Read Zokam 1 Kumpite 6 Bible Online

1 Kumpite 6 - Zokam bible

1 Kumpite 6

¹Egypt panin Israel-te a paikhiat zawh uh kum zali le sawmgiatna f[17] kum, Israel tungah Solomon in a uk a kum lina, a kha nihna, Ziv kha sungin amah in TOPA biakinnpi lam a kipan hi.

²Kumpi Solomon in TOPA adingin a lam biakinnpi adung tong sawmguk, avai sawmnih le a sanna g[18] sawmthum ahi hi.

³Biakinnpi sungpi mai-a a lapkaih pen a biakinnpi luang cia mah zai-a, tua pen tong h[19] sawmnih zai-in a biakinnpi mai lamah tong i[20] sawm a dawktuam hi.

⁴Amah in biakinnpi sungah vathangheng nei tawhlet neute a bawl hi.

⁵Inn sungpi leh mungsiangtho sungnung kawmte si-in a pua lam kimkot ah inndei cial neite a bawl hi.

⁶A sual nuainung pen tong nga j[21] zai a, a sual laite tong guk k[22] le a sual thumna tong sagih l[23] ahi hi. Biakinnpi kawm sung ah bangmah a kithun loh nadingin biakinnpi pualam kimkot ah tawitawm a bawl hi.

⁷Biakinnpi lamna-in suangkhuka seksa bek kizanga biakinnpi lam laitakin sek, sekkhu ahikeh sik vanzat ging khatpeuh a huang sungah kiza lo hi.

⁸A sual nuainung pen m[24] a lutna biakinnpi leitaw lamah om a; tua panin a laita a kahtohna le a thumna ah kahlei a om to hi.

⁹Tua bangin amah in innkam le a tung dapna tamtak pek zangin biakinnpi lam a mansiang hi.

¹⁰Tua teh amah in biakinnpi kimkot ah inndeite a neisak hi. Tuate a sanna tong nga ciat hi-a, tuate biakinnpi ah tamtak zawlin kibawm-sak hi.

¹¹Solomon tungah TOPA thu tunga:

¹²"Hih na lamlam biakinn tawh kisai-in ka thukipte zui-in, ka ngeinate na palsat kei a, ka thupiakte zui-in tuate na man leh, na pa David tunga ka thuciamte nang tungtawnin ka tangtungsak ding hi.

¹³Tuateh Israel-te lakah tengin ka mi Israel ka nusia kei ding hi," a ci hi.

¹⁴Solomon in tua bangin biakinnpi lama a zosiang hi.

¹⁵Amah in a kawm sunglamte tamtak pekin dapa, biakinnpi sual panin a tungdap dong khawk neisaka, biakinnpi sual dingin taksing pek a phah hi.

¹⁶Biakinnpi phaitam lam tong a[25] sawmnih ciang sual panin inntung dap dong tamtak pekin deisuak a, a biakinnpi sungah mun sungnung bawl a Mun Siangtho Pen ahi hi.

¹⁷Hih inndei mai-a innkhanpi tong sawmli b[26] a sau hi.

¹⁸Biakinnpi sung tamtak sing hi a, umgah le pakpalh limte kikhuak ahi hi. Na khempeuh tamtak bekbek tawh kibawl hi-a, suang khat beek a kimu kei hi.

¹⁹Amah in TOPA thukhun singkuang koih nadingin biakinnpi sungah munsiangtho a bawl hi.

²⁰Munsiangtho sungnung tong sawmnih sau-a sawmnih zai-in sawmnih c[27] a sang hi. Amah in a sunglam kham citakin luana, tamtak biakna-tau zong a luan hi.

²¹Solomon in biakinnpi sung kham citakin tuama, mun siangtho sungnung mai kantanin kham a kituam kham khainiang a khung hi.

²²Tua bangin a sunglam khempeuh khamin a tuam hi. Amah in mun siangtho sungnung pena biakna-tau zong kham in a tuam hi.

²³Mun siangtho sungnungah olive sing-in cherub kop khat bawla tong d[28] sawm tuak a sang hi.

²⁴A masapen cherub kha langkhat tong nga sau-a, a langkhat pen zong tong nga mah a sau hi - a kha dawn le a kha dawn kikal tong sawm ahi hi.

²⁵Tua cherub-te a golna le a lim kibanga kibawl ahi manin cherub nihna zong tong sawm mah a pha hi.

²⁶Cherub-te a sanna tong sawm a pha tuak hi.

²⁷Amah in cherub-te biakinn sungtawng pen ah koiha a khate a zaksak hi. Cherub khat kha in kawm langkhat bana khatpen kha in a kawm langkhat a ban hi; tuateh a kha lang tuak uh inndei laizangah a kituah hi.

²⁸Amah in cherub-te khamin a tuam hi.

²⁹Biakinnpi sunglam le a pua lama inndeite kawm tung khempeuh ah cherub le nisuh le pakpalh limte a khuak hi.

³⁰Amah in biakinnpi sungnung sual le a puanung sual a nihin kham tawh a tuam hi.

³¹Munsiangtho sungnunga lut nading kongkhakte olive sing bawl a, kongmung siik nga a neisak hi.

³²Tuateh olive kongkhak nihte tungah amah in cherub-te, nisuh kungte le pak palhte khuak a, cherub-te le nisuh kungte kham kiseekin a tuam hi.

³³Tua tawh kibangin inn sungpi lutna zong olive singin bawla siikli a neisak hi.

³⁴Amah in taksing kongkhak nihte khep nih nei-in bawl tuaka kawmhekin a kihek hi.

³⁵Amah in tuate tungah cherub-te, nisuh kungte le pakpalhte khuak-a tua a kikhuakna munte ah a mai dikdekin kham a luan hi.

³⁶Amah in a huang sunglam teng a kiseek suang gual thum le tamtak sing nawtngilsa gual khatin a lam hi.

³⁷TOPA biakinnpi bulpi a kum lina Ziv kha in kiphut hi.

³⁸A kum sawm le khatna kum a kha giatna Bul kha sungin biakinnpi lamnadinga kigeel khempeuh a neng a tawngin kimansiang hi. Amah in kum sagih sung a lam hi.