Read Zokam Ezra 8 Bible Online

Ezra 8 - Zokam bible

Ezra 8

¹Hih in Kumpi Artaxerxes hun lai-a Jerusalem pana kei hong zui innkuan lutangte le amau tawh a kiciamteh khawmte ahi hi:

²Phinehas suante pan Gershom, Ithamar suante pan Daniel; David suante pan Hattush,

³ama suante pan Shecaniah; Parosh suante pan Zechariah le amah tawh kiciamteh khawm mi 150;

⁴Pahath-Moab suante pan Zerahiah tapa Eliehoenai le amah tawh pasal 200;

⁵Zattu e[22] suante pan Jahaziel tapa Shecaniah le amah tawh pasal 300;

⁶Adin suante pan, Jonathan tapa Ebed, le amah tawh pasal 50;

⁷Elam suante pan, Athaliah tapa Jeshaiah-te amah tawh pasal 70;

⁸Shephatiah suante pan Michael tapa Zebadiah le amah tawh pasal 80;

⁹Joab suante pan Jehiel tapa Obadiah le amah tawh pasal 218;

¹⁰Bani f[23] suante pan Josiphiah tapa Shelomith le amah tawh pasal 160;

¹¹Bebai suante pan Bebai tapa Zechariah le amah tawh pasal 28;

¹²Azgad suante pan Hakkatan tapa Johanan le amah tawh pasal 110;

¹³Adonikam suante pan a nung paite min, Eliphelet, Jeuel, le Shemaiah le amah tawh pasal 60;

¹⁴Bigvai suante pan Uthai le Zaccur amaute tawh pasal 70 ahi hi.

¹⁵Ahava lam manawha luang hawkguam ah amaute khawmin tua lai-ah ni thum ka tam uh hi. Mipite le siampite lak ka etcian ciangin Levi-te ka mu kei hi.

¹⁶Tua ciangin a makaite Eliezer, Ariel, Shemaiah, Elnathan, Jarib, Elnathan, Nathan Zechariah le Meshullam, laisiam Joiarib le Elnathan-te

¹⁷Casiphia-a makaipa Iddo kiangah amaute ka paisak hi. Amaute in eite Pasian inn a nasem ding hong puak nadingun Casiphia a biakinnpi nasemte ahi Iddo le a tanaute kiangah a gen ding uh ka hilh hi.

¹⁸A migi Pasian khut in eite hong ompih ahi manin amaute in Israel’ tapa Levi, a tapa Mahli suante panin a ngaihsut siam Sherebiah tapate le a sanggampate pasal 18;

¹⁹le Hashabiah, Merari suante panin Jeshaiah tawh a sanggam pasalte le a panote mi 20 hong tonpih uh hi.

²⁰Amaute in biakinnpi nasemte - David le a uliante in Levi-te a huh dingin a kipsaksa mi 220 zong hong tonpih uh hi. Hihte khempeuh amau min ciatun a kiciamteh hi.

²¹Tua mun Ahava Hawkguam gei-ah kote Pasian mai-ah ko le ko ka kiniamkhiat theih nading uh le kote le ka tate uh ka neihsa khempeuh uh tawh bittaka khual ka zin theih nading uh nget nadingin antan ding ka tangko hi.

²²Kote in kumpipa kiangah, "A migi kote Pasian khut in amah a en peuhpeuh ompih a, ahi hangin amah a taisante tungah a hehna a tung hi," ci-a ka gensa uh ahi manin lampi ah galte pana hong hu ding galkapte le sakol-tuangte kumpipa tungah ka nget ding ka maizum hi.

²³Tua ciangin an tangin kote Pasian tungah hih thu ka ngen uh a, amah in kote thungetna hong dawng hi.

²⁴Tua ciangin siampi mapite sawm le nih tawh Sherebiah, Hashabiah le amaute sanggamte sawm ka khenkhia a,

²⁵kumpipa ama thudotte, a uliante le tua lai-a om Israel-te khempeuh in Pasian inn dingin a kidong biakna-a kipia ngun, kham le vanzatte tehkhia-in amaute tungah ka ap hi.

²⁶Amaute tungah tehkhia a ka ap ngun talent a[24] 650, ngun vanzatte talent b[25] 100 a gik, kham talent c[26] 100,

²⁷kham kuangkum daric d[27] 1,000 man 20, le dal kizut kham zaha manpha vanzat nih ahi hi.

²⁸Amaute kiangah, "Note le hih vanzatte TOPA tungah hong ki-ap khawm ahi hi. Hih ngun le khamte TOPA i pate Pasian tungah utthu-a biakna kipia ahi hi.

²⁹Jerusalem a TOPA inn a inndei tuam sungah siampi mapite le Levi-te le Israel innkuan makaite mai-ah na teh hun matengun limtakin cing un," ka ci hi.

³⁰Tua ciangin siampite le Levi-te in ngun le kham le a siangtho vanzat a kitehsate, Jerusalem a eite Pasian inn-a puak dingin a sang uh hi.

³¹A kha masa pen a ni sawm le nih ni-in Ahava Hawkguam panin Jerusalem zuan dingin ka dingkhia uh hi. Kote Pasian khut in hong ompih a, lampi tawntungah galte le pansimna panin hong dal hi.

³²Tuaci-in Jerusalem ka tung uh a ni thum sung ka tawlnga uh hi.

³³A ni lina ni-in kote Pasian inn ah Uriah tapa siampipa Meremoth khut ah ngun, kham le a siangtho vanzatte ka tehkhia uh hi. Amah Phinehas tapa Eleazar tawh hi-a, Levi-te Jeshua tapa Jozabad le Binnui tapa Noadiah tawh zong ahi uh hi.

³⁴Na khempeuh a malin simin kiteh a, tua hunin a gihna zah lian a kiciamteh hi.

³⁵Saltanna pan a suakta a ciah kikte in Israel Pasian tungah haltum biakna-in: Israel khempeuh aitangin bawngtal sawm le nih, tuutal sawm kua le guk, tuuno apa sawm sagih le sagih le mawhna hanga biakna-in keel apa sawm le nih pia uh hi. Hihte khempeuh TOPA tungah meihal biakna ahi hi.

³⁶Amaute in kumpipa khut nuai-a nasemte le Euphrates-Gal a ukpite tungah kumpipa thupiakte zong gen uh a, tua ciangin amaute in mite le Pasian inn a huh uh hi.