Read Zokam Esther 7 Bible Online

Esther 7 - Zokam bible

Esther 7

¹Tua ciangin kumpipa le Haman in Esther tawh an umkhawm uh a,

²a ni nihna lenggahzu a dawnkhawm laitakun kumpipa in, "Kumpinu Esther aw, nong gennop bang ahi hiam? Hong kipia ding hi. Nong thum nop bang ahi hiam? Kumpi-gam phelkhat dong hong kipia ding hi," ci-in a dong leuleu hi.

³Tua ciangin Kumpinu Esther in, "Kumpipa aw, nong angvan zawha tua in na thupina a lungkimsak leh ka nuntakna hong hawisak in - kong ngetnop hih ahi hi. Ka mipihte hong thahsak kei in - kong thum nop hih ahi hi.

⁴Ahang in, kei le ka mipihte susia in ngawngtan ding le suk maimang dingin hong kizuak khinzo hi. Numei pasal mi sila dinga hong kizuak hileh bangmah ka gen kei ding hi, bang hang hiam cih leh tua bang lelin kumpipa lungzinsak tak ka sa kei hi," a[9] a ci hi.

⁵Kumpipa Xerxes in Kumpinu Esther kiangah, "Amah kua hiam? tua banga hih ngam mipa koi-ah om hiam?" ci-in a dong hi.

⁶Esther in, "Ka langpa le ka galpa, hih mi zumhuaipa Haman ahi hi," a ci hi. Tua ciangin kumpipa le kumpinu mai-ah Haman a linglawng gawp hi.

⁷Kumpipa hehsa in dingkhia-a a lenggahzu dawnlai nusia-in kumpi-inn huan sungah a paikhia hi. Ahi hangin kumpipa in a hih dingin a khensatsa Haman in sehkhol thei a, tua mun mah ah om lai-in Kumpinu Esther kiangah amah a suahtaksak nadingin a ngen hi.

⁸Kumpi-inn huan panin pawi bawlna innpi ah kumpipa a kileh phetin Esther kingapna lupna tungah Haman a tuk a mu hi. Kumpipa in, "Hih inn sungah ka omlai nangawnin hih mipa in amah luppih sawm hiam?" a ci gaih hi. Kumpipa a pau khit phetin amaute in Haman mai a tunsak uh hi.

⁹Tua ciangin kumpipa a cing cilgehpa Harbona in, "Haman inn gei-ah pi b[10] sawm sagih le nga a sang gui-awk khuampi khat a baihsa in om hi. Kumpipa huhna kam a pau Mordecai adinga a bawl ahi hi," a ci hi. Tua ciangin kumpipa in, "Tua tungah amah khai un!" a ci hi.

¹⁰Tua ciangin Mordecai khai nadinga kibawl gui-awk khuampi tungah amaute in Haman a khai uh hi. Tua ciangin kumpipa hehna a daituam hi.