Read Zokam Ezra 4 Bible Online

Ezra 4 - Zokam bible

Ezra 4

¹Judah le Benjamin’ galte in, sal suaktate in TOPA Israel-te Pasian biakinnpi ding a lam uh a zak uh ciangin

²Zerubbabel le amau innkuan lutangte kiangah pai uh a, "Kote in hih lai mun hong tun Assyria kumpipa Esarhaddon hun lai-a kipan note tawh a kibangin na Pasian uh ka zong uh a, ama tungah biakna pia ka hi manun na biakinn lam uh hong kihuhsak un," a ci uh hi.

³Ahi hangin Zerubbabel, Jeshua le adang Israel innkuan lutangte khempeuh in, "Kote Pasian biakinnpi lamna ah nong kihel kei ding uh hi. Tua ah Persia kumpipa Cyrus hong thupiak bangin TOPA Israel-te Pasian ading ko guakin ka lam ding uh hi," ci-in a dawng uh hi.

⁴Tua ciangin amau kima om mite kuankhia uh a, Judah mite linthawnin biakinnpi lam ding a lausak b[7] uh hi.

⁵Amaute langah a ngimna uh a siasak dingin Perisa kumpipa Cyrus hun sung teng Persia kumpipa Darius hun dong amau ngimna a tangtun loh nadingin a genpih ding mi a cial uh hi.

⁶Xerxes c[8] kumpi a suah tungin Judah le Jerusalem a mipite tungah mawhsakna lai khat a gelh uh hi.

⁷Tua ciangin Persia kumpi Artaxerxes hun lai-in Bishlam, Mithredath, Tabeel le amah a huhte khempeuh in Artaxerxes tungah lai khat a khak uh hi. Tua laikhak Aram lai-in kigelh a, Aram pau d[9], e[10] mahin a kisim hi.

⁸Galkap mangpipa Rehum le thuvanpipa Shimshai in kumpipa Artaxerxes tungah a nuai-a bangin Jerusalem langpanna a gelh uh hi.

⁹Galkap mangpipa Rehum le thuvanpipa Shimshai, - amaute a huhte khempeuh - thukhente le Tripolis, Persia, f[11] Erech le Babylon - hih khuate a teng mite, Susa a teng Elam-te’ uliante

¹⁰le a lian mahmah a zahtakhuai Ashurbanipal g[12] in a nawhkhiat Samaria khuapi sunga tengte le Eupharates-Gal a tengte khempeuh in a gelh uh ahi hi.

¹¹(Amaute laikhak hih ahi hi). Kumpi Artaxerxes tungah, Euphrates-Gal a na nasemte hong khak:

¹²Kumpipa in nang kiang pana ko kianga hong paito Jew-te Jerusalem ah pai-in gilo le a lehdo khuapi a lamphat uh thei ta in; amaute in kulh ciangpha in a bul a puahpha uh hi.

¹³Tua ban lai-ah hih khuapi kial khinin kulhte kizo siang leh siah, mangmu le leitang sapte hong pia nawn lo ding uh a, kumpi leitang sap in a thuak ding lam thei ta in.

¹⁴Tu-in kote kumpi inn thuneihna nuai-a om ka hih nungsangun kumpipa zahtak loh ding kilawm lo ahi manin hih thu kumpipa kong khak uh hi,

¹⁵tua in nang ma-a semsate ciamtehnate sung zon theih nading ahi hi. Hih ciamtehna sungah hih khua in a lehdo thei khuapi, kumpite le a gam tunga a lauhuai, tanglai-a kipan a lehdo omna mun, ahina na mu ding hi.

¹⁶Hih khuapi a kilam khit-a a kulhte a kizawh siang ciangin Euprhates-Gal ah nang bangmah hong kinusiat loh ding lam kumpipa kong theisak uh hi.

¹⁷Kumpipa in hih thukkikna a khak hi: Galkap mangpipa Rehum, thuvanpipa Shimshai le Samaria le Euphrates-Gal a tengte le amaute a huhte khempeuh tungah: Kong hopih hi.

¹⁸Nong laikhak uh ka mai-ah kisima, a kiletkhia hi.

¹⁹A kizon nading thu ka pia a, kizongin hih khuapi in kumpi a lehdona tangthu sau mahmah a, a lehdona le kidona mun kimukhia hi.

²⁰Jerusalem in Eupharates-Gal bup a uk a vanglian kumpite nei-a siah, mangmu le leitang sap amau tungah a pia uh hi.

²¹Tu-in keimah in thu kong piak mateng hih khuapi a kilam kik loh nadingin hih mite tungah thu pia in.

²²Hih thu na thusim loh khak ding uh kidawm un. Bang hangin kumpipa metna siasak dingin hih bang piang ahi hiam?

²³Kumpipa Artaxerxes laikhak Rehum le thuvanpipa Shimshai le amau a huhte zaka a kisim khit phetin, amaute Jerusalem a Jew-te kiangah paipah uh a, a nasep uh a khawl nadingun aana in a kho uh hi.

²⁴Persia kumpipa Darius in a uk a kum nihna mateng Jerusalem a Pasian inn nasep tuaci-in a kidinkhawl hi.