Read Zokam Job 32 Bible Online

Job 32 - Zokam bible

Job 32

¹Ama kimuhna ah Job thumaan kisa ahi manin hih mi thumte in a dawng nawn kei uh hi.

²Ahi hangin Job amah le amah Pasian sangin a kithutan’sak zawkna hangin Ram-te innkuan a Buz mi Barakel’ tapa Elihu Job tungah a heh mahmah hi.

³A lawmte thum tungah zong a heh hi, bang hang hiam cih leh amaute in Job a dawn kik nading uh thei lo napi-in amah b[68] a mawhpaih teitei uh hi.

⁴Tu-in Elihu in amaute amah sangin upazaw uh ahi manin a mai-a paupaute a ngak hi.

⁵Ahi hangin tua mi thumte in a gen ding uh a theih nawn loh uh a muh ciangin a heh suak hi.

⁶Tua ciangin Buz-mi Barakel’ tapa Elihu in: "Kei ka kum tawm lai-a note na khangham ta uh hi; tua hangin ka lauthawng a, ka theihna note lakah ka gen ngam kei hi.

⁷Ken, ‘Khanghamna in thu genin; upat-zawkna in pilna hilh hi,’ ci-in ka ngaihsun ding hi.

⁸Ahi hangin mihing khat sunga om kha c[69], a Thahatpenpa’ huu in theihtelna a pia ahi hi.

⁹A upate d[70] bek a pil hi lo a, thumaan a theitel, khanghamte bek hi lo hi.

¹⁰"Tua ahi manin, ‘Ka thugen na ngai dih un,’ kong ci hi; kei zong ka theih kong gen ding hi.

¹¹Na paupau laitakun kong ngak a, gen ding na zonzon lai-un na cihnopna uh

¹²limtakin ka na ngai gige hi. Ahi hangin note khat beek in Job na mawhmat zo kei uh hi; khat beek in hong selna na dawng thei kei uh hi.

¹³‘Pilna mu zo ung’, mihing hi lo, ‘Pasian in amah dawng hen,’ ci kei un.

¹⁴Ahi hangin Job in kei langah thu khung lo hi, no kiselnate tawh ka dawng kei ding hi.

¹⁵"Amaute gen ding mel thei loin khawl uh hi; amaute in lel uh hi.

¹⁶Amaute hong dawng loin dai dinmawk ta uh hi; ke’n ngakngak ding ka hi hiam?

¹⁷Kei zong gen ding ka nei hi, kei zong ka theih kong gen ding hi.

¹⁸Gen ding tampi ka nei a, ka sunga kha in lah hong sawl teitei hi;

¹⁹ka sungah a ki-umcip zu-umna thawl ka banga, zu-umna savun-um thak a kiphukham dektak ka bang hi.

²⁰Ka kitap loh nadingin ka genkhiat kul ta hi; ka kam ka-in kong dawn kul ta hi.

²¹Ka thugenna ah guptuam paihtuam ka nei kei dinga; kuamah ka maitang phat kei ding hi.

²²ahang in, phatdan siam leng kei hong Bawlpa in kei hong lakhiamang pah ding hi.