Read Zokam Ezra 10 Bible Online

Ezra 10 - Zokam bible

Ezra 10

¹Ezra in thu ngena mawhna pulaakin kap-a Pasian inn mai-ah a kilot laulau laitakin Israel mipi tampitak - numei pasal le naupangte - a kimkotah a kikhawm uh hi. Amaute zong kah cihtakin a kap uh hi.

²Tua ciangin Elam suante khat Jahiel tapa Shecaniah in Ezra kiangah, "I kimkota midang numeite i tenpihna hangin i Pasian tungah i muanhuai kei hi. Ahi hangin a tuacipi mahin Israel-te adingin lametna om lai hi.

³Tu-in nang ka topa uh le eite Pasian thupiakna a kihtate ngaihsutna tawh kizui-in hih numei te le a tate uh khakkhiat nading eite Pasian mai-ah thukhun i bawl ding hi. Thukham tawh kituakin kibawl ta hen.

⁴Tho in; hih thu nang khutah a om hi, nang kong huh ding uh hi, hangtakin sem in," a ci hi.

⁵Tua ciangin Ezra tho a, siampite le Levi-te makaisakin ngaihsutna a kipiasa banga, sem dingin Israel-te khempeuh a kiciamsak hi.

⁶Tua ciangin Pasian inn mai panin Ezra kihemkhia a, Eliashib tapa Jehohanan omna inndei ah a pai hi. Tua muna a om lai-in zong saltangte muanhuai lohna hangin an ne lo tui dawn loin a thumthum lai hi.

⁷Judah le Jerusalem a sal suakta khempeuh Jerusalem ah a kikhop nadingun tangkona khat a suaksak uh hi.

⁸Ni thum sunga maitang a laak lo peuhmah uliante le upate khensatna zui-in a vante kimatsak dinga, sal suakta mihonpi lak panin amah kihawlkhia ding hi.

⁹Ni thum sungin Judah le Benjamin a mi khempeuh Jerusalem ah a kikhawm khin uh hi. A kha kuana a ni sawmnihna ni-in mi khempeuh Pasian biakinnpi mai-a tual-awng ah hih thu hang le guah tui hangin lungdong ngeungau-in a tu uh hi.

¹⁰Tua ciangin Ezra ding to-in amaute kiangah, "Note na muanhuai kei uh hi; Israel khialhna behlapin gamdang numeite na tenpih uh hi.

¹¹Tu-in TOPA na pate uh Pasian tungah na mawhna uh pulakin ama deih na sem un. Na kim na pam-ua mite le na gamdang zite uh tawh no mahmah kikhenkhia un," a ci hi.

¹²Mihon buppi in, "Na thugen a maan hi! Na gen bangin ka hih ding uh hi.

¹³Ahi hangin hih lai-ah mi tam mahmah a guah zuk hun ahi hi; tua hi-a a pua ah ka ding zo kei uh hi. Tua banah hih thu ah nak mawh lua khin ka hi manun ni khat ni nih sunga hih zawh pak ding thu hi lo hi.

¹⁴Mihon buppi tangin ka uliante uh semsak in. Hih thu hangin i Pasian hehluatna eite tungah a bei mateng, gamdang numei a tenpih peuhmah a kiseh hunin amau khuapi ciat-a upate le thukhente tawh paikhawm uh hen," ci-in ngaihtakin a dawng uh hi.

¹⁵Asahel’ tapa Jonathan le Tikvah tapa Jahzeiah-te bekin Levi-te Meshullam le Shabbethai thukim pihna tawh hih thu a nial uh hi.

¹⁶Tua ciangin a thu omsa bangin sal suaktate in a hih uh hi. Siampi Ezra in amau innkuan khen panin innkuan khat ah innkuan lutang khatta tengkhia a, amaute khempeuh a minun a sam hi. A kha sawmna a ni masa pen ni-in thu kantel dingin amaute kikhawm uh a,

¹⁷a kha masa a ni masapen ni-in gamdang mi a tenpihte khempeuh lungsim zawhna a mansiang uh hi.

¹⁸Siampite suante lak panin gamdang numei a tenpih anuai-a te ahi hi: Jozadak tapa Jeshua sanggampate suante panin: Maaseiah, Eliezer, Jarib, le Gedaliah,

¹⁹(Amaute in a zite uh a ciahsak nadingun kiciamna khut kha uh a, khialhna hanga biakna-in tuuhon panin tuutal khat a pia ciat uh hi.)

²⁰Immer suante panin: Hanani le Zebadiah.

²¹Harim suante panin: Maaseiah, Elijah, Shemaiah, Jehiel le Uzziah.

²²Pashhur suante panin: Elioenai, Maaseiah, Ishmael, Nethanel, Jozabad le Elasah.

²³Levi-te lak panin: Jozabad, Shimei, Kelaiah (tua pen Kelita) Pethahiah, Judah le Eliezer.

²⁴Lasate panin: Eliashib. Kongpi cingte panin: Shallum, Telem, le Uri.

²⁵Israel dangte lak panin: Parosh suante panin: Ramiah, Izziah, Malkijah, Mijamin, Eleazar, Malkijah le Benaiah.

²⁶Elam suante panin: Mattaniah, Zechariah, Jehiel, Abdi, Jeremoth le Elijah.

²⁷Zattu suante panin: Elioenai, Eliashib, Mattaniah, Jeremoth, Zabad le Aziza.

²⁸Bebai suante panin: Jehohanan, Hananiah, Zabbai le Athlai.

²⁹Bani suante panin: Meshullam, Malluch, Adaiah, Jashub, Sheal le Jeremoth.

³⁰Pahath-Moab suante panin: Adna, Kelal, Benaiah, Maaseiah, Mattaniah, Bezalel, Binnui le Manasseh.

³¹Harim suante panin: Eliezer, Ishijah, Malkijah, Shemaiah, Shimeon,

³²Benjamin, Malluch le Sehmariah.

³³Hashum suante panin: Mattenai, Mattattah, Zabad, Eliphelet, Jeremai, Manasseh le Shimei.

³⁴Bani suante panin: Maadai, Amram le Uel.

³⁵Benaiah, Bedeiah, Keluhi,

³⁶Vaniah, Meremoth, Eliashib,

³⁷Mattaniah, Mattenai le Jaasu.

³⁸Binnui a[28] suante panin: Shimei,

³⁹Shelemiah, Nathan, Adaiah,

⁴⁰Macnadebai, Shashai, Sharai,

⁴¹Azarel, Shelemiah, Shemariah,

⁴²Shallum, Amariah le Joseph.

⁴³Nebo suante panin: Jeiel, Mattithiah, Zabad, Zebina, Jaddai, Joel le Benaiah.

⁴⁴Hihte khempeuh in gamdang numei tenpih uh a, pawlkhatte in hih a zite uh tawh ta a nei uh hi. b[29]