Read Zokam 2 Kumpite 16 Bible Online

2 Kumpite 16 - Zokam bible

2 Kumpite 16

¹Remaliah tapa Pekah a kum sawmli sagihna kumin Judah kumpi Jotham in uk ding a kipan hi.

²Ahaz kumpi a suahin kum sawmnih pha a, Jerusalem ah kum sawm le guk sung a uk hi. A pa David bang loin TOPA a Pasian mit ah a hoihin a gamta kei hi.

³Amah in Israel kumpite’ lampite tawna TOPA in Israel-te mai-a a nawhkhiat minamte zuih a kihhuai lampite zui-in a tapa nangawn mei sungah a[46] biakna-in a pia hi.

⁴Amah in mualdawn munsangte le singhiang zau nuai tengah biakna pia-in gimnamtui a hal hi.

⁵Tua ciangin Jerusalem sim dingin Aram kumpipa Rezin le Israel kumpipa Remaliah tapa Pekah kuanto-in Ahaz a umcih uh hangin a zo kei uh hi.

⁶Tua hun laitakin Aram kumpipa Rezin in Elath sunga Judah mite hawlkhia-in Aram gam dingin a la kik hi. Tua ciangin Edom-te Elath ah lal uh a tuni dong a teng uh hi.

⁷Ahaz in Assyria kumpipa Tiglath-Pileser kiangah kamtai sawla, "Keimah na nasempa le na inntengpa ka hi hi. Hong paito inla tu laitaka hong sim Israel kumpipa le Aram kumpipa khut panin kei hong honkhia in," a cisak hi.

⁸Tua ciangin Ahaz in TOPA biakinnpi sung le kumpi-inn sunga sumkholnate sunga om ngun le khamte la a, Assyria kumpipa tungah letsong-in a khak hi.

⁹Assyria kumpipa thukima Damascus simin a zo hi. Amah in tua lai-a tengte Kir ah nawhkhia in Rezin a that hi.

¹⁰Tua ciangin Assyria kumpipa Tiglath-Pileser tawh kimu dingin Damascus ah kumpi Ahaz a pai hi. Amah in Damascus ah biakna-tau khat mu a, tua biakna-tau lim le a kibawlzia a kim sinsenin siampi Uriah tungah a khak hi.

¹¹Tua ciangin siampi Uriah in Kumpi Ahaz in Damascus pana a bawl ding zia a khak tawh kibangin biakna-tau khat dawh a, Kumpi Ahaz a ciah ma-in a zo hi.

¹²Damascus panin Kumpi Ahaz a ciah ciangin biakna-tau mu-a, a kiangah zuanin tua tungah biaknate b[47] a pia hi.

¹³Amah in meihal biakna le an-a biakna pia-in, dawntheiha biakna sunga, kilawmtakna biakna c[48] sisan biakna-tau tungah a theh hi.

¹⁴Biakinnpi mai pana a puak TOPA mai-a om sumngo biakna-tau pen - biakna-tau thak le TOPA biakinnpi kikal pan lakhia-in - biakna-tau thak pen leilu-lam pangah a koih hi.

¹⁵Tua ciangin Kumpi Ahaz in siampi Uriah tungah: "Biakna-tau a thak azai pen tungah zingsang meihal biakna, nitak an-a biakna, kumpipa meihal biakna le an-a biakna le gam mite khempeuh in meihal biakna, amaute an-a biakna le dawntheih-a biaknate a kipia ding hi. Meihal biaknate le biakna-a kipiate sisan khempeuh biakna-tau tungah theh in. Ahi hangin sumngo biakna-tau pen makaihna zonna in ka zang ding hi," ci-in thu a pia hi.

¹⁶Tuateh siampi Uriah in Kumpi Ahaz thupiak bang tektekin a sem hi.

¹⁷Kumpi Ahaz in a panga kingaknate lakhia-a a kikhin thei a dinnate panin tuikuangte a hemkhia hi. Amah in a tunna sumngo bawngtalte panin suang-vial tungah Tuipi a nga hi.

¹⁸Amah in Assyria kumpipa zahtakna tawh biakinnpi-a kilamsa Sabbath puanbuk d[49] phelkhia manga, TOPA biakinnpi pualam pana kumpite lutna lampi a khinkhia hi.

¹⁹Ahaz uk sunga thupiang dangte le ama sepsate Judah kumpite khangthu ciamtehna laibu sungah kigelh khin hi lo ahi hiam?

²⁰Ahaz a pate tawh tawlnga a, amaute tawh David Khuapi ah a kivui khawm hi. Tuateh a tapa Hezekiah in a za luah a kumpi a suak hi.