Read Zokam Job 26 Bible Online

Job 26 - Zokam bible

Job 26

¹Tua ciangin Job in dawng a:

²"A hat lo mi na huhna a bang ci! A zaw ban na hotkhiatna a bang ci!

³A pil lo mi khat na thuhilhna hi ve! Na thumuhna lian pen nong laakkhiat maw!

⁴Hih na gen thute kua hong gensak ahi hiam? Na kam pan kua lungsim hong gen na hi hiam?

⁵"Tui nuai le tua sunga teng misite khempeuh lunggim lua mahmah uh hi.

⁶Pasian mai-ah sihna a[55] guaktang hi a; Siatna b[56] in khuhna nei lo hi.

⁷Amah in mun-awng tungah leilulam-vante zal a, bangmah lo tungah leitung a khai hi.

⁸Ama meiite sungah tui tuum-a, tua a gihna lelin meii a keh kei hi.

⁹Amah in khalik maitang tuam a, a meiite a tungah a kaisak hi.

¹⁰Amah in khuamial le khuavak kigi dingin muh tawp dong a ciamteh hi.

¹¹Amah in vante a do khuampite tai-in a taihilh ciangin kiling hi.

¹²Ama vang tawh tuipi khawlcipsak a; ama pilna tawh Rahab a atnen gawp hi.

¹³Ama husan in vantung siangsak a, a khut in a manlanga awmtal gulpi a sunlet hi.

¹⁴Tua hi a hihte a nasep mongteep dawn hi pan hi; ama thu i zakte huausimna hi pan hi! Tua ahi ciangin kua in ama vangliatna vanging theitel thei ding ahi hiam?" a ci hi.