Read Zokam Paikhiatna 22 Bible Online

Paikhiatna 22 - Zokam bible

Paikhiatna 22

¹"Mi khatin bawngtal khat ahikeh tuu khat gu a, go ahikeh a zuak leh bawngtal khat tangin bawng nga le tuu tangin tuu li-in a loh ding hi.

²"Guta khat a innluh laitak kimu a, a sih nading zahin a kisat leh tua sisan luanna hangin a satpa a mawh kei hi;

³ahi hangin hih thupiang f[52] nisuah khit ahileh sisan luanna hangin amah a khial ahi hi. "Guta khat in a guksa na a din kik pelmawh ding hi; ahi hangin amah in bangmah a neih kei leh a guksate a dit nadingin amah a kizuak pelmawh ding hi.

⁴"A kigusa ganhing - bawngtal ahikeh laa ahikeh tuu - a khut sungah a hingin a kimuh leh - amah in a zah nihin loh pelmawh ding hi.

⁵"Mi khatin ama gante a lo sung ahikeh a lenggui huanah khahin tasak henla, vakzausakin midang khat lo-ah a va tat leh amah in ama lo ahikeh a lenggui huan-a a hoih pen tawh a dinkik pelmawh ding hi.

⁶"Mei kangin gamsung lawha, antang kholna ahikeh a locing pumpi-in a kat leh a mei kangsak cilpa in a din kik pelmawh ding hi.

⁷"Mi khat in a vengpa tungah ngun ahikeh van kemsaka, a vengpa inn panin tuate a kiguk-a, tua gutapa a kimat leh a zah nihin dinkik pelmawh ding hi.

⁸Ahi hangin a gutapa a kimuh kei leh midangte in van a sawkkha hiam, cih kan nadingin a inn neipa in thukhente g[53] mai-ah tun pelmawh ding hi.

⁹Ama neihsa lohpi in - bawngtal khat, tuu khat, laa khat, puansilh khat ahikeh a kimansuah van dang khat, mi khatin, ‘Hih kei aa hi,’ a cih leh tua pawl nihte gel thu thukhente mai-ah kipuak khawm ding hi; thukhente mawhsak a[54] pen in a vengpa tungah a zah nihin loh ding hi.

¹⁰"Mi khat in a vengpa laa khat, bawngtal khat, tuu khat ahikeh gan khat peuhpeuh a kepsaka, a si ahikeh a liam ahikeh kuama om loh kalin a kikaihmangsak leh,

¹¹amau gel kikal thu a vengpa in a midang pa neihsa tungah ka khut ka ngak tak leh ci a TOPA mai-a kiciamna tawh kisiangsak ding hi. A van neipa in hih pen sang dinga, ditkik a kul kei ding hi.

¹²Ahi hangin a vengpa tung panin a gante a kigu ahih kei leh a neipa tungah a loh ding hi.

¹³Tua gan gamsate nek ahileh a kitel nadingin a nekbaang tawi dinga, tua a kibalzan ganhing tangin ama piak ding kul lo hi.

¹⁴"Mi khatin a vengpa tungah gan khat kawma, a neipa om loh kalin liam ahikeh a sih leh a ditkikna a piak pelmawh kul hi.

¹⁵Ahi hangin gan neipa a om ahileh a kawmpa in loh kul lo hi. A ganhing a kisap ahileh a sap mana a piak sumin a beizah loh khin hi.

¹⁶"Pasal khatin pi dinga zuthawl a kipia nai lo nungak khat zol-a, a luppih leh amah in a moman pia in tuanu a zi hi ding hi.

¹⁷A pa in tuanu ama adingin a phal peuhmah kei leh amah in a nungak bit moman a pia lai veve ding hi.

¹⁸"Dawi-aitawi numei na hingkhawi kei ding uh hi.

¹⁹"Ganhing a luppih mi peuhmah kithat pelmawh ding hi.

²⁰"TOPA tung lo pasian dang khatpeuh tungah kithoihna a piate kisusia b[55] pelmawh ding hi.

²¹"Pemtate khelbawlin nengniam kei un; note zong Egypt ah pemta na hi ngei uh hi.

²²"Meigong numei le tagahte metdawhna-in zang kei un.

²³Na zat uh a kei kiangah hong koh uh leh amau hong kohna ka za taktak ding hi.

²⁴Kei ka heh dinga, namsau-in kong that ding hi; na zite uh meigong dinga, na tate uh pa nei lo a suak ding hi.

²⁵"Note lakah ka mite sum kitasam khat sum na leitawisak uh leh sumsinte bangin la kei un; a met c[56] na la kei ding uh hi.

²⁶Na vengpa puantualpi kiciamna-a na lak leh a nitum ma-in pia kik in,

²⁷bang hang hiam cih leh a silh dinga a neihsun ahi hi. Bang silh-a ihmu ding ahi hiam? Kei tunga hong koh ciangin keimah, mi a khuatuah ka hi manin ka za ding hi.

²⁸"Pasian d[57] gendai loin na mite uh a ukte hamsiat kei un.

²⁹"Na ansal uh le na lenggah umpite e[58] pan biakna-a na piak dingte dok kik kei uh. "Na tapa upa pen nong pia pelmawh ding hi.

³⁰Na bawngte le na tuute zong tua mah bangin hih un. A pite uh tawh ni sagih sung kithuahsak phot inla a ni giat ni-in kei hong pia un.

³¹"Note ka misiangtho na hi ding uh hi. Tua ahi ciangin gamsate nekbaang ganhing sa ne kei un; uite na pia un.