Read Zokam 1 Kumpite 5 Bible Online

1 Kumpite 5 - Zokam bible

1 Kumpite 5

¹A pa David za luah dingin Solomon sathau kinilh khin hi cih Tyre kumpipa Hiram in a zak ciangin David tawh a kilawmta den uh ahi manin Solomon kiangah a palaite a sawl hi.

²Solomon in Hiram tungah hih thu a puak kik hi:

³"TOPA in ka pa David khenuai-ah a galte a koihsak mateng, ama kimkot khempeuha a galte tawh kidodo ahi manin ama Pasian, TOPA Minin biakinnpi a lam theih loh lam na thei hi.

⁴Ahi zongin tu-in TOPA ka Pasian in ka kimkot ah tawldamna hong pia ta a, hong langpang le hong siasak a om kei hi.

⁵Tua ahi ciangin ka pa David kianga TOPA in, ‘Nang’ muna tokhom a ka tutsak na tapa in ka Min a dingin biakinnpi khat a lam ding hi,’ ci-a a gensa bangin TOPA ka Pasian Min ading biakinnpi khat lam ka sawm hi.

⁶"Tua ahi ciangin Lebanon a tamtakte kei adingin a kiphuk nading thu pia in. Ka mite in na mite tawh semkhawm ding uh a, amau thaman na seh bangbang nang tungah kong pia ding hi. Sidon mite zah a singphuk siam ko lakah khat beek a om loh lam na thei hi," a ci hi.

⁷Hiram in Solomon thupuak a zak ciangin lungkim mahmah a, tuni-in TOPA kiphat ta hen, ahang in, hih minam lianpi a uk dingin amah in David tungah tapa pil khat a pia khin hi," a ci hi.

⁸Tua ciangin Hiram in Solomon thu zasak a: "Kei nong thupuak ka ngah a, tamtak le takluangte na deih zahzah kong sik ding hi.

⁹Ka mite in Lebanon pan tuipi dong hong talkaihsuk ding uh a, tuipi tungah phongin bawlin nang deihna munmun ah kong taisak suk ding uh hi. Tua lai-ah phelkhia-in na na khenkhia ding uh hi. Tuateh ka kumpi innkuante nek ding an nong sik ding hi," a ci hi.

¹⁰Hih bangin Hiram in Solomon deih tamtakte khempeuh le taksing-luangte puaka,

¹¹Solomon in Hiram tungah a kumpi innkuante an dingin mangbuh cor a[12] tul sawmnih, tuate banah olive thau gawisa tambong b[13] tul sawmnih mah a piak thuah hi c[14]. Solomon in Hiram tungah kumkhat khit kumkhat a pia den hi.

¹²TOPA in amah a ciamsa bangin Solomon tungah pilna a pia hi. Hiram le Solomon kikalah lungnuamtaka kinaina om a, amaute gel in thuciamna khat a bawl uh hi.

¹³Kumpi Solomon in Israel buppi ah - pasal nasemte tul sawmthum aana in a la hi.

¹⁴Amah in amaute kha khatin tulsawm a kikhelin Lebanon ah puaka, tua pen amaute Lebanon ah kha khat omin inn ah kha nih a om theih nading uh ahi hi. Adoniram in aana-a nasemte a uk hi.

¹⁵Solomon in mual tungah vanpua tul sawm sagih le suang at tul sawmgiat nei a

¹⁶tuate tawh nasepna a makaih, nasepte lamlak nasem uk tulthum le zathum d[15] zong a nei hi.

¹⁷Kumpipa thupiak bangin amaute in biakinnpi bulpi ading a kisek ngil suang hoih ngah nadingin suangkhuk panin suangmai lianpipi tokhia uh a, suangmai seeksa a puak uh hi.

¹⁸Solomon le Hiram le Gebal e[16] mite’ khutsiamte in biakinnpi lam nading singluang le suang atin a bawlkhol uh hi.