Read Zokam 1 Khangthute 9 Bible Online

1 Khangthute 9 - Zokam bible

1 Khangthute 9

¹Israel kumpite khangthu bu sungah Israel khempeuh kigual khin hi. Judah mite a muanhuai lohna uh hangin Babylon ah salin kikai hi.

²Tu-in amau neihsa khuapite ah a teng kik masa te pen Israel-te pawlkhat, siampite, Levi-te le biakinnpi nasemte ahi uh hi.

³Tuate Judah pan, Benjamin pan le Ephraim le Manasseh pan hi uh a, Jerusalem a, tengte in:

⁴Judah tapa Perez suante khat Bani tapa Imri, a tapa Omri a tapa Ammihud, a tapa Uthai ahi hi.

⁵Shilon-te pan: A tapa upapen Asaiah le a tapate.

⁶Zerah-te pan: Jeuel. Judah panin mi 690 pha hi.

⁷Benjamin-te pan: Hassenuah tapa Hodaviah tapa Meshallum tapa Sallu;

⁸Jeroham tapa Ibneiah; Micri tapa Uzzi, tapa Elah; le Ibnijah tapa Reuel, tapa Shephatiah, tapa Meshullam ahi hi.

⁹Benjamin pan amau khangthu sunga kigual mi 956 a pha hi. Hih mite khempeuh amau inkuan lutang ahi hi.

¹⁰Siampite pan: Jedaiah; Jehoiarib; Jakin,

¹¹Ahitub tapa Meraioth, tapa Zadok, tapa Meshullam, tapa Hilkiah tapa Azariah, Pasian inn cing ulianpa ahi hi.

¹²Malkijah tapa Pashhur, tapa Jeroham, tapa Adaiah le Immer tapa Meshillemith, tapa Meshullam, tapa Jahzerah, tapa Adiel, tapa Maasai.

¹³Hih siampite innkuan lutang hi uh a, 1,760 a pha uh hi. Amaute Pasian inn sungah nasem dingin a siamsa vive ahi uh hi.

¹⁴Levi-te panin: Merar-te Hashabiah tapa Azrikam, tapa Hasshub, tapa Shemaiah;

¹⁵Bakbakkar, Heresh, Galal le Asaph tapa Zicri, tapa Mica, tapa Mattaniah;

¹⁶Jeduthun tapa Galal, tapa Shemaiah, tapa Obadiah; le Alkanah tapa Asa, tapa Berekiah Netophath khuaneute a tengpa ahi hi.

¹⁷Kongpi cingte: Shallum, Akkub, Talmon, Ahiman le amau sanggampate hi a,

¹⁸amaute makai Shallum hi in, Kumpi Kongpi nisuahna lamah tu dongin a om uh hi. Hihte in Levi-te giahphual tawh kisai kong cingte ahi hi.

¹⁹Korah tapa Ebiasaph, tapa Kore, tapa Shallum le ama innkuante (Korah-te), a pate uh TOPA omna mun lutna cing ahi mah bangun, amaute in puanbuk a[66] sangkilte a cing uh hi.

²⁰A masa hun lai-in Eleazar tapa Phinehas in kongpi cingte uk a, TOPA in amah a ompih hi.

²¹Kikhopna Puanbuk kongpi cingpa Meshelemiah tapa Zechariah ahi hi.

²²Sangkil a kongpi cing dinga kitel a vekpi-in 212 a pha hi. Amaute amau khuaneu khangsimna sunga kiciamteh ahi hi. David le thumupa Samuel in amau muanna munah kongpi cingte a seh uh hi.

²³Amaute le amau suante Puanbuk a kici - TOPA inn kongpi cingte uk ahi uh hi.

²⁴Kongpi cingte in pang lite: nisuahna, nitumna, leilu le leitaw ah a om ciat uh hi.

²⁵Amau khuaneute a, a sanggamte uh ni sagih hun sim a hunhunin amau nasep sem dingin a kuan uh hi.

²⁶Ahi hangin mun li-a kongpi cing Levi-te, Pasian inn sunga inndeite le gou kholnate cing dinga a muanhuai ahi uh hi.

²⁷Amaute Pasian inn kimkot-a munte ah a giak uh hi, bang hang hiam cih leh amaute in cing in; zingsang simin tawh hon ding a uk uh hi.

²⁸Amaute pawlkhat in biakinnpi sunga kizang vanzatte cing uh a; amaute in a sungah a kitum ciangin simin a kipusuah ciangin zong a sim uh hi.

²⁹Adangte tutphah, sabuai le mun siangtho-a vanzat khempeuh, annel le zu le sathau, gimnamtui le paknamtui-te cing dingin kiseh hi.

³⁰Ahi hangin siampite pawlkhat in paknamtui hel a vil uh hi.

³¹Korah-te Shallum tapa upa pen Mattithiah min nei Levi-te khat biakna-a kipia ding anlum em nasep a kipia hi.

³²Kohath sanggamte pawlkhat in Sabbath sim-a sabuai tunga koih ding anlum bawl a uk uh hi.

³³Tumtheih tumte le Levi innkuan makaite biakinnpi sunga inndeite ah om uh a, nasep dangte a peng uh hi, bang hang hiam cih leh amaute in sun le zanin nasepin a nei uh hi.

³⁴Hihte khempeuh amau khangsimna sunga kigual Levi innkuan lutangte le a ukte hi-a amaute Jerusalem ah a teng uh hi.

³⁵Gibeon pa b[67] Jeiel hi-a, Gibeon ah a teng hi. A zi min Maacah hi-a

³⁶a tapa upa pen Abdon hi in, a zom Zur, Kish, Baal, Ner, Nadab,

³⁷Gedor, Ahio, Zechariah le Mikloth ahi hi.

³⁸Mikloth in Shineam pa ahi hi. Amaute zong a tanaute uh kiang Jerusalem ah a teng uh hi.

³⁹Kish pa Ner, Saul’ pa Kish, Jonathan, Malki-Shua, Abinadab le Esh-Baal-te a[68] pa Saul ahi hi.

⁴⁰Jonathan tapa: Merib-Baal b[69], amah Micah pa ahi hi.

⁴¹Micah tapate: Pithon, Melech, Tahrea le Ahaz c[70].

⁴²Ahaz in Jadah pa hi-a Jadah d[71] in Alemeth, Azmaveth, Zimri pa hi-in, Zimri in Moza pa ahi hi.

⁴³Moza in Binea pa ahi hi; Rephaiah ama tapa hi-a Eleasah a tapa hi in, Azel a tapa ahi hi.

⁴⁴Azel in tapa guk nei a, hihte amaute min ahi hi: Azrikam, Bokeru, Ishmael, Sheariah, Obadiah le Hanan. Hihte Azel tapate ahi hi.