Read Zokam Job 23 Bible Online

Job 23 - Zokam bible

Job 23

¹Tua ciangin Job in dawng a:

²"Tuni nangawnin ka phunna a kha veva hi; tautau taleng a khut a[49] gik veve b[50] hi.

³Amah ka muh nading thei tapeuh leng; ama omna ah pai thei hoh leng!

⁴A mai-ah ka thu ka tun dinga, ka kam dimdimin ka gen ding hi.

⁵Ama gen ding thu ngaihsunin hong dawn nading ka theikhia ding hi.

⁶Amah in a vanglianpi tawh kei hong langdo tam? Hi kei, kei hong langbawlin thu hong bawl lo ding hi.

⁷Tua lai-ah mi thuman khat in a thu a tun thei ding hi; tuateh ka thukhenpa kiang panin hong kihukhia den ding hi.

⁸"Ahi zongin nisuahna-lam pai taleng tua lai-ah amah na om lo hi; nitumna-lam pai taleng lah amah ka mu tuan kei hi.

⁹Leilu lamah na a sep lai-in amah ka mu kei hi. leitaw lamah a kihei ciangin amel amang ka thei tuan kei hi.

¹⁰Ahi hangin amah in ka kalsuannna thei a; kei hong zia-et khit ciangin kham ka bang ding hi.

¹¹Ama khekhap ka zui cinten a, pialkhia loin a lampi ka tawn hi.

¹²A kama hong thupiakte ka zuikhial kei a; ka nisim an sangin a kam pana kammalte ka kemcingzaw hi.

¹³"Ahi hangin amah bek ding hi, kua in nial zo ding hiam? Amah in a lungkim peuhpeuh sem hi.

¹⁴Amah in kei langah thukip tungsak a, tua bang ngimna tampi a khol lai hi.

¹⁵Tuate hangin ama mai-ah ka lau hi; hihte khempeuh ka ngaihsut ciangin amah ka kihta hi.

¹⁶Pasian in ka lungsim zawmsak a; Thahatpenpa in kei hong lauthawngsak hi.

¹⁷Ahi zongin khuamialna, ka maitang a tuam a sah khuamialna in kei hong daisak tuan kei hi.