Read Zokam 2 Kumpite 11 Bible Online

2 Kumpite 11 - Zokam bible

2 Kumpite 11

¹Ahaziah nu Athaliah in a tapa sih a muh ciangin kumpi innkuan bup thah a sawm hi.

²Ahi hangin Ahaziah sanggamnu, Kumpi Jehoram a[25] tanu Jehosheba in thah dinga kikoih kumpi tapate lak panin Ahaziah tapa Joash a gukhia hi. Tuanu in Athaliah muh loh dingin amah le a cingnu lupna inndei sungah a sel hi; tua hi a amah a kithat kei hi.

³Athaliah in gam a uk kum guk sung amah le a cingnu TOPA biakinnpi sungah a om uh hi.

⁴A kum sagihna kum sungin Jehoiada in zakhat ukte, Cari-te le a cingte vaikhak a, tuate TOPA biakinnpi-a ama kiang ah a puaksak hi. Amah in amaute tawh thu khunga TOPA biakinnpi ah a kiciamsak hi. Tua ciangin amaute kumpipa tapa a lak hi.

⁵Amah in amaute thu pia a, "Note in na hici hih ding uh hi: "No Sabbath ni-a kikhela a cing ding pawl thumte - sehthum suah seh khat in kumpi inn na cing ding uh a,

⁶sehthum suah seh khat in Sur Kongpi cingin sehthum suah sehkhat in inn cingte nunga kongpi na cing ding uh hi; amaute biakinnpi cin kikhel ding uh hi -

⁷tuateh no Sabbath ni-a a cing lo ding pawl nihte in kumpipa adingin biakinnpi na cing ding uh hi.

⁸Na galhiam uh tawi ciatin kumpipa kimkot ah panmun la ciat un. No galkapte lakah b[26] a lut peuhpeuh thah ding ahi hi. Kumpipa a pai nana a gei-ah om un," a ci hi.

⁹Zakhat ukte in siampi Jehoiada thupiak bang tektekin a hih uh hi, amau mi ciat sam uh a - Sabbath ni-a cing dingte le a cingsa a ciah dingte - siampi Jehoiada kiangah a pai uh hi.

¹⁰Tua ciangin amah in TOPA biakinnpi sunga om Kumpi David neihsa teipite le lumte a ukte tungah a pia hi.

¹¹A cingte in a galhiam ciat uh tawisa-in kumpipa kimkot ah om uh a - biakna-tau le biakinnpi kiang leitaw-lam pang pan biakinnpi leilu-lam pang dong mun a la ciat uh hi.

¹²Jehoiada in kumpipa tapa paikhiatpih in kumpi lukhu khusak hi; a thukhun bu khat pia-in kumpipa ahina a tangko hi. Amaute in amah sathau nilh uh a, mipite in a khut uh bengin, "Kumpipa khansawt hen’" ci-in a kiko uh hi.

¹³Athaliah in inncingte le mipite husa a zak ciangin TOPA biakinnpi-a mite kiangah amah a pai hi.

¹⁴Tuanu in en-a a ngeina bangin khuampi kiangah kumpipa a ding hi. A uliante le kumpipa gei-a om pengkul mutte le gammi khempeuh kipakin pengkul a mut uh hi. Tua ciangin Athaliah in a puante balkeka, "Lehsawmna! Lehsawmna!" ci-in a awng hi.

¹⁵Siampi Jehoiada in zakhat uk makaite kiangah, "Tuanu galkap kigualte kikal c[27] ah paikhiatpih unla, amah a zuite namsau in that un," ci-in thu a pia hi. Ahang in, siampipa in, "Tuanu TOPA biakinnpi sungah a kithat kei ding hi," a cihsa ahi hi.

¹⁶Tua ciangin tuanu delh uh a, kumpi-inn sunga sakolte lutna leitual ah tuanu pha-in tua lai-ah a that uh hi.

¹⁷Tua ciangin Jehoiada in TOPA le kumpipa le mite kikalah amaute TOPA’ mi a suah nadingin thukhun a bawl hi. Amah in kumpipa le mite kikal ah zong thukhun a bawl hi.

¹⁸Gam sunga mi khempeuh Baal biakinn ah pai uh a, a phelkek uh hi. Amaute in biakna-taute le milimte dengzan uh a biakna-taute mai-ah Baal siampipa Mattan a that uh hi. Tua ciangin siampi Jehoiada in TOPA biakinnpi cing a koih hi.

¹⁹Amah in zakhat ukte, Car-te, a cingte le gam sunga mi khempeuh tawh amah tonpih in TOPA biakinnpi panin kumpi-inn ah paipih uh a, a cingte kongpi panin a lut uh hi. Tua ciangin kumpipa in kumpi tokhom tunga a mun luah a,

²⁰gam mite khempeuh a nuam uh hi. Tuateh kumpi-inn ah namsau in Athaliah kithat khin ahi manin khuapi sung a dai hi.

²¹Joash a[28] in a uk a kipat in kum sagih a pha hi.