Read Zokam 1 Kumpite 10 Bible Online

1 Kumpite 10 - Zokam bible

1 Kumpite 10

¹Sheba kumpinu in Solomon minliatna le TOPA min tawh a kizopna a zak ciangin thudotna haksate tawh a zia-et dingin a kuan hi.

²Jerusalem ah tungin khualzin mi tampite tawh - gimnamtuite, kham le suangmanpha tampitak a pua kala-ohte - tawh Solomon kiangah pai-a, a lungsima a ngaihsut khempeuh a kuppih hi.

³Solomon in a thudot khempeuh dawng hi; kumpipa in tuanu tungah a gen kik ding thuhaksalua khat beek a om kei hi.

⁴Sheba kumpinu in Solomon pilna, le a lamsa a kumpi-inn,

⁵a sabuai tunga annek, a uliante tutna, a nasemte puansilh, a haitawite le TOPA biakinnpi-a meihal biaknate b[65] a muh ciangin a cih nading a thei kei hi.

⁶Tuanu in kumpipa kiangah, "Na nasepsate le na pilna ka gam pana ka zakna thuman ahi hi.

⁷Ahi zongin hong pai-in ka mit-a ka muh mateng ka um kei hi. Man takpi hi, kei tungah alang zong hong kigen nai lo hi-a, hong kigen ka zaksate na pilna le na neihsa in a khumkhelh mang hi.

⁸Na mite lungdam si in cia! Na pilna a za na mai-a ding den na uliante lungdam si in cia!

⁹Nang tungah lungkima Israel kumpi tokhoma hong tusak TOPA na Pasian kiphat ta hen. TOPA in Israel a tawntunga a itna hangin thumaan le thutang a nasem dingin nang kumpi hong suaksak ahi hi," a ci hi.

¹⁰Tua ciangin amah in kumpipa kham talent 120 c[66] le gimnamtui tampitak le suang manphate a pia hi. Sheba kumpinu in Solomon a piak zaha tam gimnamtui a kipuak ngei nawn kei hi.

¹¹(Hiram tembawpite in Ophir panin kham puak hi; tua panin cingsing d[67] tampitak le suangmanpha a puak uh hi.

¹²Kumpipa in cingsingte TOPA biakinnpi le kumpi-inn kipsak nading le harp le lyre tumtheihte bawlna-in a zang hi. Tuni dong tua zaha tam cingsing gam sungah tum ngei loin zong a kimu ngei nawn kei hi.

¹³Kumpi Solomon in Sheba kumpinu a deih khempeuh le a nget teng pia-a, tua banah ama kumpi neihsate a piak beh lai hi. Tua ciangin a tonpihte tawh a gamah a ciah uh hi.

¹⁴Solomon in kum sima a ngah kham talent 666 e[68] hi a,

¹⁵tuate, sumbukte, sumbawlte le Arab kumpite le gam sunga ukpite siah a kihel lo ahi hi.

¹⁶Kumpi Solomon in seka kiseek kham tawh kibawl lum lianpi zanih bawl hi; lum khat bawl nadingin kham bekas zaguk f[69] a bei hi.

¹⁷Amah in seka kiseek kham lumneu zathum zong bawla, lumneu khatah kham mina thum g[70] a bei hi. Kumpipa in Lebanon Tulak Kumpi-inn ah tuate a koih hi.

¹⁸Tua ciangin kumpipa in saiha tawh kumpi tokhom lianpi khat bawla kham hoihin a tungah a luan hi.

¹⁹Tokhom in kahlei cial guk nei a, a kingapna dawn a kual hi. Tutna pang tuakah ban ngakna om a, tuate pang tuakah humpinelkai a ding tuak hi.

²⁰Kahlei geiah humpinelkai sawm le nih dinga, kahlei mong khatah khat ta a om hi. Kumpi gam dang khatpeuh ah tua banga kibawl a om ngei kei hi.

²¹Solomon hai zatte khempeuh kham hi a, Lebanon Tulak Kumpi-inn a vanzatte khempeuh kham citak ahi hi. Solomon hun lai-in ngun kineu ngaihsut ahi manin ngunin bangmah kibawl lo hi.

²²Kumpipa in tuipi a Hiram tembawpi tawh a tonkhawm sumbawl tembawpi h[71] hon khat a nei hi. Tuate kum thumin khatvei ciah uh a, kham, ngun, saiha, le guldu le zawngmaw-te a pua uh hi.

²³Leitung kumpi khempeuh sangin hauhna le pilna-in Solomon a thupizaw hi.

²⁴Pasian in Solomon lungsima a guat pilna ngai dingin leitung buppi in amah a zuan ciat uh hi.

²⁵Kum simin a kianga paite khempeuh in letsong puak ciat uh a, - ngun le kham vanzatte, puante, galhiamte le gimnamtuite le sakolte le laate a puak uh hi.

²⁶Solomon lengte le sakolte khangkhang hi; amah in sakolleng tul le zali le sakol i[72] tul sawm le tul nih nei hi; tuate sakolleng koihna khuapi le ama omna Jerusalem ah a kem hi.

²⁷Kumpipa in Jerusalem ah suang bangin ngun zanga, mualbulte a theiba kung zahin tamtak sing a tamsak hi.

²⁸Solomon sakolte Egypt j[73] pan le Kue k[74] pana kila hi a - kumpipa sumbawlte in Kue pana a lei uh ahi hi.

²⁹Amaute in Egypt panin sakolleng khat ngun shekel zaguk l[75] pia uh a sakol khat za le sawmnga m[76] a pia uh hi. Amaute in Hit-te le Aram kumpite tungah zong a zuakkhia sawn uh hi.