Read Zokam Paikhiatna 37 Bible Online

Paikhiatna 37 - Zokam bible

Paikhiatna 37

¹Bezalel in singkha singkuangpi-tong nih le alang sau, tong khat le alang zai, tong khat le alang sang e[107] khat a bawl hi.

²Amah in a sung a pua kham citak tui luana, a kimkotah kham geihual a bawl hi.

³Tua-a zat dingin kham kual li sunga, a khe lite lang khatah kual nih, a lang khatah kual nih mah a bulh hi.

⁴Tua ciangin amah in singkha zawl sui-a, tuate khamtui a luan hi.

⁵Amah in tua puak nadingin a panga kualte sungah zawlte a khum hi.

⁶Amah in tong nih le alang sau, tong khat le alang zai f[108] kham citak tawh kibawl thoihdamna sin a bawl hi.

⁷Tua ciangin amah in a sin mong tuakah kham kiseek cherubim nih a bawl hi.

⁸Amah in a mong khatah cherub khat bawlin a mong dang khatah a nihna a bawl hi; amah in a mongte gel a sin tawh sakhatin a bawl hi.

⁹Tua cherubim-te in a khate uh a tung lamah zaakto uh a, a sin a limsun uh hi. Cherubim-te kimaingat uh a, a sin lam a en uh hi.

¹⁰Amaute g[109] in singkha-sing tawh - tong nih sau, tong khat zai, tong khat le alang a sang h[110] sabuai a bawl uh hi.

¹¹Tua ciangin amaute in kham citak tawh tuate luan uh a, a kimkotah kham geihual a bawl uh hi.

¹²Amaute in a kimkotah zapek i[111] cia a zai a geidal khat zong bawlin a geidal tungah kham geihual a neisak uh hi.

¹³Amaute in sabuai ading kham kual li sung uh a, a khe omna mun a kiu lite ah a bulh uh hi.

¹⁴A kualte, sabuai puakna-a kizang zawlte a len dingin a geidal neh in kikoih hi.

¹⁵Sabuai puak nading zawlte singkha sing kisui hi a, khamtui-in a kiluan hi.

¹⁶Tua hi-a, amaute in sabuai-a zat ding nate - a kuangdai-te, a kuang-ukte le dawntheih-a biakna sun nading kuangkumte le a beltungte kham citak tawh a bawl uh hi.

¹⁷Amaute in kham citak tawh meivak tunna bawl uh a, a bul le a kungte a seek uh hi; pak tawh kibang haite a ngumte le a pakpalhte a kung tawh sakhat ahi hi.

¹⁸Meivak tunna panin ka guk - pang khatah thum, a pang lang khatah thum kakhia hi.

¹⁹Hiang khatah almond pakte tawh a kibang hai thumte, a ngumte le a pakte oma, a zomah thum mah omin meivak tunna panin a hiang gukte khempeuh a kibangin a kakhia hi.

²⁰Tua hi a, meivak tunna tungah almond pakte tawh a kibang hai li le a ngum le a pakte a om hi.

²¹Meivak tunna pana a kopa a kat masakna nuai-ah a ngum khat oma, a kop nihna katna nuai-ah a ngum a nihna mah omin, a kop thumna a katna nuai-ah a ngum a thumna oma - a vekin a hiang guk ahi hi.

²²A hiangte le a ngumte, meivak tunna tawh a vekin sakhat hi a, kham citak kiseek ahi hi.

²³Amaute in meivak sagihte a eksiakna le a kuangdai tawh kham citakin a bawl uh hi.

²⁴Amaute in meivak tunna le a vanzatte khempeuh kham citak talent a[112] khatin a bawl uh hi.

²⁵Amaute in singkha sing zangin gimnamtui-a biakna-tau a bawl uh hi. Tua pen tong khat sau, tong khat za-in a ningkim hi a, tong nih sang b[113] in - a kite tawh sakhata kibawl ahi hi.

²⁶Amaute in a tung teng le a pang khempeuh le a kite kham citakin luan uh a, a kimkotah kham geihual a bawl uh hi.

²⁷Amaute in a geihual nuai ah kham kual nih - a kigalsai-in nih tuak - a puak nading a zawlte len dingin a bawl uh hi.

²⁸Amaute in singkha zawl sui uh a, tuate khamtui a luan uh hi.

²⁹Amaute in nilh sathau siangtho le pak namtui bawlte bawl - gimnamtui citak zong a bawl uh hi.