Read Zokam Nehemiah 6 Bible Online

Nehemiah 6 - Zokam bible

Nehemiah 6

¹Kulh ka cianna thu uh le a vang khat beek om nawn lo a - ahi hangin tua hun dong kongpi ah a kongkhakte kithuah nai lo cih thu Sanballat, Tobiah, Arab mi Geshem le ka galte khempeuh uh tung ah a kitut ciangin -

²Sanballat le Geshem in, "Hong pai inla Ono zanglei-a khuanote c[13] khatah kimu ni," ci-in thu hong khak uh hi. Ahi hangin kei hong suksiat nadingin a ngimna uh ahi hi;

³tua ciangin amaute kiangah, "Nasep lianpi khat ka sep saan laitak uh ahi hi, kong paisuk thei kei ding hi. No kiangah hong paisuk leng ka om loh kalin nasep na kikhawl ding hi lo hiam?" cih thu puasakin kamtai mi ka sawl hi.

⁴A thu kibangin liveitak hong khak uh a, hong khak simun a kibangin ka thuk hi.

⁵Tua ciangin a ngaveina-in Sanballat in a thu kibang tawh amah huhpa hong paisakin

⁶Seal kitum lo laikhak khat a khutin hong tawisak a: "Minamte laka kizasak - Geshem d[14] in thumaan hi a cih nang le Jew-te in lehdo sawm na hi manun kulh na ciang uh hi. Tua tham lo-in hong kizaksakna tawh kizui-in nang amau kumpipa a suak ta ding nahi a,

⁷‘Judah-te kumpi khat om hi!’ ci-in Jerusalem ah nangma thu tangko dingin siampite nangawn na koih khin hi. Tu-in hih zaksakna kumpipa tungah ka tun kik ding hi; tua ahi ciangin hong pai in, kikumkhawm ni," ci-in kigelh hi.

⁸Amah ka thukna-in: Na gen bangin bangmah a piang kei hi, na khuak pana na ngaihsutkhiat tawm hi lel hi," ka ci hi.

⁹Amaute in kote lausak hong sawm uh hi a, "A nasepna uh thazaw gawpin zosiang kei le uh," cih a ngaihsutna uh ahi hi. Ahi hangin, "Tu-in ka khutte hong khauhsak in," ci-in thu ka ngen hi.

¹⁰Nikhat Mehetabel’ tapa Delaiah tapa Shemaiah inn ah ka pai leh amah inn a na kikhakkhum hi. Amah in, "Pasian inn sung, biakinnpi sungah, kimu ni, tuateh biakinnpi kongkhakte khak ni, bang hang hiam cih leh khuamialin nang hong that ding mite hong kuan hi - zanin nang hong that kha ding uh hi," hong ci hi.

¹¹Ahi hangin, "Kei bang mi khat tai buang ding ahi hiam? Ahi kei leh kei bang mi khat a nuntakna hon dingin biakinnpi sungah pai buang ding ahi hiam? Ka pai kei ding hi!" ka ci hi.

¹²Pasian sawl hi loin Tobiah le Sanballat in a cial uh kei langa thugenkhol ahilam ka tel hi.

¹³Ama gen bangin gamta-in mawhna ka bawl theih nadingin kei hong lausak dinga kicial hi-a, tuaci-in gamta leng kei hong daisakin hong minsiasak ding uh hi.

¹⁴Ka Pasian aw, amau nasepnate hangin Tobiah le Sanballat thei in; kei hong lausak ding a hanciam kamsangnu Noadiah le kamsang dangte zong thei gige in.

¹⁵Tua ciangin Elul ni sawmnih le ninga ni-in kulh kizosiang-a, ni sawmnga le ninih sung kisem hi.

¹⁶Ka galte khempeuh un hih thu a zak uh ciang le a kima minamte khempeuh in a muh uh ciangin amau le amau a kimuang nawn kei uh hi; bang hang hiam cih leh hih nasep Pasian huhna-in kizo ahilam a phawk uh hi.

¹⁷Tua hun lai-in Judah uliante in Tobiah lai tampi khak uh a, Tobiah thukna tampi zong amau kiang a tung hi.

¹⁸Ahang in, Tobiah pen Arah’ tapa Shecaniah’ makpa hi-a, a tapa Jehohanan in Berekiah’ tapa Meshullam’ tanu khat tenpih ahi manin Judah mi tampi tawh a kiciam uh hi.

¹⁹Tua tham loin, ama nasep hoihte kei hong zasak uh a, kei gente ama kiangah a gen uh hi. Tuateh Tobiah in kei lauthawng nading lai tampi hong khak ahi hi.