihing gimsakna-in dan ka tuaksak ding hi.

¹⁵Ahi hangin na mai-a ka hepkhiat Saul tung pana ka itna ka lakkhiat bangin nangma tung pan ka lakhia ngei kei ding hi.

¹⁶Ka b[18] mai-ah na innkuan le na kumpi-gam a kip tawntung ding hi; na kumpi tokhom a kip den ding hi,’ ci-in gen in," a ci hi.

¹⁷Nathan in hih kilaaknate khempeuh David tungah a gen hi.

¹⁸Tua ciangin kumpipa David sungtumin TOPA mai-ah tu a: "Thuneipen TOPA aw, hih ciang nong tunpih dingin kei kua hi-a, ka innkuanpihte bang ahi hiam?

¹⁹Tua hi a, Thuneipen TOPA aw, nang muhna ah hihte a kicing nai lo bangin na nasempa innkuan vai mailam ading zong nong gen khin zo hi. Thuneipen TOPA aw, mihingte tawh na kizopzia hih bang mah ahi hiam?

²⁰"David in nang tungah bang genthuah lai ding ahi hiam? Na nasempa na theih khitsa ahi hi, Thuneipen TOPA aw.

²¹Na thugen le na deihna tawh kizui-in, hih na lianpi na sem khin zo a, na nasempa na theisak zo hi.

²²"O Thuneipen TOPA, lian si cia maw? Nang tawh kibang khat beek om lo-a, ka bil-ua ka zaksa bangun nang longal Pasian dang a om kei hi.

²³Pasian mahmah paikhia-in, ama mi dinga a tatkhiatte ama min suaksaka, alian a kihtakhuai nalamdang bawlin na mite mai pan minamte le a pasiante uh hawlkhia-in Egypt pana na tatkhiat c[19] - na mi Israel-te tawh a kibang kua om ahi hiam?

²⁴A tawntunga na aituam dingin na mi Israel-te na kipsak khin a, amaute Pasian na suak khin hi, TOPA aw.

²⁵"Tua hi-a TOPA Pasian aw, tu-in na nasempa le a innkuante tunga na thuciam tawh kisai lenkip den in. Na min a liat tawntung nadingin

²⁶na ciamsa bangin sem in. Tua ciangin mite in ‘Thahatpen TOPA Israel-te Pasian ahi hi!’ ci ding uh hi. Tuateh na nasempa David innkuan nangma mai-ah a kip ding hi.

²⁷"A Thahatpen TOPA Israel Pasian aw, na nasempa tungah hih nong laaka, ‘Nang adingin innkuan khat ka kipsak ding hi,’ na ci hi. Tua ciangin na nasempa in nang tungah hih thungetna kong ngen ngam hi.

²⁸Thuneipen TOPA aw, nangmah Pasian na hi hi! Na kammalte muantaka, na nasempa tungah hih na hoihte na ciam khin hi.

²⁹Tu-in nangma muhna ah a kizopsuak nadingin na nasempa’ innkuan thupha na piak ding lungkim in; Thuneipen TOPA aw, na genkhia khin hi, nangma thupha piakna tawh na nasempa innkuan thupha a kipia den ding hi," a ci hi.