Read Zokam Job 35 Bible Online

Job 35 - Zokam bible

Job 35

¹Elihu mah in:

²"Hih thu thutang hi, ci-in na ngaihsun hiam? ‘Pasian sangin ka diktat zaw hi a[80] na ci hi.’

³Tua hi napi lah, ‘Mawh lohna hangin kei b[81] adingin bang met a, bang ngah ka hi hiam?’ ci-in amah na dong zel hi.

⁴"Nang le nang tawh a om khawm na lawmte tungah kong dawng ding hi.

⁵Vante ento inla mu in; asang pekpeka om meiite salto dih in.

⁶Na mawh leh amah bang va ci sukkhak hiam? Na mawhna a tam mahmah leh tuate in bang va ci sukkhak hiam?

⁷Na thumaan leh amah bang pia-a, ahikeh amah’n nang khut pan bang ngah ahi hiam?

⁸Na gitlohna in nang tawh a kibang lel mihing mah sukha a, na thumaanna in zong mihing ta mah sukha lel hi.

⁹"Bawlsiatna a thuak mite kiko uh a, a zothawh khutte pan hutkhiat ding ngen uh hi.

¹⁰Ahi hangin kuamah in, ‘Kei hong Bawlpa Pasian, zan-a la hong sasak,

¹¹leitunga gamsate tung c[82] sanga eite a tamzaw hong hilhpa le huih lak vasate sanga a pilzaw d[83] a hong bawlpa koi ah om hiam?’ a ci kei uh hi.

¹²Mihingte a kiko uh ciangin migilote kiphatsakna hangin amah in a dawng kei hi.

¹³Hitakpi hi, amau thungetna a hawmpi Pasian in a ngai kei hi; Thahatpenpa in thudon lo hi.

¹⁴Nang in amah ka mu kei, hi ka thu ama mai-ah om hi, amah a ngak ka hi hi,

¹⁵tua tham loin a hehna hangin dan a thuaksak ngei kei hi, gitlohna e[84] tawmkha beek awlmawh lo hi, na cih vial hangin tuate sangin na thu a ngai kei zawtham ding hi.

¹⁶Tua ahi ciangin Job in a mawkna-a kam kek hi a; a thei lopi-a kam behlap a suak hi," a ci hi.