Read Zokam Job 12 Bible Online

Job 12 - Zokam bible

Job 12

¹Tua ciangin Job in dawng a:

²"No mihingte le pilna a sihkhawm ding lunghei neih huai lo hi.

³Ahi zongin note aa zah lungsim ka nei hi; note sangin ka niamzaw tuan kei hi. Hihte khempeuh kuan thei lo ding sa na hi uh hiam?

⁴Ka lawmte in kei hong nuihsan zongin, Pasian ka ko a, ama’n hong dawng hi; thumaan le paubaang lo hi napi kimawk nuihsat lailai!

⁵Lunghimawhna a nei lo mite in a khe tala tukte tuah bangin tuahsiatna a nuihsan uh hi.

⁶Guta buluhte buk kinawngkaisak lo a, Pasian a hehsakte’ buk kibitsak hi- amaute in a pasiante uh a khutun a[22] tawi uh hi.

⁷"Ahi hangin gamsate dong un, amaute in hong hilh ding uh hi; ahikeh huihlak vasate dong un, amaute in hong gen ding uh hi.

⁸ahikeh leitung hopih un, tua in hong hilh ding hi; ahikeh tuipi sunga ngasate kigensak un.

⁹Hihte khempeuh in, TOPA khut in hihte a sepsa ahilam a thei lo om ding ahi hiam?

¹⁰A nungta ganhing peuhmah nuntakna le mihing khempeuh naksuk naktohna ama khut sungah om hi.

¹¹Leii in an a ciap bangin bil in thu sittel hi lo ahi hiam?

¹²Khanghamte lakah pilna kimu hi lo ahi hiam? Sawtpi nuntakna in hong theitelsak hi lo ahi hiam?

¹³"Pilna le vangliatna Pasian aa ahi hi; thukuppihna le theihtelna ama aa ahi hi.

¹⁴Ama phelkeksate kilam kik thei nawn lo a, thonga a khiatsa mipa kikhahkhia thei lo hi.

¹⁵Tui a khaktan ciangin guah haanga, tuate a khah ciangin leitung a tuamcip hi.

¹⁶Thahatna le gualzawhna ama aa hi a, a kikhemte le a khempa ama aa hikhawm hi.

¹⁷Thudotte hawkkhia-in pimanga, thukhente a haisak hi.

¹⁸Amah in kumpite khihna kolkhau phelkhia a, amau kawngah dialkaih b[23] a tengsak hi.

¹⁹Amah in siampite hawkkhia in pimanga, a tengtulte a lawnthal hi.

²⁰Amah in thu kidong mi muanhuaite sipsak dide a, upate thupilna a lakmangsak hi.

²¹Amah in mi nampite mindaisak a, a thahatte guallelsak hi.

²²Amah in khuamialna sunga thuthukte mukhia a, niliap thukpi khuavak suaksak hi.

²³Amah in minamte liansak a, amaute a susia hi; minamte khangsaka amaute a thehthang hi.

²⁴Leitung makaite ngaihsut theihna lakkhiatsak a, lampi omlohna gamlak ah vakvaisak hi.

²⁵Mei lo in khuamial zawt uh a, zukham bangin a hoisak dawidawi hi.