Read Zokam Job 30 Bible Online

Job 30 - Zokam bible

Job 30

¹"Ahi hangin tu-in kei sanga nauzaw, a pate uh ka tuucing uite zah-a ka neumuhte in kei hong ciam nuih uh hi.

²Amaute thakia khin uh ahi manin amaute khut hatna kei adingin banga kimang nawn ding ahi hiam?

³Taksapna le gilkialna hangin ngui gawp uh a, a kikhulsa leitang, leigawtak lakah zanin a vak kawikawi b[61] uh hi.

⁴Amaute in sawlbawk lakah anteh khawm uh a, lokhaa sel amaute an c[62] ahi hi.

⁵Amau lawmte lak panin kihawlkhia a, gutate bangin ki-otsan hi.

⁶Amaute hawkguam keu sung, suangtum lak le leihawm vang sungah, kitengsak teitei ding hi.

⁷Sawlbawk lakah laa hamin ham ding uh a, sawl kawm lakah hon om ding uh hi.

⁸Amaute min nei lo migilo hontang hi uh a, gamsung panin kihawlkhia mang khin hi.

⁹"Tu-in a tate un la-el hong saksan uh a, amaute lakah thusia gentehna ka suak hi.

¹⁰Amaute in hong kih uh a, hong daang omsan uh hi; ka maitang hong cilphih ngam lahlo uh hi.

¹¹Tu-in Pasian in ka thalkhau kang loin hong bawlsiat laitak hi a, ka omna mun panin amaute kamkaih a khah hi.

¹²Ka taklam ah behte d[63] in hong doin, ka khe a ka awk nading thang kam uh a, kei langkhatah hong umcihin kulhken a bawl uh hi.

¹³Ka lampi tosia uh a; kuama huh lohin amaute e[64] in - kei hong siasak zo uh hi.

¹⁴Amaute in lei hengvang tawnin hong delh uh a, a sia nate laizangah hong kikhuk uh hi.

¹⁵Launa in ka tungah hong zen a; huih let bangin ka ginatna beimang a, meii bangin ka ngaihmuanna a theng’ hi.

¹⁶"Tu-in ka nuntakna damdamin bei ta a, ka thuakna nite in hong gakcip hi.

¹⁷Zanin ka guhte pailet-a hong tum ngutngut natna in khawl hun a nei kei hi.

¹⁸Ama vangliatna ah Pasian kei f[65] adingin puansilh tawh kibang a; ka puantualpi ngawng bangin kei hong hen hi.

¹⁹Amah in kei buanlak hong denna a, leivui le vut ka suak hi.

²⁰"Pasian aw, nang tungah kong ko a, nong dawng kei hi; ka din hangin kei nong en lel hi.

²¹Kei tungah nong ngongtat a; na khut thahatna-in kei nong do hi.

²²Kei hong botkaang toin huih nong lensak a; huihpi lakah nong lumlet niloh hi.

²³A nungta khempeuh adingin a kisehsa munah a sisa a nong puaksak ding lam ka thei hi.

²⁴"A kisiasa mi khat in a lungdonna ah hong huh un, ci-a a kiko hangin kuamah in a tungah khut a khak ngei kei takpi hi.

²⁵A lungkhamte adingin kap hi lo ka hiam? Mizawngte dahpih hi lo ka hiam?

²⁶Tua hi napi, a hoih lamen leng siatna hong tung hi; khuavak ka zon ciangin khuamial hong tung hi.

²⁷Ka sunga hong lok den lah a khawl ngei kei hi; ka thuakna nite in kei hong maituah hi.

²⁸Kei hong kivomsak a ahi hangin ni in hong vomsak ahi kei hi; mihon omna ah dingin huhna ngenin ka kiko hi.

²⁹Ngiate sanggampa ka suak a, simbute pawlpa ka hi hi.

³⁰Ka vun vomin polkhia a; ka pumpi nattunin sa velval hi.

³¹Ka harp awging thumna hi a, ka tamngai awging kahna ahi hi.