Read Zokam Job 37 Bible Online

Job 37 - Zokam bible

Job 37

¹"Hih thu ah ka lungtang kisai-a ka diip vana khai bang hi.

²Ngai dih un! Ama hawkna awging a kam pana ging damdam ngai dih un.

³Ama khuaphia vannuai buppi ah phiasak a, leimongte dongin a taansak hi.

⁴Ama hawkna aw khit ciangin a thupina aw gingsak hi. Ama aw in a thawnkik ciangin bangmah iip kik lo hi.

⁵Piandangdangin Pasian’ aw ging hi; theihtel zawh loh nalianpite a bawl hi.

⁶Amah in vuk kiangah, ‘Leitungah kia in,’ ci a, khuapi guah kiangah, ‘Um-a beel-a buak bang in,’ci hi.

⁷Ama bawlsa mite in ama nasep a theih nadingun, mi khempeuh amau sepna e[90] ciat panin a khawlsak hi.

⁸Ganhingte in a belh ding uh zongin, a kua sunguah om uh hi.

⁹A kuapi panin huihpi nungkhia a, huih mutna panin a vot paikhia hi.

¹⁰Pasian huusan in tuikhal piangsak a, tui zaipipi a khalsak hi.

¹¹Amah in meiite lakah tuikhu guang a, tuate lakah a khuaphia tangsak hi.

¹²Ama thupiakna bangin tuate lei maitang tungah kihei kawikawi uh a, ama sawl peuhpeuh sem uh hi.

¹³Amah in mihingte dan tuahsakna ahikeh leitang f[91] tui buahna le ama itna lahna-in meii a zang hi.

¹⁴"Job aw, hih na ngai dih ve; khawl inla Pasian nalamdang bawlte ngaihsun dih in.

¹⁵Pasian in meiite bangci uk a, khuaphia bangci tansak cih na thei hiam?

¹⁶Amah in meiite bangci bangin bawmsak lingleng cih na thei hiam, theihna kicingtaka a bawl nalamdangte na thei hiam?

¹⁷Leitaw-lam huih nuai-ah leitang a sip dide lai-a na puan nuai-ah khua-ul kai neinaipa,

¹⁸a kisung sumngo limlang banga khauh vanpi a zal lai-in huh thei na hi hiam?

¹⁹"Ama kianga ka thu gen ding uh, hong hilh in; Ka khuamialna uh hangin thu sun zia ding ka geel thei kei uh hi.

²⁰Ka gennop amah’n hong genkhol ding ahi hiam? A kivalhtum dingin kua in va ngen ding ahi hiam?

²¹Huih in tuate a mutsiang khit ciangin vantung a, a tang ni kuamah in a en thei kei hi.

²²Leilu lamah kham nopcitna tawh amah hong paikhia hi; a kihtak huai thupina tawh Pasian hong pai hi.

²³Thahatpenpa, eite theih zawh le ama vangliatna, eite tawisang zawh hi lo hi; amah thutangin a thumaanna lian hangin a nengniam kei hi.

²⁴Tua ahi ciangin mite in amah zahtak mahmah uh hi; ahang in, amah in a lungsim a[92] sunga pil a kisate thudon lo hi.