Read Zokam Paikhiatna 25 Bible Online

Paikhiatna 25 - Zokam bible

Paikhiatna 25

¹TOPA in Moses tungah,

²"Israel-te in kei ading biakna hong tawi dingun gen in. Lungsim takpi-a a pia nuamte’ biaknate kei tangin na sang ding hi.

³Amaute tung pana na san ding biaknate in: Kham, ngun le sumsan;

⁴adum, adupsan, a ausan khaute le hoihtak-a kikhuk-a kigan puante; keel mul;

⁵a san-a kinim tuutal vunte le tuipi bawngpi f[64] vunte; singkha sing;

⁶mei-a vak ding olive thau; nilh sathau ding le gimnamtui dingin singnamtuite;

⁷siampi puan le awmtuam-a suan dingin onyx suangte le suang manpha dangte ahi hi.

⁸"Tua ciangin kei ading mun siangtho khat amaute bawlsak in; tua ciangin amaute lakah ka teng ding hi.

⁹Nang kong lah ding lim bang tektekin hih biakbuk le a vanzatte khempeuh bawl in.

¹⁰"Amaute singkha singkuang - tong nih le alang sau, tong khat le a alang zai, tong khat le alang sang a[65] khat bawlsak in.

¹¹A sung a pua a tung khempeuh, kham citaktui tawh na luan dinga, a kimkotah kham tawh geihual na bawl ding hi.

¹²Kham kual li sung inla, a khe lite pang khatah kual nih apang lang khat ah kual nih mah hen in.

¹³Tua ciang singkha zawl sui-in a pumtangin khamtui luan in.

¹⁴A puak nadingin singkuangpi pang tuaka a kualte sungah khum in.

¹⁵Zawlte, singkuangpi-a a bilte sungah a om den ding hi; tuate a kilakhia kei ding hi.

¹⁶Tua ciangin singkuangpi sungah nang kong piak ding Tecipanna koih in.

¹⁷"Kham citak tawh thoihdamna sin b[66] khat bawlin - a sauna tong nih le alang, a zaina c[67] tong khat le alang hisak in.

¹⁸A sin mongte ah sek-a kiseek kham cherub nih bawl in.

¹⁹Among khatah cherub khat bawl inla, a lang khatah a nihna bawl in; a mong tuakah cherub-te sakhatin bawl in.

²⁰Cherub-te in a khate a tunglamah zakto dinga, tuate tawh a sin a limsun ding hi. Cherub-te khat le khat kimaingat ding uh a, a sin lam nga ding uh hi.

²¹Singkuangpi tungah asin koih inla singkuangpi sungah kong piak ding Tecipanna koih in.

²²Singkuangpi sin tunga cherub nihte kikala Tecipanna tungsanah nang tawh i kituak dinga, Israel-te adinga ka thupiakte khempeuh nang kong pia ding hi.

²³"Singkha singin sabuai - tong nih asau tong khat azai tong khat le alang asang d[68] khat bawl in.

²⁴Kham citak tawh luan inla, a gei kimkotah kham geihual bawl in.

²⁵A gei kimkotah zapek e[69] cia a pha a geidal khat zong bawl inla zawl pek tungah kham geihual bawl in.

²⁶Sabuai ading kham kual li bawl inla a khete omna a kiu lite ah tuate hen in.

²⁷Sabuai puak nading zawlte a len dingin a zawlpek tawh kimatin a kualte om ding hi.

²⁸A zawl dingin singkha sui inla, kham-in tuate luan in, tuate-in sabuai kipua ding hi.

²⁹A kuangdaite le a kuang-ukte kham citak tawh bawlin, biakna sunkhiat nadingin beltung le kuangkumte zong tua mah bangin bawl in.

³⁰Ka mai-ah a tawntunga om dingin hih sabuai tungah ompihna anlum koih in.

³¹Kham citak meivak tunna khat bawl inla, a bul le a kung sekin seek in; pak tawh kibang hai hi dinga, a ngumte le a pakte sakhata kizomkhawm hi ding hi.

³²Meivak tunna panin a ka guk - a pang khatah thum, a pang langkhatah thum mah mengkhia ding hi.

³³Ahiang khatah almond pak lim tawh kibang hai thum - a ngum le a pak kithuah om dinga, a zoma hiangah thum mah, a hiang gukte khempeuh tungah meivak tunna panin kakhia ding hi.

³⁴Tua hi a meivak tunna tungah almond pak lim kibawl hai li, a ngumte le a pakte kithuah a om ding hi.

³⁵Meivak tunna pan a kopa a katkhiatna a masa pen nuai-ah a ngum khat omin, a kop nihna nuai-ah a ngum a nihna, a kop thumna nuai-ah a ngum thumna om dinga, a vekin a hiang guk pha ding hi.

³⁶A ngumte le a hiangte, meivak tunna tawh kham citak kisek khawm sakhat hi ding hi.

³⁷"Tua ciangin meivak sagih bawl inla, tuate in a mai-a munte a taan dingin a tungah tung in.

³⁸Taiteh le a kuangte kham citak hi ding hi.

³⁹Meivak tunna le hih a tunga vatzatte khempeuh kham citak talent f[70] khat kizanga kibawl hi ding hi.

⁴⁰Mual tunga hong kilak lim bangbanga tuate na bawl ding thei in.