Read Zokam Job 33 Bible Online

Job 33 - Zokam bible

Job 33

¹"Ahi zongin Job aw, tu-in ka thugen na ngai dih in; ka gen khempeuh a vekin limtak na ngai in.

²Ka kam kong kek ta ding hi; ka thugente ka leii dawnah a om hi.

³Ka kammalte lungsim maan pana gingkhia ahi hi; ka muk in ka theihte citakin a gen hi.

⁴Kei, Pasian’ Kha bawlsa ka hi hi. Thahatpenpa huu in kei hong nungtasak hi.

⁵Nong dawn theih leh hong dawng in; kithawi inla kei hong maituah in.

⁶Pasian mai-ah nang tawh ka kibang tektek hi; Kei zong tungman pana hong kibawl mah ka hi hi.

⁷Kong lausak kei ding hi, hong kihta kei in; nang tungah ka khut kong giksak kei ding hi.

⁸"Ahi hangin ka zak tangin - na kammal tektek ka zakin -

⁹‘Mawhna ka nei kei a ka siangtho hi; ka khial kei a ka siang hi;

¹⁰Pasian in ka sungah mawhna mu veve a, a galpa-in hong ngaihsun hi.

¹¹Amah in ka khe ah kol hong bulh a, ka lampi khempeuh naitakin hong vil hi,’ na ci hi.

¹²"Ahi hangin hih lai ah nang khial kong sa hi, ahang in, mihing sangin Pasian lianzaw hi.

¹³Mihingte thugen a[71] dawng kei tah ci-in bang hangin amah mawh khusak na hi hiam?

¹⁴Mihing in a tel loh hangin Pasian in tu-in khat gena, tu-in adang khat mah gen hi.

¹⁵Zanin amaute lupna tungah a ihmut hithiat lai, mite a ihsip laitakin a mang le a mangmuhna ah

¹⁶amaute bilah va hopih a, vauhilhna tawh lausak in,

¹⁷gamtat khialhna pan kiheisak a, kiphatsakna pan kidawmsakin,

¹⁸kawkhuk b[72] panin a kha kepsak a, namsau-a c[73] manthan nading panin a nuntakna kepsak hi.

¹⁹Ahikeh mihing a lupna tungah tawlnga loin a guh in a teep ngutngutna tawh thu hilh thei hi.

²⁰Tua pen a hinna in an kih in a kha in anlimpen a kih nading ahi hi.

²¹Ama satakte bangmah loin beimang a, khatvei lai-a a guh dawk lo pen tu-in a guhguakin a om hi.

²²Ama kha kawhawm d[74] tawh kinai ta a, a nuntakna sihna e[75] kamtaite tawh kinai ta hi.

²³"Mihing adingin thumaan a gensak ding vansawltak palai tulkhat lakah khat a om khak leh zong,

²⁴amah hehpih in ama kiangah, ‘Kawhawm f[76] sunga a paisuk ding pengsak un; ama kitat nading khat ka mu zo hi,’ - ci ding hi;

²⁵tua ciangin a satak naupang aa bangin nosuak kik a; a khangno lai hunte bang kik hi.

²⁶Amah in Pasian tungah thu ngen in, amah ki-angvan ding a, Pasian mai mu-in lungdamin awng ding hi; Pasian in thumaana a omna amah pia kik ding hi.

²⁷Tua ciangin amah mite kiangah pai-in, ‘Ka mawh khina, amaan pen ka lehbulh khin hi, ahi hangin ka ngah dinga kilawm ka ngah kei hi.

²⁸Amah in kawhawm g[77] sunga paisuk ding ka kha hong tan zo a, khuavak nuamsa dingin ka nungta ding hi,’ ci ding hi.

²⁹"Pasian in hihte khempeuh mihing tungah nih vei tham lo thum vei nangawn a hih hi-a -

³⁰nuntakna khuavak ama tungah tangin, kawhawm h[78] sung pan a kileh kik nading ahi hi.

³¹"Job aw, limtak na ngai in; na dai inla kei kong pau ding hi.

³²Nong dawn nading khatpeuh a om leh hong dawng in; paukhia lel in na navak ding kong deihsak hi.

³³Ahi zongin gen ding na neih kei leh ka gen na ngai in; na dai inla pilna kong hilh ding hi," a ci hi.