Read Zokam 1 Kumpite 9 Bible Online

1 Kumpite 9 - Zokam bible

1 Kumpite 9

¹Solomon in TOPA biakinnpi le kumpi-inn lam zo ta-a, sep a sawm teng khempeuh a mansiang khit ciangin

²Gibeon a, ama tungah TOPA a kilah bangin a nih veina a kilak hi.

³TOPA in ama tungah: "Ka mai-a na thungetna le na thumnate ka za khin hi; na lamsa hih biakinnpi ka Min a om tawntung nadingin a siangthoin kong sang khin hi. Tua lai ka mitsuan den dinga tua lai-ah ka lungsim a om den ding hi.

⁴Nang na hileh na pa bangin na lungsim citaka thutangin na kalsuan a, ka thupiakte khempeuh semin ka thukipte le ka thukhamte na zuih leh

⁵na pa David tungah: ‘Israel kumpi tokhom tunga tu ding mi na kisam ngei kei ding hi,’ ci-a ka ciamsa bangin Israel tungah na kumpi tokhom ka kipsak tawntung ding hi.

⁶"Ahi hangin nang c[54] na hi a, na tapate ahi zongin kei hong taisan a keima hong piaksa thupiakte le thukipte zui loin pasian dangte na semin tuate na d[55] biak uh leh

⁷tua ciangin amaute ka piaksa leitang panin Israel ka khenkhia dinga ka Min dinga ka sianthosaksa hih biakinnpi kong nolh ding hi. Tua ciang mi khempeuh lakah Israel enghona le ciamnuihna kamin kizang ding hi.

⁸Tu-in hih biakinnpi a hoih mahmah hangin a tawnkha khempeuh in lamdang sa lua in khelpau ding uh a, ‘Bang hangin TOPA in hih gam le hih biakinnpi tungah hih bang hih ahi hiam?’ ci ding uh hi.

⁹Mite in, ‘Amaute in Egypt pana a pate uh a paikhiatpih TOPA amaute Pasian taisanin pasian dangte kawi uh a, bia-in amaute na sem uh ahi manin - hih bangin TOPA in amaute tungah siatna tungsak hi,’ ci-in dawng ding uh hi," a ci hi.

¹⁰Solomon in hih innpi nih - TOPA biakinnpi le kumpi-inn a lam hun kum sawmnih a bei ciangin -

¹¹Kumpi Solomon in Tyre kumpipa Hiram tungah Galilee gam sunga khuapi sawmnih a pia hi. Bang hang hiam cih leh Hiram in tamtak sing le taksing le kham a deih zahzah a puak hi.

¹²Ahi hangin Solomon piaksa khuapite en dingin Hiram a pai ciangin tua khuapite tawh a lungkim kei hi.

¹³Amah in, "Ka sanggampa aw, hih nong piak khuapite a bangci khuapi ahi hiam?" ci-in a dong hi. Tuateh amah in tuate Cabul e[56] Gam ci a, tuni dong minin a nei hi.

¹⁴Tu-in Hiram in kumpipa kiangah kham talent 120 f[57] a khak hi.

¹⁵Kumpi Solomon in aana-in nasem la-a, TOPA biakinnpi, ama kumpi-inn, a kip nading leicialte g[58], Jerusalem kulh, le Hazor, Megiddo le Gezer-te a semsak hi.

¹⁶(Egypt kumpi Pharaoh in Gezer simin a la hi. Amah in mei-in a hal hi. Amah in tua lai-a teng Canaan-te thata tua ciangin a tanu Solomon zi mo kenin a pia hi.

¹⁷Tua hi a Solomon in Gezer a lampha hi.) Amah in Beth Horon Nuainung

¹⁸Baalath, le - ama gam sung sehnel gama Tadmor h[59] tawh

¹⁹a vankholna khuapi teng, a sakol-lengte le a sakolte i[60] koihna khuapi teng, Jerusalem sung, Lebanon sung le a ukna gamsung khempeuh ah a lam nop khempeuh a lam hi.

²⁰Amor-te, Hit-te, Periz -te, Hiv-te le Jebus-te khempeuh pan a om laite hi a, (hih mite Israel hi lo uh hi),

²¹tua in, Israel-te in a cimansak j[61] zawh loh uh gam sunga om lai amaute suante hi a - Solomon in a sila dingin la-a na a sepsak, tuni donga a omsuakte ahi uh hi.

²²Ahi hangin Solomon in Israel-te khatpeuh sila dingin la lo hi; amaute galdo ding, kumpi ulian ding, galkap ulian ding, galkap bu ding le sakollengte le sakol tuangte uk dingin a koih hi.

²³Amaute Solomon nasepte a uk ulianpite zong hi uh a - nasem thuvan ulian 550 ahi hi.

²⁴David khuapi panin Solomon in ama adingin a lamsak kumpi-inn ah Pharaoh tanu a paitoh khit ciangin amah in a kip nading leicialte a bawl hi.

²⁵Solomon in TOPA adinga a dawh biakna-tau tungah kum khatin thumvei meihal biaknate le kilawmtakna biaknate k[62] pia a, tuate tawh TOPA mai-ah gimnamtui halin tua bangin biakinnpi ah lungdam kohna a tangtun hi.

²⁶Kumpi Solomon in San Tuipi l[63] gei-a om Edom gam Elath kianga om Ezion Geber ah tembawpite zong a bawl hi!

²⁷Tua ciangin Hiram in a mite - tuipi thu a thei tembaw hawlte - Solomon mite tawh tembaw nasem khawm dingin a sawl hi.

²⁸Amaute Ophir ah va tung uh a, kham talent 420 a[64] hong pua kikin Kumpi Solomon kiangah a tun uh hi.