Read Zokam 2 Kumpite 2 Bible Online

2 Kumpite 2 - Zokam bible

2 Kumpite 2

¹TOPA in pingpei-in van-tungah Elijah a laktoh kuanin Elijah le Elisha Gilgal pan tonkhawm uh hi.

²Elijah in Elisha kiangah, "Hih lai-ah na om in; TOPA in Bethel ah kei hong sawl hi," a ci hi. Ahi hangin Elisha in, "TOPA nuntakna le nang nuntakna lo in ka cih inah nang kong nusia kei ding hi," a ci hi. Tua ciangin Bethel ah a paisuk khawm uh hi.

³Bethel a kamsang honte Elisha kiangah pai uh a, "TOPA in tuni-in nang kiang panin na pu a lak ding na thei hiam?" ci-in a dong uh hi. Elisha in, "Thei mah ing, ahi hangin tua thu gen kei un," ci-in a dawng hi.

⁴Tua ciangin Elijah in ama kiangah, "Elisha hiah na om in; TOPA in Jericho ah kei hong sawl hi," a ci hi. Tuateh, "TOPA nuntakna le nang nuntakna lo in ka cih inah, nang kong nusia kei ding hi," ci-in a dawng hi. Tua ciangin Jericho ah a paikhawm uh hi.

⁵Jericho a kamsang honte Elisha kiangah paito uh a, "TOPA in tuni-in nang kiang pan na pu a lak ding na thei hiam?" ci-in a dong uh hi. Amah in, "Thei mah ing, ahi hangin tua thu gen kei un," ci-in a dawng hi.

⁶Tua ciangin Elijah in ama kiangah, "Hiah na om in TOPA in Jordan ah kei hong sawl hi," a ci hi. Tuateh, "TOPA nuntakna le nang nuntakna lo-in ka cih inah, nang kong nusia kei ding hi," ci-in a dawng hi. Tua ciangin amaute gel a tonkhawm uh hi.

⁷Kamsang sawmngate pai uh a, Elijah le Elisha Jordan gei-a a khawlna mun lam nga-in a gamla sim panin a gal-et uh hi.

⁸Elijah in a puantualpi la-a, zialin tuilak a satna hi. Veilam le taklam ah tui kikhen a, a nih un leikeu tungah a galkah uh hi.

⁹A kantan khit uh ciangin Elijah in Elisha kiangah, "Nang kiang pan kei hong kilak ma-in nang ading bang hong hihsak ding ka hi hiam, hong gen in!" a ci hi. Elisha in, "Na kha zah nih kei hong luahsak in," ci-in a dawng hi.

¹⁰Elijah in, "Na haksa khat nong ngen hi, ahi zongin nang kiang pan kei hong kilak nong muh leh nang ading hi hen - nong muh kei leh nang ading hi kei hen," a ci hi.

¹¹Amaute tonkhawmin a kihoho laitakun, meikuang sakolleng khat le meikuang sakolte omvat a, amaute gel kikhen sakin pingpei khat sungah Elijah vantung ah paito hi.

¹²Elisha in tua mu a, "Ka pa! Ka pa! Israel sakollengte le sakol tuangte!" ci-in a kiko hi. Tuateh Elisha in amah a mu nawn kei hi. Tua ciangin ama puansilhte manin a botkek gawp hi.

¹³Amah in Elijah tung pana kia puantualpi tawma kileh kikin Jordan gei-ah a ding hi.

¹⁴Tua ciangin ama tung pana kia puantualpi la a tua tawh tui a sat hi. "Elijah Pasian, TOPA aw, tu’n kaw’h om na hiam?" ci-in a dong hi. Tui a sat ciangin vei le takah kikhena amah a galkah hi.

¹⁵A vil gige-a om Jericho a kamsang honte in, "Elijah kha Elisha tungah a tung hi," a ci uh hi. Tuateh amah tawh kituak dingin pai uh a, ama mai-ah leilam nga-in a kun uh hi.

¹⁶Amaute in, "En in, ko na nasemte in ahi thei ding mi sawmnga ka nei uh hi. Amaute pai-in na topa zongsak in. TOPA Kha in amah domtoin mualtung khat ahikeh kuam sung khatah koih hi kha ding hi," a ci uh hi. Elisha in, "Hi kei, amaute paisak kei un," ci-in a dawng hi.

¹⁷Ahi hangin amaute in a nialding a maizum dongin a ci teitei uh hi. Tua ciangin amah, "Amaute paisak un," a ci hi. Tuateh mi sawmnga sawl uh a, ni thum sung a zon uh hangin a mu kei uh hi.

¹⁸Jericho a om Elisha kiangah amaute hong kilehkik uh ciangin amaute kiangah, "Pai kei un hong ci hi lo ka hiam?" a ci hi.

¹⁹Khuapi mite in Elisha kiangah, "En in, kote topa aw, na muh mah bangin hih khuapi omna mun a hoih hi, ahi hangin tui hoih lo-a, leitang ah bangmah a piang kei hi," a ci uh hi.

²⁰Amah in, "Kuang-uk thak khat hong la unla a sungah ci koih un," a ci hi. Tua ciangin amaute in a pia uh hi.

²¹Tua ciangin amah tuinak ah pai-in a sungah ci theh a, "TOPA gen hih ahi hi: ‘Hih tui ka damsak zo hi. Tua in sihna piangsak kik nawn kei henla leitang punglosak kei hen,’ ci hi," a ci hi.

²²Tuateh Elisha gensa bangin tuni dong tua tui a lim den hi.

²³Tua lai panin Bethel ah Elisha a paito hi. Lampi-ah a pai laitakin khua sung panin khangno pawlkhat paikhia uh a, amah zahnuihsan uh hi. Amaute in, "Talkolhpa aw, paito in, Talkolhpa aw, paito in," ci uh hi.

²⁴Amah kihei-in amaute en a, TOPA minin a hamsiat hi. Tua ciangin singlak panin vompi nih paikhia a, khangno sawmli le nih a phuaigawp hi.

²⁵Tuateh Carmel Vumah paisuak a, tua panin Samaria ah a ciah kik hi.