Read Zokam Job 14 Bible Online

Job 14 - Zokam bible

Job 14

¹Numei sunga suak mihing ni tawmno sung nungta-in lungkhamna tawh kidim hi.

²Amah pak bangin palh a, a vulmang hi; niliim pai tawh kibanga, a kip kei hi.

³A tuaci mi b[25] khat mitkhah loin en na hiam? Na mai-ah thu kikhen dingin amah tun ding na hiam?

⁴A siang lo panin a siangah kua in tun thei ahi hiam? Kuamah in tun thei kei!

⁵Mihing nite kiseh khin hi; a kha phazah na ciangtan-a, ama khansak theih loh dingin na ciangtan khin hi.

⁶Tua ahi ciangin a kicial mi bangin ama hun a tun mateng kimuhmawhbawl inla amah guak omsak lel in.

⁷"Singkung khat in lametna nei buang hi. Kiphuktan taleh meng kikin sel pelmawh dinga, a mengthakte a si kei ding hi.

⁸A bulte lei sungah teek dinga, lei hoih lakah a bulsum a si ding hi;

⁹tua hi napi tui gimnamin sel a, singkungno bangin sel to hi.

¹⁰Mihing ahileh si-a, lei sungah kivui hi; a huu a nunung pen sanga a om nawn kei hi.

¹¹Tuipi pan tuite a manthan bang ahikeh guntui kiamkiama tuinuai a keu bangin,

¹²mite a kisial khit nak leh a tho kik nawn kei hi; vante a om nawn loh mateng mite khanglo nawn lo ding ahikeh a ihmutna pan a kithosak kei ding hi.

¹³"Han c[26] sungah kei hong sel tapeuh inla, na hehna a dam mateng kei hong selcip hoh ve! Kei adingin hun khat hong sehsak inla, kei hong phawk tapeuh in!

¹⁴Mi khat si leh a nungta kik ding hiam? Haksapi-a ka nasepna pan hong kithaksuaksak d[27] ding hun ka ngak ding hi.

¹⁵Nong sam dinga, kong dawng ding hi; na khuta na bawlsa a nungtate na ngaih hun om ding hi.

¹⁶Tua ciangin ka khekhap na sim takpi dinga, ahi hangin ka mawhna nong sulzuih nawn kei ding hi.

¹⁷Ka thupalsatnate ip khat sungah seal kikhencip ding hi; ka mawhna nong khuhsak ding hi.

¹⁸"Ahi hangin damdama cim mual a manthan bang le suangtum a omna pan a kikhin bang,

¹⁹tui in suangtum a nekmang bang le tuizeu in leihoih a nawkmang bangin mihing lametna na susia hi.

²⁰Khatvei-a cinkhin dingin amah na zo a, tuateh amah om nawn lo hi; ama maipuak na khela na sawlmang hi.

²¹A tapate kipahtawi taleh amah’n a thei kei hi; amaute kiniam koih taleh amah’n a mu kei hi.

²²Ama pumpi natna bek thuak a, amah guak mah a thum hi," a ci hi.