Read Zokam Job 3 Bible Online

Job 3 - Zokam bible

Job 3

¹Hih teng khit ciangin Job kamka a, a suah ni a hamsiat hi.

³"Ka suah ni le ‘Pasalno khat suak ei!’ a kicih ni zan beimang hen;

⁴Tua ni - khuamial tunga; Pasian in tua hun don nawn kei hen; tua ni-in khuavak tang kei hen.

⁵Khua mial henla khua in nimnelh d[6] lai hen; a tungah meiipi in kainelh hen; a vakna khuamialpi in tuamcip hen.

⁶Tua zan - khuamial sahpi in mancip hen; kum sunga nite lakah kilo kha nawn kei hen. Kha khatpeuh ah zong kigawm khawm nawn kei hen.

⁷Tua ni zanin ta suak kei hen; tua zanin nuama kikona aw kiza kei hen.

⁸Nite e[7] a hamsiatte, Leviathan a thosak theite in tua ni hamsiat hen.

⁹A zingsang aksite mial hen; a vak lo ding sun khuavak ngak henla, a suak tung nizang mu kei hen;

¹⁰Ahang in, gimna ka muh loh nadingin kei hong kipaiina sulgong a khak kei hi.

¹¹"Bang hangin a siasa in suak hoh lo a, ka suah phetin sipah hoh lo ka hiam?

¹²Bang hangin kei hong tawi ding khuk om a, hong kivak nang nawi om se hiam?

¹³Tua hi leh tu-in lungnuamtakin ka lum hithiat khin ding hi;

¹⁴tu-a a kisiasa munte amaute adingin a bawl, leitung kumpite le thudotte,

¹⁵a inn uh ngun le kham tawh a dim gam-ukte tawh ihmu in ka tawlnga khin ding hi.

¹⁶Ahi kei leh bang hangin a hun tung nai lo a suak naungek bang, khuavak a mukha lo naupang bangin lei sungah hong kiselcip hoh lo hiam?

¹⁷Tua lai-ah migilote in hong nawngkaisak nawn lo ding uh a, a gimte tawlnga hithiat ding uh hi.

¹⁸Tua lai-ah galmat salte zong tawldam ding uh a, silate a ukpa aw zong a za nawn kei ding uh hi.

¹⁹Aneu alian tua lai-ah om a, silapa a pu ukna pan kisuaktasak hi.

²⁰Bang hangin a lungkham mite, khuavak kipia a, nuntak haksa a sa mahmah pa.

²¹si nuam ngeungau napi si thei lo a, gou kiphum zon sangin sih nading a hah zonzawpa

²²amaute hankhuk a tun ciangin lungkim mahmahin a lungnuam dingte bang dinga nuntakna kipia se ahi hiam?

²³Bang hangin a lampi ding a kiselsak, Pasian in a umcip ding mipa, mihingin kipiangsak se hiam?

²⁴Ahang in, khuisat an in ka nei hi; ka tauna tuiluang a bang hi.

²⁵Ka kitaktak kei tung hong tung hi. Ka lauthawngthawng kei tung hong piang takpi hi.

²⁶Ka lungnuam thei kei a, ka dai dide thei kei hi, Ka lungkham den ahi manin ka tawldam ngei kei hi," a ci hi.