Read Zokam 2 Kumpite 15 Bible Online

2 Kumpite 15 - Zokam bible

2 Kumpite 15

¹Israel kumpi Jeroboam a kum sawmnih le sagihna kumin Judah kumpipa Amaziah tapa Azariah uk ding a kipan hi.

²Amah kumpi a suahin a kum sawm le guk pha a, Jerusalem ah kum sawmnga le nih sung a uk hi. A nu min Jecoliah hi a; Jerusalem pan ahi hi.

³Amah in a pa Amaziah hih bang tektekin TOPA mit ah amaanin gamta hi.

⁴Ahi zongin munsangte kikhinkhia lo a; mite in biakna pia-in gimnamtui a hal veve uh hi.

⁵Amah a sih dong TOPA in phak natna-in e[39] hingimsaka, inn tuam f[40] ah a teng hi. Kumpipa tapa Jotham in kumpi-inn kema, gam mite a uk hi.

⁶Azariah uk sunga thupiang dangte le ama sepsate Judah kumpite khangthu ciamtehna laibu sungah kigelh hi lo ahi hiam?

⁷Azariah a pate tawh tawlnga khawma, David Khuapi sung amaute gei-ah a kivui hi. Tuateh a tapa Jotham in a za luah a kumpi a suak hi.

⁸Judah kumpi Azariah a kum sawmthum le giatna kumin Jeroboam tapa Zechariah, Samaria ah Israel kumpi suak-a kha guk sung a uk hi.

⁹Amah in a pate hihsa bangin TOPA mit ah a sia-in gamta hi. Nebat tapa Jeroboam in mawhna bawla Israel zong a bawlsakte panin a kiheisan kei hi.

¹⁰Jabesh tapa Shallum in Zechariah a sawmsim hi. Amah in mipi g[41] mai-ah doin suam-a a kumpi za a laih hi.

¹¹Zechariah uk sunga thupiang dangte Israel kumpite khangthu ciamtehna laibu sungah kigelh khin hi lo ahi haim?

¹²Tua ciangin TOPA in Jehu tungah, "Israel kumpi tokhom tungah nangma suante khang lina dong a tu ding hi," h[42] ci-a a gensa a tangtung hi.

¹³Judah kumpipa Uzziah a kum sawmthum le kuana kumin Jabesh tapa Shallum kumpi suaka, kha khat sung Samaria ah a uk hi.

¹⁴Tua ciangin Gadi tapa Menahem Tirzah panin Samaria dong a pai hi. Amah in Samaria a Jabesh tapa Shallum doin suamlum a, a kumpi za a laih hi.

¹⁵Shallum uk sunga thupiang dangte le sawmsimna a makaihnate Israel kumpite khangthu ciamtehna laibu sungah kigelh khin hi lo ahi hiam?

¹⁶Tua hun laitakin Menahem in Tirzah pan kipanin Tiphsah le a khuapi sunga om peuhmah le khua kiima omte a sim hi; bang hang hiam cih leh amaute in kongpite a hon nuam kei uh hi. Amah in Tiphsah buluh a numei naupaii khempeuh a kuikham khin hi.

¹⁷Judah kumpi Azariah a kum sawmthum le kuana kumin Gadi tapa Menahem, Israel kumpi suaka Samaria ah kum sawm sung a uk hi.

¹⁸Amah TOPA mit ah asia in gamta hi. Nebat tapa Jeroboam in mawhna bawla Israel zong a bawlsakte panin ama uk hun sung khempeuh a kiheisan kei hi.

¹⁹Tua ciangin Assyria kumpi Pul i[43] in a gamsung sim-a, Menahem in ama huhna a ngah nading le a kumpigam thakhauha a let suak theih nadingin ngun talent tulkhat j[44] a pia hi.

²⁰Menahem in hih sum Israel pan aana-a a don ahi hi. Mihau peuhmah ngun shekel sawmnga k[45] ta Assyria kumpipa tungah a piasak hi. Tua ciangin Assyria kumpipa nung kik-a, gam sungah a tam nawn kei hi.

²¹Menahem uk sunga thupiang dangte le ama sepsa khempeuh Israel kumpite khangthu ciamtehna laibu sungah kigelh khin hi lo ahi hiam?

²²Menahem a pate tawh a tawlnga hi. Tuateh a tapa Pekahiah in a za luah a kumpi a suak hi.

²³Judah kumpi Azariah a kum sawmngana kumin Samaria ah Menahem tapa Pekahiah Israel kumpi suaka, kum nih sung a uk hi.

²⁴TOPA mit ah Pekahiah a sia in gamta hi. Nebat tapa Jeroboam in mawhna bawla Israel zong a bawlsakte panin a kiheisan kei hi.

²⁵Ama ulian pipa khat Remaliah tapa Pekah in amah a sawmsim hi. Amah in Gilead pasal sawmnga kenga, Pekahiah le amah tawh Argob le Arieh-te Samaria a kumpi inn kulhpi sungah a suamkhawm hi. Tuaci-in Pekah in Pekahiah thata a kumpi za a laih hi.

²⁶Pekahiah uk sunga thupaing dangte le ama sepsate Israel kumpite khangthu ciamtehna laibu sungah kigelh khin hi lo ahi hiam?

²⁷Judah kumpipa Azariah a kum sawmnga le nihna kumin Remaliah tapa Pekah, Samaria ah Israel kumpi suaka, kum sawmnih a uk hi.

²⁸Amah TOPA mit ah asia in gamta hi. Nebat tapa Jeroboam in mawhna bawla Israel zong a bawlsakte panin a kiheisan kei hi.

²⁹Israel kumpi Pekah hun sungin Assyria kumpipa Tiglath-Pileser pai-in Ijon, Abel Beth Maacah, Janoah, Kedesh le Hazor a la hi. Amah in Gilead le Galilee - Naphtali gam khempeuh la a - a mite Assyria ah a nawhkhia hi.

³⁰Tua ciangin Elah tapa Hoshea in Remaliah tapa Pekah a sawmsim hi. Amah in simin suamlum a, Uzziah tapa Jotham a kum sawmnihna kumin kumpi za a laih hi.

³¹Pekah uk sunga thupiang dangte le ama sepsate khempeuh Israel kumpite khangthu ciamtehna laibu sungah kigelh khin hi lo ahi hiam?

³²Israel kumpi Remaliah tapa Pekah a kum nihna kumin Judah kumpi Uzziah tapa Jotham in uk ding a kipan hi.

³³Amah kumpi a suahin a kum sawmnih le nga pha-a, Jerusalem ah kum sawm le guk sung a uk hi. A nu min Jerusha hi a Zadok tanu ahi hi.

³⁴Amah in a pa Uzziah hihsa bang tektekin TOPA mit ah thumanin a gamta hi.

³⁵Ahi zongin munsangte kikhinkhia nai lo-a, mite in tua lai-ah biakna pia-in gimnamtui a hal lai uh hi. Jotham in TOPA biakinnpi Kongpi Tungnung lampha hi.

³⁶Jotham in a uk sunga thupiang dangte le ama sepsate Judah kumpite khangthu ciamtehna laibu sungah kigelh khin hi lo ahi hiam?

³⁷(Tua hun lai-in TOPA in Aram kumpi Rezin le Remaliah tapa Pekah, Judah sim dingin sawl a kipan hi.)

³⁸Jotham a pate tawh tawlnga ta a, David Khuapi, a pa khuapi ah amaute tawh kivuikhawm hi. Tuateh a tapa Ahaz in a za luah a kumpi a suak hi.