Read Zokam 2 Kumpite 8 Bible Online

2 Kumpite 8 - Zokam bible

2 Kumpite 8

¹Tu-in Elisha in a tapa a hinkiksak numei tungah, "Na paikhiat theihna peuhpeuh uah na innkuan un tawlkhat sung paikhia un, bang hang hiam cih leh TOPA in gam sungah kum sagih sung kialpi tun ding thu pia khin hi," a ci hi.

²Pasian mipa gen bangin numei a gamta hi. Amah le a innkuante paikhia uh a, kum sagih sung Philistia-te gamah a teng uh hi.

³Kum sagih a bei ciangin Philistia gam panin ciah kik uh a, a inn le a leitang ngen kik dingin kumpipa kiangah a pai hi.

⁴Pasian mipa nasempa Gehazi le kumpipa kiho uh a, "Elisha hihsa na lianpi khempeuh hong gen dih in," a ci hi.

⁵Gehazi in kumpipa kiangah, Elisha in misi a hin kiksakna thu a gen laitak tektekin Elisha in a tapa a hinkiksak numei, a inn le a leitang ngen kik dingin kumpipa kiangah a pai hi. Gehazi in, "Ka topa kumpipa aw, hih nu tapa Elisha in a hin kiksak ahi hi," a ci hi.

⁶Kumpipa in tua thu numei dongin tuanu in a gen hi. Tua ciangin amah in tuanu thu a ngaihsutsak dingin ulian khat seha, "Tuanu neihsa khempeuh pia kik inla, hih gam a nusiat le tu kikala ama leitanga piang khempeuh zong pia in," a ci hi.

⁷Damascus ah Elisha pai-a, Aram kumpipa Ben-Hadad a ci na hi. Kumpipa kiangah, "Pasian mipa hong paipai-in hih ciang hong tung hi," cih thu a kigen ciangin

⁸amah in Hazael kiangah, "Letsong keng inla Pasian mipa tawh va kimu dih in. Amah tungtawnin TOPA va dong inla, ‘Hih natna pan ka dam zo ding hiam?’ ci-in va dotsak in," a ci hi.

⁹Elisha tawh kimu dingin Hazael kuana, Damascus a kizuak van hoih penpente kala-oh puak sawmli letsong dingin a keng hi. Amah a sungah tumin a mai-ah dinga, "Na tapa Aram kumpipa Ben-Hadad in, ‘Hih natna pan ka dam zo ding hiam?’ cih a dong dingin kei hong sawl hi," a ci hi.

¹⁰Elisha in, "Pai inla ama kiangah, ‘Na dam taktak ding hi; va ci in; ahi hangin a[16]TOPA kei tungah hong kilaak hi, a si pelmawh ding hi," ci-in a dawng hi.

¹¹Amah in Hazael a maizum dongin mit khah loin a sal gega hi. Tua ciangin Pasian mipa kap dingin a kithawi hi.

¹²Hazael in, "Ka topa bang hangin kap na hi hiam?" ci-in a dong hi. Amah in, "Israel-te na natsak nading ka thei hi; nang in kulh-a ki-um amau munte mei-in na hal dinga, a tangvalte uh namsau-in thatin, a naupangte uh leitual na sat nadinga, a nupi naupaiite uh na phelsuah ding ka muh hang ahi hi," ci-in a dawng hi.

¹³Hazael in, "Na nasempa ui tawh a kibang khat lel in tua bang pipi hih thei ding ahi hiam?" a ci hi. Elisha in, "TOPA in Aram kumpipa na suah ding kei hong lak khin hi," ci-in a dawng hi.

¹⁴Tua ciangin Hazael in Elisha nusia-a a pu kiangah a ciah hi. Ben-Hadad in, "Elisha in nang tungah bang hong gen hiam?" ci-in a dong hi. Hazael in, "Amah in nang pel loin dam ding hi, hong ci hi," ci-in a dawng hi.

¹⁵Ahi hangin amah in a zing ciangin puan sahpi khat la-a tui lakah diahin a maitang tuamsaka, kumpipa si hi. Tua ciangin Hazael in luah a kumpi a suak hi.

¹⁶Israel kumpipa Ahab tapa Joram a kum ngana kumin Judah kumpipa Jehoshaphat tapa Jehoram, Judah kumpi suakin uk ding a kipan hi.

¹⁷Amah kumpi a suahin kum sawmthum le nih pha-a Jerusalem ah kum giat sung a uk hi.

¹⁸Amah in Ahab tanu tenpih ahi manin Ahab innkuante hihsa bangin Israel kumpite lampite mah a tawn hi. TOPA mitah amah a sia-in gamta hi.

¹⁹Tua hi napi TOPA in a nasempa David a khualna-in Judah a susia nuam kei hi. Amah in David le ama suante ading tawntung meivak khat bawlsak ding a ciamsa ahi hi.

²⁰Jehoram hun sungin Edom in Judah lehdo-a, ama kumpi a phut hi.

²¹Tua ciangin Jehoram b[17] a sakolleng khempeuh tawh Zair ah a pai hi. Amah le a sakolleng ukte Edom-te in umcih uh a, ahi hangin amah thoin zanin a phulet hi; a galkapte inn lamah a tai kik uh hi.

²²Tuni dongin Edom in Judah a lehdo hi. Tua hun mah in Libnah in a langdo hi.

²³Jehoram uk sungin a kisem dangte le ama sep khempeuh Judah kumpite khangthu ciamtehna laibu sungah kigelh khin hi lo ahi hiam?

²⁴Jehoram a pate tawh tawlnga khawma, David Khuapi ah amaute tawh kivuikhawm hi. Tuateh a tapa Ahaziah in luah a kumpi a suak hi.

²⁵Israel kumpipa Ahab tapa Joram a kum sawm le nihna kumin, Judah kumpipa Jehoram tapa Ahaziah a uk ding a kipan hi.

²⁶Ahaziah kumpi a suahin kum sawmnih le nih pha a, Jerusalem ah kum khat sung a uk hi. A nu min Athaliah hi-a, Israel kumpipa Omri tunu ahi hi.

²⁷Ahab innkuante tawh a kitenna hangin kitanau uh ahi manin Ahab inn-kuante lampi mah tawn a, Ahab innkuante hihsa bangin TOPA mit ah a sia-in gamta hi.

²⁸Ramoth Gilead ah Aram kumpipa Hazael sim dingin Ahab tapa Joram tawh Ahaziah a kuankhawm uh hi. Aram-te in Joram a liamsak uh hi.

²⁹Tua ciangin Ramoth c[18] ah Aram kumpipa Hazael a sim lai-un Aram-te in a liamsakna liammate a dam nadingin Jezreel ah Kumpi Joram a ciah kik hi. Tua ciangin Ahab tapa Joram en dingin Judah kumpipa Jehoram tapa Ahaziah, Jezreel ah a paisuk hi, bang hang hiam cih leh amah a liam khin hi.