Read Zokam 2 Khangthute 22 Bible Online

2 Khangthute 22 - Zokam bible

2 Khangthute 22

¹Giahphual luhte in Jehoram tapa upate khempeuh Arab-te tawh that khin uh ahi manin Jerusalem a mite in a tapa moi pen Ahaziah ama kumpi za a luahsak uh hi. Tua ciangin Judah kumpipa Ahaziah in uk ding a kipan hi.

²Ahaziah kumpi a suah in kum sawmnih le nih b[72] pha a, Jerusalem ah kum khat sung a uk hi. A nu min Athaliah hi-a Omri tunu khat ahi hi.

³A nu in khialhna lam sep ding hanthawn ahi manin aman zong Ahab innkuante lampi mah a tawn hi.

⁴A pa sih khit ciangin ama seplohpi ah amaute lamlak suak uh ahi main Ahab innkuante gamtatsa bangin TOPA muhna-ah a sia-a gamta ahi hi.

⁵Ramoth Gilead ah Aram kumpipa Hazael sim dingin Israel kumpipa Ahab tapa Joram c[73] tawh a kuankhawm lai-un amaute hilhna amah’n zong a zui hi. Aram-te in Joram liamsak uh hi;

⁶tua ahi ciangin Ramoth d[74] a Aram kumpipa Hazael tawh a kidona-ah amaute in liamsakna, a hingimsakna panun a kidamsak dingin Jezreel ah a kilehkik hi. Tua ciangin Ahab tapa Joram liam khin ahi manin amah en dingin Jezreel ah Judah kumpipa Jehoram tapa Ahaziah e[75] a paisuk hi.

⁷Joram kianga Ahaziah hawhna hangin Pasian in Ahaziah pukna a tungsak hi. Ahaziah a tun ciangin Ahab innkuan siasak dingin TOPA in sathau a nilhsa Nimshi tapa Jehu tawh a kimu dingin Joram le amah a paikhia uh hi.

⁸Jehu in Ahab innkuan tunga thukhenna a sep khit ciangin Judah uliante le Ahaziah khoi ama tanaute tapate mu a amaute a that hi.

⁹Tua ciangin Ahaziah zong dingin kuan a Samaria ah a buk laitakin a mite in a man uh hi. Amah Jehu kiangah puak uh a, a that uh hi. Amaute in, "Amah a lungsim khempeuh tawh TOPA a zong Jehoshaphat tapa ahi hi," a cih manun amah a vui uh hi. Tua ciangin Ahaziah innkuan sungah kumpi-gam a ngah kik zo dingin a vanglian khat beek a om kei hi.

¹⁰Ahaziah nu Athaliah in a tapa sih a muh ciangin, Judah kumpi innkuan buppi siatsak ding a sawm hi.

¹¹Ahi hangin kumpi Jehoram tanu Jehosheba f[76] in Ahaziah tapa Joash la-a, a kithat ding kumpi tapate lak panin amah gukhia-in, amah le a cingnu lupna inndei sung khatah a koih hi. Jehosheba pen, g[77] Kumpi Jehoram tanu lah hi-in, siampi Jehoiada zi lah hi a, Ahaziah sanggamnu zong hi ahi manin Athaliah in amah a thah theih loh nadingin tuanu panin naupang a sel hi.

¹²Athaliah in gam a uk kum guk sung teng Pasian biakinnpi sungah amaute tawh amah a bucip hi.