Read Zokam 2 Kumpite 7 Bible Online

2 Kumpite 7 - Zokam bible

2 Kumpite 7

¹Elisha in, "TOPA thu za un. TOPA gen hih ahi hi: Zingciang tu bang hun pawlin annel seah khat a[12] shekel khat b[13] le mangbuh-ham seah nih c[14] ciang shekel khatin Samaria kongpi ah kizuak ding hi," a ci hi.

²Kumpipa a ban ah a kingapna ulianpa in Pasian mipa kiangah, "En in, TOPA in vantung tuidalnate nangawn a hong zongin hih thu piang thei ding ahi hiam?" a ci hi. Elisha in, "Na mittang in na muh hangin khat beek na ne kha kei ding hi!" ci-in a dawng hi.

³Tua laitakin khuapi lutna kongpi ah a phak d[15] mi li a om hi. Amaute in, "Bang dinga i sih dong hih lai-ah om ding i hi hiam?

⁴Khuapi sungah pai ni cileng - tua lai-ah kialpi tunga, i si ding hi. Hih lai-ah om den lehang lah i si veve ding hi. Tua ahi ciangin Aram-te giahphual ah pai-in va ki-ap ni. Amaute in hong hingkhawi uh leh a nungta; hong thah uh leh lah a si hi ni," ci-in khat le khat a kikum uh hi.

⁵Amaute khuamial lai pi-in tho uh a Aram-te giahphual ah a pai uh hi. A giahphual mong a tun uh ciangin mi khat beek a na om kei hi,

⁶ahang in, Topa in sakolte le sakollengte le galkap honpi kheging Aram-te zasak ahi manin amaute in, "Za un, Israel kumpipa in Hit-te le Egypt kumpite cialin eite hong sim uh hi," a kici uh hi.

⁷Tua ciangin amaute tho in, khuamial lai pi-in taikek uh a, a puanbukte uh, a sakolte uh le a laate uh nusia uh hi. A giahphual uh hici nusiatin a nuntak theihtheih nadingun a tai uh hi.

⁸Miphakte giahphual nawlah tung uh a, puanbukte khatah a lut uh hi. Amaute in ne in dawn uh a, ngun le kham le puante paikhiatpihin a sel uh hi. Kileh kikin puanbuk dang khatah lut leuleu uh a, tua pan na pawlkhat la-in tuate zong a sel uh hi.

⁹Tua ciangin amaute khat le khat kiho uh a, "I hihzia man lo hi. Tuni thu hoih ni hi napi ei kia bekin i kemcip mawk hi. Nisuah dong i ngak leh eite tungah dan hong tung ding hi. Pai pahin hih thu kumpi innah va zasak ni," a kici uh hi.

¹⁰Tua ciangin amaute pai uh a, khuapi kongpi cingte samkhia-in, "Ko teng Aram-te giahphuala pai ka hi uh hi. Mi khat zong om nawn lo hi - mi khat beek husa lo a - sakolte le laate kikhih ngiamnguamin puanbukte a hici in kinusia hi," ci-in a gen uh hi.

¹¹Kongpi cingte in tua thu awngkhia uh a, kumpi-inn ah a kizasak hi.

¹²Kumpipa zan pi-in tho-a a uliante kiangah, "Aram-te in ei tungah hih a sawm uh kong gen ding hi. Amaute in i kial lam thei uh hi; tua ahi ciangin a giahphual uh nusia-in gam sungah bu ding uh a, ‘Amaute hong pai pelmawh ding uh hi; amaute hingmat in khuapi sungah i lut ding hi,’ ci-a a ngaihsutna uh ahi hi," a ci hi.

¹³A uliante khat in, "Khuapi sunga om lai sakolte nga mi pawlkhat paipihsak ni. Amaute vangsiatna hi lai-a om lai a nusiat uh Israel-te khempeuh tawh a kibang ahi hi - hi hi, amaute cih nading a thei lo Israel-te khempeuh tawh a kibang lel uh hi. Tua ahi ciangin amaute sawlin thupiang enciansak ni," a ci hi.

¹⁴Tua ciangin amaute in sakolleng nih le sakolte teel uh a Aram galkapte nungah kumpipa in tuate a paisak uh hi. Amah in leng hawlte kiangah, "Pai unla thupiang va mukhia dih un," ci-in thu a pia hi.

¹⁵Amaute in Jordan dong zui uh a, Aram-te in luhum lianga a taikekna-ua a paih uh puante le vanzatte lampi dung tengah a kithehthang ziahzuah a mu uh hi. Tua ciangin kamtaite kileh kik uh a, kumpipa kiangah a zasak uh hi.

¹⁶Tua ciangin mite paikhia uh a Aram-te giahphual a van kinusiate a luh uh hi. Tua ciangin TOPA gensa bangin annel seah khat shekel khatin kizuaka, mangbuh-ham seah nih shekel khatin a kizuak hi.

¹⁷Tua laitakin kumpipa in a ban a kingapna ulianpa kongpi cingsak a, mite in kongvangah amah tuancilin, kumpipa a inn ah a paisuk lai-a Pasian mipa gen bang tektekin a si hi.

¹⁸Pasian mipa in kumpipa kiangah, "Zingciang tu bang hun pawlin Samaria kongpi ah annel seah khat shekel khatin kizuak ding a, mangbuh-ham seah nih shekel khatin kizuak ding hi," a cih bangin a piang hi.

¹⁹Pasian mipa tungah ulianpa in, "En in, TOPA in vante-a tuidalnate na ngawn a hong zongin piang thei ding ahi hiam?" a ci hi. Pasian mipa in, "Na mittang in na mu dinga, ahi hangin khat zong na ne kha kei ding hi!" ci-in a dawng hi.

²⁰Tua hi-a tua bang tektekin ama tungah pianga, mite in kongpi kalai-ah amah tuancilin a si hi.