Read Zokam 1 Kumpite 7 Bible Online

1 Kumpite 7 - Zokam bible

1 Kumpite 7

¹Ahi zongin Solomon in a kumpi-inn lam a zawh siang nadingin kum sawm le thum a beisak hi.

²Amah in Lebanon Tulak Kumpi-inn lama a dung tong zakhat, a vai sawmnga a sanna sawmthum e[29] hi a, tamtak khuam gual lite in a kinawtngil tamtak zawlpite a pua hi.

³Gual khatah sawm le nga a om khuampi sawmli le nga tungah kilam inndei tungsan teng tamtak singa kitungkhuh ahi hi.

⁴A tawhlette a sangpi ah thumthumin ki-omsak a, khat le khat kigalsai dimdiam hi.

⁵Kongkhak khempeuh in sikli nei kongmung nei a; a mailam ah omin thumthumin a kigalsai f[30] dimdiam hi.

⁶Amah in tong sawmnga sau tong sawmthum zai g[31] talaap khat a lam hi. A mai-ah khuampite a nei laapkaih khat bawla, tungkhuh a neisak hi.

⁷Amah in a kumpi tokhom omna thukhen nading Thutang Inndeipi khat lama, a sual panin inntung-dap h[32] dong tamtak singin a tuam hi.

⁸Ama ten nading kumpi inn a lamzia kibangin a nunglam a gamla sim ah a lam hi. Solomon in a zi dinga a lak Pharaoh tanu adingin hih innpi tawh a kibang khat a lam hi.

⁹Hihte kilamzia khempeuh, apua lam tual a kipan tual lianpi dong le a inn bulpi pan a khum dong suang hoih mahmah a kikim a ki-at asung apua a atna a kinawtngil vive ahi hi.

¹⁰A bulpite suang hoih mahmah a lianpipi hi-a, pawlkhat tong sawm i[33], pawlkhat tong giat j[34] a pha hi.

¹¹A tunglam ah a kikim a ki-attan suang hoih le tamtak zawl kizang ahi hi.

¹²A tual lianpipen suang seksa gual thum teh tamtak zawl nawtngilsa gual khata ki-umsuak hi a; TOPA biakinnpi tual le a mai lapkaih zong tua banga kibawl ahi hi.

¹³Kumpi Solomon in Tyre a Huram k[35] a samsak hi;

¹⁴ama nu meigong hi a, Naphtali beh hi-in, a pa Tyre mi sumngo nasep khutsiam khat ahi hi. Huram pen sumngo nasep peuhmah siam pha mahmah a, a sep zawh zong sawtpi ahi hi. Kumpi Solomon kiangah amah pai-a a kisawl khempeuh a sem hi.

¹⁵Amah in sumngo khuampi nih sunga, tong sawm le giat sangin a pum kimkot a[36] tong sawm le nih a pha ciat hi.

¹⁶Amah in khuampi dawna bulh ding khuam luzepna sumngo nih sunga tua khuam luzepna tong nga b[37] tuak a pha hi.

¹⁷A khuam luzepna tungah a kuala khai ding a kihuihek-a kiphan khainiang bawla, khuam luzepna khat adingin sagih ta ahi hi.

¹⁸A khuampite c[38] dawna khuam luzepna dingin mang kawlsinggah bawl-a a kiphante khat ciangin gual nih d[39] a umsak hi. Khuam luzepna a kibangin a bawl hi.

¹⁹A laapkaih a khuampi ludawn zepnate unok pak bangin bawla tong e[40] li a sang hi.

²⁰Khuampite ludawn zepna tung tuakah a kiphante zomin kuangkum limte zomsak a, tua banah a kimkotah mang kawlsing gah zanih a gual hi.

²¹Amah in khuampite biakinnpi mai laapkaih ah a phut hi. Leitaw lama khuampi Jakin f[41] ci a, leilu lama pen Boaz g[42] a ci hi.

²²A dawna khuam luzepna unok pak tawh kibang hi. Tua bangin khuampite a mansiang hi.

²³Amah in daal sungin Tuipi bawl a, a bemsak hi; a gei khat pan a gei khat tong sawm h[43] pha a, tong nga a sang hi. A gei kimkot tong sawmthum i[44] a pha hi.

²⁴A geivial nuai-ah umgah-in umcihsak a - tong khat ah sawmta a om hi. Umgahte gual nih pha-a a Tuipi tawh a sunkhawm pah ahi hi.

²⁵Bawngtal sawm le nih tungah Tuipi kitunga, thum leilu-lam nga in, thum nitumna-lam nga a, thum leitaw-lam nga-in thum nisuahna-lam a nga hi. Tuate tungah Tuipi kinga a, a laizang lam nungngat dimdiam uh hi.

²⁶A sahna zapeek j[45] cia hi-a, a geivial hai geivial tawh kibangin unok pakpalh tawh kibang hi. A sungah tambong tul nih k[46] a ta hi.

²⁷Amah in a kikhin thei sumngo dinna sawm bawla, tong li sau in tong li zai-a, tong thum l[47] a sang ciat hi.

²⁸A dinna bawlzia hih bang ahi hi: Tuate in a pang ah khawk nei-a, a tung lamin kibulh hi.

²⁹A khawk dingtote a kikalah humpinelkaite, bawngtalte le cherub-te lim a tuang a - tuate a tung lam te ah zong a om uh hi; humpinelkai le bawngtalte tung le nuai-ah seka kiseek pakkual lim a om hi.

³⁰A dinna khat in sumngo pei li le peizawl te nei-a, apang kim ah pakkual lim kisung tuikuang khat omna, nanna li a nei ciat hi.

³¹A dinna sunglam ah a bemin tong khat m[48] thuk avang khat a om hi. Avang bemna tong khat le alang n[49] ahi hi. Avang gei kimkot kikhuak hi. A dinna khawkte ahileh bem loin kiu li a nei hi.

³²A khawkte nuai-ah a peite om-a a peizawlte a dinna ah a kibelhcip hi. A peite khat a zaina tong khat le alang ahi hi.

³³A peite sakolleng pei banga kibawl hi a; a peizawl, a peikual, a peikal le a pei vangdapte daal kisung vive ahi hi.

³⁴A dinna khat in letna li nei-a a kiu ciat panin a mengkhia hi.

³⁵A tunna dawn ah tong lang o[50] a thuk vialbem khat a om hi. A dinna dawn ah a nanna le a khawkte a kibelhcip ahi hi.

³⁶Amah in a nannate mai le a khawk tungah cherub-te, humpi-nelkaite, le nisuh kung limte suai kuak a, a kimkota a awnna mun ah pakkual lim a suai hi.

³⁷Hih in a dinna sawmte a bawlzia ahi hi. Tuate khempeuh a kibanga kisung hi-a, a phacia le a pianzia kibang kim hi.

³⁸Tua ciangin amah in sumngo tuikuang sawm bawla, a sungah tambong sawmli p[51] ta-in, a gei zaina tong li hi-a, a tunna khat tungah kuangpi khatta a kitung hi.

³⁹Amah in biakinnpi leitaw-lam ah tuikuangpi tunna nga koih a, leilu-lam ah nga a koih hi. Amah in biakinnpi leitaw-lam pang, nisuahna-lam kiu ah Tuipi a koih hi.

⁴⁰Amah in tuikuangpite, vutluahnate le tuithehna kuangte zong a bawl hi. Tua bangin Huram in Kumpi Solomon adingin TOPA biakinnpi sunga sep ding teng a mansiang hi:

⁴¹khuampi nihte; khuampi nih dawna kuang tawh a kibang khuam lubawk nih; khuampi nih dawna kuang tawh a kibang a lubawk zepna a kiphan nihte;

⁴²a kiphan nihte ading mangkawlsing gah zali (khuampite dawna kuangkum tawh a kibang a kiphan zepna ading mangkawlsing gah gual nih);

⁴³tui kuangpi sawm le a dinna sawm;

⁴⁴Tuipi le a nuai-a a dinna bawngtal sawm le nihte;

⁴⁵beelte, vutluahnate le tuithehna kuang-ukte ahi hi. TOPA biakinnpi ah vanzat dingin Huram in Kumpi Solomon adinga a bawl hih vanzatte khempeuh sumngo nawtngil vive ahi hi.

⁴⁶Kumpipa in Jordan zanglei a Succoth le Zarethan kikal a beellei omna ah tuate a sungsak hi.

⁴⁷Hih nate gikna tam lua mahmah ahi manin Solomon in a teh vet kei hi; sumngo gikna kiseh thei vet lo hi.

⁴⁸Solomon in TOPA biakinnpi sunga vanzatte khempeuh zong a bawl hi: kham biakna-tau; Ompihna anlum luina kham sabuai;

⁴⁹kham citak meivak tunna (mun siangtho sungnung mai a taklam ah nga, a veilam ah nga); khama kibawl pakte, meivak le taitehte;

⁵⁰kham citak tawh kibawl kuangte, meivak khau tehtanna, thehna kuang-ukte, kuangte le gimnamtui veinate; le Mun Siangtho Pen ahi inndei sungnung pena kong khakpi le biakinnpi kongkhakpi ading kham kawmhekte zong a bawl hi.

⁵¹Kumpi Solomon in TOPA biakinnpi-a nasep ding khempeuh a man ciangin a pa David in a apsa ngun le kham vanzatte khempeuh a sungah tum a TOPA biakinnpi gou kholna sungah tuate a koih hi.