Read Zokam Paikhiatna 15 Bible Online

Paikhiatna 15 - Zokam bible

Paikhiatna 15

¹Tua ciangin Moses le Israel-te in hih la TOPA a sak uh hi: "Amah sangpi in kitawisang ahi manin, TOPA la kasak ding hi. Amah in sakol le a tunga tuangpa tuipi sung a denna hi.

²TOPA, ka thahatna le ka la ahi hi; amah ka honkhiatna suak zo hi. Amah ka Pasian hi a, ka phat ding hi. Ka Pa’ Pasian amah ka tawisang ding hi.

³TOPA galhat hi. Ama min TOPA hi.

⁴Amah in Pharaoh’ sakolleng le a galkap honpi tuipi sung a denna hi. Pharaoh’ ulian hoih pente San Tuipi c[27] sungah kia lum uh hi.

⁵Tui thukpi in amau tuama, a thukna ah suang bangin tumsuk uh hi.

⁶TOPA aw, na khut taklam, vangliatna tawh thupi hi. TOPA aw, na khut taklam in galte satpuk khin hi.

⁷Na thupina liatna sungah nang hong langbawlte na lawnthal hi. Na hehna kuang na khaha; amaute buhtu bangin kangtum hi.

⁸Na nakvang pan na huu-in tui kiciang to hi. Tui luanglai kawm bangin dingkip hi; tuithukte tuipi laizangah khik ngiungeu hi.

⁹"Galte kisathei uh a, ‘Ken delh ning amaute ka pha ding hi. Galvan lakte ka hawm dinga, tuate ka deih zahzah ka tang ding hi. Ka namsau ka dok dinga, ka khut in amaute a susia ding hi,’ ci uh hi.

¹⁰Ahi hangin na huu-in na muta, amaute tuipi in tuum hi. Amaute haknaw bangin, tuihat sungah tum uh hi.

¹¹Nang bang, pasiante lakah kua om hiam? TOPA aw. Nang bang kua a hiam - sianthona - a tungtuang, minthanna - a lauhuai, nalamdangte a bawl?

¹²Na khut taklam na zankhia-a, lei in amaute valh tah.

¹³"A tul ngei lo na itna-in na tatsa mite na pi ding hi. Na thahatna-in amaute na tenna mun siangtho ah na tunpih hi.

¹⁴Minamte in za-in ling ding uh a, Philistia-te, lungtawlna in gakcip ding hi.

¹⁵Edom ukpite laugawpin, Moab makaite pumlin ding uh a Canaan-te d[28] a tuisuak ding hi;

¹⁶amaute tungah a mulkimhuai le launa tung dinghi. Na ban vangliatna tawh suangtum bangin dai dide ding uh - TOPA aw, na mite a paisuak mateng na leisa na mite a paisuak e[29] mateng in.

¹⁷TOPA aw, nangma luahna mualtung, TOPA aw, na ten nadinga na bawlsa tua mun, Topa aw, na khuta na lamsa tua mun siang ah amaute lutpihin na suan ding hi.

¹⁸TOPA in a tawntungin uk den ding hi," a ci uh hi.

¹⁹Pharaoh’ sakolte, sakollengte le sakol-tuangte f[30] tuipi sungah a pai uh ciangin TOPA in amaute tungah tuipi tui luangsak kika, ahi hangin Israel-te in leikeu tawnin tuipi a kantan uh hi.

²⁰Tua ciangin Aaron sanggamnu kamsang numei Miriam in khuangta khat la-a, numei khempeuh in tuanu zui-in khuangta tawh a lam uh hi.

²¹Miriam in amaute tungah, "TOPA la sak un, amah sangpi-in kitawisang hi. Sakol le a tungtuangpa tuipi sung denna zo hi," ci-in la sak uh hi.

²²Tua ciangin Moses in San Tuipi panin Israel paipih a, amaute Shur Sehnel-gam sungah a lut uh hi. Tui mu loin gam sungah ni thum sung a zin uh hi.

²³Marah a tun uh ciangin, tui kha ahi manin tui a dawn thei kei uh hi. (Tua hangin tua mun Marah a[31] kici hi).

²⁴Tua ciangin mite in Moses phunsan uh a,

²⁵"Bang dawn ding ka hi uh hiam?" a ci uh hi. Tua ciangin Moses in TOPA ko a, TOPA in amah singthem khat a lak hi. Amah in tui sungah tua lawna, tua tui, tui lim a suak hi. Tua lai-ah TOPA in amaute ading thukip khat le thukham khat bawlsak-a, tua lai-ah amaute a zia-et hi.

²⁶Amah in, "Note in na Pasian uh TOPA aw limtakin ngai a, ama muhna ah thumaanin na na sep uh leh, a thupiakte thupi sima, a thukipte khempeuh na zuih uh leh keimah in note hong damsak TOPA ka hi manin Egypt-te tunga ka tunsak cinatnate no tungah kong tungsak kei ding hi," a ci hi.

²⁷Tua ciangin Elim ah a pai kik uh hi; tua lai-ah tuinak sawm le nih le nisuh kung sawm sagih om-a, tua tui kiangah giahphual a sat uh hi.