Read Zokam Nehemiah 12 Bible Online

Nehemiah 12 - Zokam bible

Nehemiah 12

¹Shealtiel’ tapa Zerubbabel le Jeshua tawh a ciah kik siampite le Levi-te: Sheraiah, Jeremiah, Ezra,

²Amariah, Malluch, Hattush,

³Shecaniah, Rehum, Meremoth,

⁴Iddo, Ginnethon a[28], Abijah,

⁵Mijamin b[29], Moadiah, Bilgah,

⁶Shemaiah, Joiarib, Jedaiah,

⁷Sallu, Amok, Hilkiah le Jedaiah-te ahi hi. Hihte, Jeshua hun lai-a siampi makaite le a huhte ahi uh hi.

⁸Levite, Jeshua, Binnui, Kadmiel, Sherebiah, Judah le Mattaniah zong, amah a huhte tawh lungdamkohna la makaite ahi uh hi.

⁹Bakbukiah le Unni, amau a huhte tawh kikhop ciangin amaute tawh kigalsai-in a ding uh hi.

¹⁰Joiakim’ pa Jeshua hi-a, Eliashib’ pa Joiakim, Joiada’ pa Eliashib,

¹¹Jonathan’ pa Joiada le Jaddua’ pa Jonathan ahi hi.

¹²Joiakim hun lai-in siampi innkuan lutang hihte ahi hi: Seraiah innkuan ah, Meraiah; Jeremiah’ ah, Hananiah;

¹³Ezra’ ah, Meshullam; Amariah’ ah, Jehohanan;

¹⁴Malluch’ ah, Jonathan; Shecaniah’ ah c[30], Joseph;

¹⁵Harim’ ah, Adna; Meremoth’ d[31] ah, Helkai;

¹⁶Iddo’ ah, Zechariah; Ginnethon’ ah, Meshullam;

¹⁷Abijah’ ah, Zicri; Miniamin’ le Moadiah’ ah, Piltai;

¹⁸Bilgah’ ah, Shammua; Shemaiah’ ah, Jehonathan;

¹⁹Joiarib’ ah, Mattenai; Jedaiah’ ah, Uzzi;

²⁰Sallu’ ah, Kallai; Amok’ ah, Eber;

²¹Hilkiah’ ah, Hashabiah; Jedaiah’ ah, Nethanel;

²²Eliashib, Joiada, Johanan le Jaddua-te hun lai-a Levi innkuan lutangte, Persia mi Darius hun lai-a siampite ciamtehna sungah kihel hi.

²³Eliashib’ tapa Johanan hun dong Levi suante laka innkuan lutangte khangthu bu sungah kiciamteh hi.

²⁴Tuateh Levi-te makaite, Hashabiah, Sherebiah, Kadmiel’ tapa Jeshua le amaute huhte hi uh a, Pasian mipa David gualhsa bangin phatna le lungdamkohna a bawl uh ciangin amaute tawh kigalsai-in ding uh a, a dang khenkhat in a na dawng uh hi.

²⁵Mattaniah, Bakbukiah, Obadiah, Meshullam, Talmon le Akkub-te kongpi cingte hi uh a, kongpi-a vankholna inndei a cing uh hi.

²⁶Amaute in Jozadak’ tapa, Jeshua tapa, Joiakim hun sung le ukpipa Nehemiah le laithei siampi Ezra hun sungin na a sem uh hi.

²⁷Jerusalem kulh apna ah lungdamkohna late le tumtheih daltuah, harp-te le lyre-te tawh gualnuamtaka a ap dingin Levi-te amau tenna munmun ah kizongkhia-in Jerusalem ah kipuak hi.

²⁸Lasate in Jerusalem kim tengah khua nono sat uh ahi manin, Jerusalem kual kim teng - Netophath-te khuaneu pan,

²⁹Beth Gilgal pan, le Geba Azmaveth kimnai panin lasate a kipuak hi.

³⁰Thukham ngeina bangin siampite le Levi-te a kisiansuah khit uh ciangin mipite, kongpite le kulh a siansuah uh hi.

³¹Judah makaite kulh zang e[32] tungah ka pai tosak hi. Lungdam koh nadingin lapawl lian nih ka seh hi. Pawlkhat kulh zang f[33] a taklam ah pai-in Ek Kongpi lam a manawh uh hi.

³²Hoshaiah le Judah makaite alang in amaute zui uha,

³³Azariah, Ezra, Meshullam te in zong zui-in,

³⁴Judah, Benjamin, Shemaiah, Jeremiah,

³⁵pengkul tawi siampi pawlkhat tawh kithuahin, Asaph’ tapa Zaccur tapa, Micaiah tapa, Mattaniah tapa, Shemaiah tapa, Jonathan tapa, Zechariah zong,

³⁶le amah a huhte - Shemaiah, Azarel, Malalai, Gilalai, Maai, Nethanel, Judah le Hanani-te in - Pasian mipa David sehsa bangin tumtheih nate tawh a zui uh hi. Laitheipa Ezra in mihonpi a makaih hi.

³⁷Tuikhuk Kongpi panin kulh-a kahtohna David khuapi kahlei zui to uh a, David inn khengin nisuahna lama Tui Kongpi lam manawhin a pai uh hi.

³⁸A nihna lapawlte in a lehlam a manawh uh hi. Amaute mipi a kimkhat tawh kulh tung g[34] zui uh a - Meikhuk Tausang khengin Kulh Zai ah

³⁹Ephraim Kongpi, Jeshanah a[35] Kongpi, Ngasa Kongpi, Hananel’ Tausang le Zakhat Tausang khengin Tuu Kongpi dong a pai uh hi. Amaute galvilna Kongpi ah a khawl uh hi.

⁴⁰Tua ciangin lungdamko lapawl nihte Pasian inn sung amau mun dingah om uh a; tua mah bangin uliante a lang tawh

⁴¹siampite - Eliakim, Maaseiah, Miniamin, Micaiah, Elioenai, Zechariah le Hananiah-te pengkul tawi kawmin -

⁴²Maaseiah, Shemaiah, Eleazar, Uzzi, Jehohanan, Malkijah, Elam le Ezer tawh zong ka tonkhawm uh hi. Lapawlte in Jezrahiah makaihna zui-in la a sa uh hi.

⁴³Tua ni-in Pasian in amaute lungnopsak mahmah ahi manin a lian mahmah biakna pia-in nuam a sa mahmah uh hi. Numei naupangte zong a gualnuam uh hi. Jerusalem khua sunga gualnopna gamlapi panin kiza hi.

⁴⁴Tua huna khiat dinga kiseh gahmasa le sawma khat kholna inndeite a cing ding mi a kiseh hi. Siampite le Levi-te in na a sep uh ciangin Judah-te lungkim uh ahi manin siampite le Levi-te adingin Thukham in a kalh zah, khuapite kima lote panin vankholna inndei ah amaute in a puak uh hi.

⁴⁵David le a tapa Solomon thupiakna tawh kizui-in lasate le kongpi cingte in zong a hih ding bangun amaute Pasian nasepna le kisiansuahna nasepte a sem uh hi.

⁴⁶Ahang in, tanglai pek, David le Asaph hunin lasate ading, Pasian phatna le lungdamkohna lasate adingin a ukpa a na om khin hi.

⁴⁷Zerubbabel le Nehemiah hun lai-in Israel-te khempeuh in lasate le kongpi cingte adingin a nisim tanh uh a pia uh hi. Amaute in zong Levi-te adingin koihtuam uh a, Levi-te in Aaron suante adingin a koihtuam uh hi.