Read Zokam Paikhiatna 19 Bible Online

Paikhiatna 19 - Zokam bible

Paikhiatna 19

¹Israel-te in Egypt a nusiat zawh a kha thumna kha - a cin ni lianin - amaute Sinai Sehnel-gam a tung uh hi.

²Rephidim pan a dinkhiat nungun Sinai Sehnel-gamah lut uh a, Israel in tua mual mai gam sungah giahphual a sat hi.

³Tua ciangin Pasian kiangah Moses paito-a, mual panin TOPA in amah samin, "Hih in Jacob inkuante tung le Israel mipite tunga na gen ding ahi hi:

⁴‘Nang mahmah in, Egypt tunga ka hihsa le muvanlai kha tungah hong pua in ka kiang kong tut na mu khin hi.

⁵Tu-in ka thu khempeuh nong man kima, ka thukhun na zuih leh, tua ciangin minamte khempeuh lak pan ka gou neih na hi ding uh hi. Leitung buppi kei aa ahi ta zongin

⁶note a[41] kei adingin siampi gam khat le minam siangtho khat na hi ding uh hi,’ hih thute Israel-te tungah na gen ding hi," a ci hi.

⁷Tua ciangin Moses ciah kika, mipite’ upate samin TOPA in a gen dinga a thupiak thute khempeuh mipite mai-ah a luikhia hi.

⁸Mipite khempeuh in a kituakin, "TOPA gensa peuhmah ka sem ding uh hi," ci-in a dawng uh hi. Tua ciangin Moses in amaute dawnna TOPA tungah a puak kik hi.

⁹TOPA in Moses tungah, "Mipite in nang tawh i kiho a zak nading le amaute in nang hong muan tawntung nadingun nang kiang meii sungah kong pai ding hi," a ci hi. Tua ciangin Moses in mipite gensa thu TOPA tungah a gen hi.

¹⁰Tua ciangin TOPA in Moses tungah, "Mipite kiangah pai inla, tuni le zingciang kisiansuah uh hen. A puante uh sawpsak inla,

¹¹a ni thumna ni-a dingin kigingsak in, bang hang hiam cih leh tua ni-in Sinai Vum tungah mipi khempeuh muhin TOPA hong kumsuk ding hi.

¹²Mipite adingin mual kimkot ciangtanin ciamteh inla amaute kiangah, ‘Mual tungah kah loin mualbul zong na lawnkhak ding uh kidawm un. Mual a lawng peuhmah kithat taktak ding hi.

¹³Amah suang tawh a kiden kei leh thaltangin kikap taktak ding hi; ama tungah khut khat beek a kinga kei ding hi. Mihing ahi a ganhing ahi zongin a nuntak ding kiphal lo ding hi,’ ci-in gen in. Tuutal ki sawtpi a kimut zaza ciang bekin amaute mualah paito thei pan ding uh hi," a ci hi.

¹⁴Mualtung pan mipite kiangah Moses a paisuk khit ciangin amaute siangsaka, amaute in a puan uh a sawp uh hi.

¹⁵Tua ciangin amah in mipite kiangah, "A ni thumna ni-a dingin kithawikhol un. Numei pasal lupkhawm kideek un," a ci hi.

¹⁶A ni thumna ni zingsang ciangin mualtungah meiipi sahpi tawh vanpi gingin khua phia-a, pengkul ngaih mahmah a kimut hi. Giahphual-a om khempeuh a ling uh hi.

¹⁷Tua ciangin Moses in Pasian tawh kituak dingin giahphual panin mipite kuankhiatpih a, amaute mual bulah a ding uh hi.

¹⁸Sinai Vum tungah TOPA mei-in hong kumsuk ahi manin mualtung khempeuh meikhu in a tuam hi. Pum meikhuk-a meikhu bangin tua pan mei khukhia lualua in, tua mual b[42] pumpi nakpi-in linga,

¹⁹pengkul ging a ngaihzaw semsem hi. Tua ciangin Moses in thu gen a Pasian aw in amah c[43] a dawng hi.

²⁰Sinai Vum dawnah TOPA kumsuk a, mual dawnah Moses a sam hi. Tua ciangin Moses paito a,

²¹TOPA in ama kiangah, "Mipite in TOPA en dingin phuvang teitei a, tampi a kisiat loh nadingun paisuk inla amaute vauhilh-in

²²TOPA kiang zuan siampite nangawn amau le amau a kisianthosak pelmawh kei uh leh amaute tungah TOPA heh ding hi," a ci hi.

²³Moses in TOPA kiangah, "Mual kimkotah ciangtanin a siangtho-in ciamteh tuam in, ci-in nang mahmah in hong vauhilh zo na hi manin mipite Sinai mualtungah hong kahto thei kei ding uh hi," a ci hi.

²⁴TOPA in, "Paisuk inla Aaron hong tonpih to in. Ahi hangin siampite le mipite, TOPA kianga pai dingin lampi phuvang teitei kei uh hen, a tua cih uh leh amaute tungah amah heh ding hi," ci-in a dawng kik hi.

²⁵Tua ciangin mipite kiangah Moses paisuk a amaute kiangah a gen hi.