Read Zokam 2 Khangthute 34 Bible Online

2 Khangthute 34 - Zokam bible

2 Khangthute 34

¹Josiah kumpi a suahin kum giat pha a, Jerusalem ah kum sawmthum le khat sung a uk hi.

²TOPA mit ah a maanin gamta-a a pa David lampite zui-in veilam ahi-a taklam ahi zongin a pial kei hi.

³Ama uk a kum giatna, a khangmoi lai mah in a pa David Pasian zon ding a kipanpah hi. A kum sawm leh nihna sungin Judah le Jerusalem a munsangte, Asherah khuamte, a kikhuak milimte le a kisung limte siaksiang ding a kipan hi.

⁴Ama lamlahna nuai-ah Baalte biakna-taute kiphelzan a, tuate tunga om gimnamtui halna-taute satnenin Asherah khuamte, milimte le nate limte a gawizan hi. Hihte sunen a, tuate tunga biakna a piate hante tungah a theh hi.

⁵Amah in amaute biakna-taute tungah a siampite uh guhte hal-a, tua bangin Judah le Jerusalem a hahsiang hi.

⁶Manasseh, Ephraim le Simeon khuapite Naphtali sung le tuate kim a, a siasate dongin

⁷biakna-taute le Asherah khuamte phelkhiagawp a, a milimte gawivui-in Israel gamsung tenga gimnamtui-a biakna-tau khempeuh a satnen hi. Tua ciangin Jerusalem ah a ciah kik hi.

⁸Josiah in a uk a kum giatna in gamsung teng le biakinnpi siansuah dingin Azaliah tapa Shaphan le khuapi ukpa Maseiah sawl a, TOPA ama Pasian biakinnpi puah dingin thu ciamtehpa Joahaz tapa Joah tawh a sawlkhawm hi.

⁹Amaute tulpi Hilkiah kiangah pai uh a, kongkhakpi cing Levite in Manasseh, Ephraim le Israel a baanglai khempeuh le Judah le Benjamin khempeuh le Jerusalem a tengte khempeuh tunga a don uh Pasian biakinnpi-a kipuak sumte amah a pia uh hi.

¹⁰Tua ciangin amaute in TOPA biakinnpi a nasepte cing dinga kisehte tungah a ap uh hi. Hihte pen biakinnpi a ngei a bangsak dinga a puahphate tungah a piasawn uh hi.

¹¹Amaute in zong Judah kumpite suksiat inn kisiate puah nading - suangseeksa le a peh nading le innkam ding singte lei nadingin khutsiamte le inn lamte tungah a piasawn uh hi.

¹²Mite in kiciantakin na a sem uh hi. Amaute tungah lamlak dingin Merari pan Levi-te suan Jahath le Obadiah le Kohath suante pan Meshullum le Zechariah ahi hi. Levi-te - tumtheih tum siamte khempeuh -

¹³in vanpuate cingin nasepna khempeuh a uk uh hi. Levi-te pawlkhat thuvante, laigelhte le kongkhak cingte ahi uh hi.

¹⁴Amaute in TOPA biakinnpi sunga kipuaksa sumte a lakkhiat khiat laitakun siampi Hilkiah in Moses tungtawna kipiasa TOPA Thukham laibu a mu hi.

¹⁵Hilkiah in thuvanpipa Shaphan tungah, "TOPA biakinnpi sungah Thukham Laibu ka mu hi," a ci hi. Amah in Shaphan a pia hi.

¹⁶Tua ciangin Shaphan in kumpipa kiangah laibu paipih in: "Na uliante in amau tungah a kisawlsate peuhmah a sepsan laitak uh ahi hi.

¹⁷Amaute in TOPA biakinnpi sunga sumte piakhia uh a nasepna vaante le nasemte tungah kipia hi," ci-in a zasak hi.

¹⁸Tua ciangin thuvanpipa Shaphan in kumpipa kiangah, "Siampi Hilkiah in laibu khat kei hong pia hi," ci-in a ko hi. Tuateh kumpipa omin Shaphan in tua laibu a sim hi.

¹⁹Kumpipa in kammalte a zak ciangin a puante a balkek hi.

²⁰Amah in Hilkiah, Shaphan tapa Ahikam, Micah a[111] tapa Abdon, thuvanpipa Shaphan le kumpipa sawltakpa Asaiah-te tungah:

²¹"Pai unla hih a kimusa laibu ah kei ading, a baanglai Israel-te ading le Judah adingin bang kigelh hiam, TOPA hong dotsak un. I pate in TOPA thu a zuih lohna uh hangin ei tunga hong kisung TOPA hehna a lian hi; amaute in hih laibu sunga kigelhsa khempeuh tawh kizui-in na a sem kei uh hi," ci-in thu a pia hi.

²²Hilkiah le kumpipa in amah b[112] tawh a sawlte, Hasrah c[113] tapa Tokhath d[114] tapa biakinn puan kempa Shallum zi kamsangnu Huldah hopih dingin a pai uh hi. Tuanu Jerusalem Gamkhen Nihna ah a teng hi.

²³Tuanu in amaute kiangah, "TOPA Israel Pasian gen hih ahi hi: Kei kianga nang hong sawlte tungah,

²⁴‘Hih in TOPA gen ahi hi: Keimah in hih mun le a mite tungah gimna ka tungsak dinga - tua gimna pen Judah kumpipa oma kisim hih laibu sunga kigelhsa hamsiatna khempeuh ahi hi.

²⁵Amaute in kei hong nusia uh a, pasian dangte tungah gimnamtui halin amau khutin a bawlsa e[115] teng uh tawh kei hong hehsak uh ahi manin hih mun tungah ka hehna ka sung dinga a kimitsak nawn kei ding hi,’ ci hi.

²⁶TOPA thu dong dinga note hong sawl Judah kumpipa kiangah, ‘Na zaksa uh thute tawh kisai-in TOPA Israel Pasian gen hih ahi hi:

²⁷Hih mun le a mite tunga thu kigensa na zak ciangin na lungsimin dawng a Pasian mai-ah nang mahmah kiniamkhiat na hi man le ka mai-ah nangmah kiniamkhiatin na puante balkekin ka muhna ah kap na hi manin na thugen ka za khin hi, TOPA in cikhia hi.

²⁸Tu-in na pate omna ah nang kong gawm ding a, lungnuamtakin na kivui ding hi. Hih mun le a tunga tengte tunga ka tunsak ding gimnate khempeuh na mit in a mu kei ding hi,’ ci hi," a ci hi. Tua ciangin amaute in kumpipa tungah tuanu dawnna a puak kik uh hi.

²⁹Tua ciangin kumpipa in Judah le Jerusalem upate khempeuh a khawmsak hi.

³⁰TOPA biakinnpi ah amah tawh Judah mite, Jerusalem a mite, siampite le Levi-te - aneupen pan alianpen dong mi khempeuh a paikhawm uh hi. Amah in TOPA biakinnpi sunga kimu Thukhun Laibu sunga thute khempeuh amaute zakin a sim hi.

³¹A khuampi gei-ah kumpipa dinga, TOPA zui-in a lungsim neihzah le a hinna khempeuh tawh a thupiakte, zuih ding ngeinate le a thukipte zui-in hih laibu sunga thukhun thute a man nading - TOPA thukhun a mai-ah thaksuaksak hi.

³²Tua ciangin Jerusalem le Benjamin sunga omte khempeuh tua tungah a kiciamsak hi. Jerusalem mite in Pasian thukhun tawh kituakin a pate uh Pasian a zui uh hi.

³³Israel-te neihsa gam khempeuh panin Josiah in a kihhuai milimte khempeuh paikhia-a Israel sunga omte khempeuh TOPA amau Pasian na a semsak hi. Amah in a nuntak laiteng a pate Pasian ahi TOPA a zuikhial kei hi.