Read Zokam Job 36 Bible Online

Job 36 - Zokam bible

Job 36

¹Elihu in zom lai a:

²"Tawmvei hong thuak keikai lai dih in genbeh lai ding a om lam Pasian tangin kong lak ding hi.

³Ka theihtelna gamlapi pan ka ngah hi; Kei hong Bawlpa a thutang ahina kong tellah ding hi.

⁴Ka thugente khial lo hi, thukipin na sang in; theihna bukim pa khat nang tawh omkhawm hi.

⁵"Pasian thahat a, ahi hangin kuamah a simmawh kei hi; amah thahata a cihsa a lenkip hi.

⁶Amah in migilote hinkhawi lo a, ahi hangin a hingim mite tungah thumaan hi.

⁷Thumaante mitkhah loin en a; amaute kumpipa tawh tukhawmsakin tawisang den hi.

⁸Ahi zongin mihingte sikkhau-in a kikhih leh gimthuakna khaute in gakcip a,

⁹amau gamtatnasa - kiphasak a, a mawhnasate uh amau tungah a gen hi.

¹⁰Amaute kipuahphat nading thu ngaisak a, amaute gitlohna kisik dingin sawl hi.

¹¹Amaute in a thu mangin a na a sep uh leh a nuntakna uh a om lai nite daupaina-in zangsak a, a omlai kumte lungkimtak-in a zangsak hi.

¹²Ahi hangin thu a ngaih kei uh leh, amaute namsau-in f[85] mangthang ding uh a, theihna loin a si ding uh hi.

¹³"A lungsima pasian omlote heh niloh hi; amaute khauhual in a hen ciang nangawnin huhna a ngen kei uh hi.

¹⁴Amaute biakbukno a pasal kizuakte lakah a khansih uh hi.

¹⁵Ahi hangin amah in gim thuakte a gim thuak laitakun hu a; amau hingim laitakin a hopih hi.

¹⁶"Lungdonna gakcipna pan nang hong lakhia in ki-ukcipna omlohna sabuai tungah na duhduh kilui a, nuam na sak nading mun tanzau ah nang hong khahkhia ding hi.

¹⁷Ahi zongin tu-in migilote thuakding thukhenna hong kisuan ahi hi; thukhenna le thutang in nang hong lencip hi.

¹⁸Kuamah in hauhna tawh nang hong zol loh nadingin kidawm in, golhsum tampi hangin lampial kei in.

¹⁹Na lungdonna a beisak dingin na hauhna ahikeh na liatna khempeuh nangawn kicing ding ahi hiam?

²⁰Mite a inn a[86] pan kaihkhiat nadingin zan hong tun ding ngaklah kei in.

²¹Thuaksiatna sanga na utzawk gitlohna lamah na kihei khak ding kidawm in.

²²"A vangliatna hangin Pasian kitawisang hi. Amah tawh kibang sia kua om ahi hiam?

²³Ama ading lampi kua in laka, ahikeh ama kiangah, ‘Na Khial zo hi’ ci ahi hiam?

²⁴Mite in la sa-a a phat uh ama nasepte nakpitaka na phat ding phawk in.

²⁵Mihing peuhmah in ama nasepte mu khin uh hi; mite in gamlapi panin tuate gal-et uh hi.

²⁶Eite theihtel zawh loh - Pasian lian na lawmlawm e! Ama kumte zonkhiat zawh hi lo hi.

²⁷"Amah in tuimalte khai to a, tuihuute guahin zu a, a luang b[87] hi.

²⁸Meiite in meiizunte sungsuk a, mihing tungah guahpi-in zu hi.

²⁹Amah in meiite bangci zaal a, a inn panin vanpi bangci ginsak cih kua in thei ahi hiam?

³⁰Ama kiimah khuaphia zalh a, tuipi thukpite a khuhzia thei in.

³¹Hih in minamte a ukna c[88] lampi hi a, an khamtakin a vak hi.

³²Amah in a khut dimin khuaphia tawi a, a deihna munmun dengsak hi.

³³Ama vanging in huihpi nun ding hong gen a; ganhonte nangawn a manawhna d[89] a theisak hi.