Read Zokam Job 19 Bible Online

Job 19 - Zokam bible

Job 19

¹Tua ciangin Job in dawng a:

²"Bang tanvei hong bawlsia in kammal tawh hong gawizan ding na hi uh hiam?

³Kei sawmvei nong simmawh ta uh hi; maizum het loin kei nong do uh hi.

⁴A lamkhial takpi ka hileh zong, ka khialhna kei guak tungah tusak mai un.

⁵Kei tungah no le no na kitawisang uh leh ka thuaknate kei langah pangsak mai un;

⁶tua ciangin Pasian in kei hong mawhsak a ka kimkotah thang hong siah ahilam thei un.

⁷"‘Mawh khin ta’ng ei! ci-in ka kiko zongin, kuama dawnna ka za kei hi; hong huh ding mi ka sap hangin thutanga khen a om kei hi.

⁸Ka paisuak theih loh nadingin ka lampi khaktan khin hi; amah in ka lampi khuamialin a tuamcip hi.

⁹Hong kipahtawina hong hawkkhiatsak a ka lu panin ka kumpi lukhu a lakhia hi.

¹⁰Ka manthan dong a munmun panin hong balkhia a; ka lametna singkung bangin a bulkalh hi.

¹¹Amah kei tungah heh lua mahmah a, ama galin hong sim hi.

¹²Kei sim dingin a galkapte hong kuan hi; amaute in kei langah kulhkenbawlin hong umcih uh a ka puanbuk kimkot ah giahphual a sat uh hi.

¹³"Amah in ka sanggamte kei kiang panin pemkhiasaka, ka meltheih khempeuh kei aa in midangpi suakkhin kiuhkeuh hi.

¹⁴Ka tanaute paimang khin uh hi; ka lawmte in hong mangngilh khin uh hi.

¹⁵Ka lenglate le ka nasem numeite in mikhual-in hong ngaihsun uh a, pemta bangin hong bawl uh hi.

¹⁶Ka nasempa samin keima kamin thum taleng hong dawng lo hi.

¹⁷Ka zi in ka husan namsia sa-in, ka sanggamte tektek adingin ka kihhuai hi.

¹⁸Naupangnote nangawn in hong simmawh uh a, hong muh khak uh ciangin hong zahnuihsan uh hi.

¹⁹Ka kinaipih ka lawmte khempeuh in hong kih uh a, ka it teng ka langah pang khin uh hi.

²⁰Kei bangmah hi loin guh le vun bek ka hi hi; ka hani a[33] bek tawh ka suakta lai hi.

²¹"Kei hong hehpih un lawmte aw, hong hehpih un; Pasian khut kei tungah kinga zo hi.

²²Pasian hong hih bangin bang dia hong delh na hi uh hiam? Ka sa khamzo nai lo na hi uh hiam?

²³"O, ka thugente kiciamteh henla, tuate laizial tungah kigelh leh

²⁴tuate haknaw pek tungah b[34] sikzumin kikhuakin ahikeh a omden dingin suang tungah kigelh zen leh!

²⁵Kei hong Tanpa c[35] a nuntak lam ka thei a, ni tawpni ciangin leitung d[36] ah a din ding zong ka thei hi.

²⁶"Ka vun khempeuh a kisiat khit e[37] ciang nangawnin f[38] ka satakin Pasian ka mu ding hi;

²⁷Kuamah dang ahi lo - kei mahmah in ka mitin amah ka mu ding hi. Ka sunga ka lungsimin nak ngaklah lua si’ng!

²⁸"‘Ama sungah lunghimawhna zung a om nungsang bang i ci mawhmat zo ding hiam?’ na cih uh leh g[39]

²⁹thangpaihna in namsau-a danpiakna hong tun ding ahi manin no mahmah in namsau kihta un, tua ciangin thukhenna h[40] a om lam na thei pan ding uh hi," a ci hi.