Read Zokam Job 38 Bible Online

Job 38 - Zokam bible

Job 38

¹Tua ciangin TOPA in huihpi lakah Job dawnga, Amah in:

²"Bangmah thei lopi-a thugen, ka thuhilhna a mialsak kua ahi hiam?

³Kipasalsakin na kawng gak in; ke’n kong dong dinga, nang nong dawng ding hi.

⁴"Leitung bulpi ka phuh lai-in nang koi-ah om na hi hiam? Na theih leh hong gen dih in.

⁵A thei takpi na hi leh! A phacia ding kua in ciamteh hiam? Kua in a tungah tehna khau kai ahi hiam?

⁶Zingsang aksite in la sakhawm uh a, van sawltakte b[93] khempeuh lungdamin a kiko laitakun -

⁷a khuambulte bang tungah kiphut a, ahikeh a innkiu suang kua in phut ahi hiam?

⁸"Tuipi in sul a phutkhap lai,

⁹a puan dingin meii ka bawl lai le khuamial sahpi-a ka tuam lai,

¹⁰a om nading ciangtansak a, a kongpite le a kalhnate a munciatah ka thuah lai,

¹¹‘Hih ciang pai inla hih ban kal kei in, na hual hatte tawp nading mun hih lai ahi hi,’ ka cih lai-in kua in tuipi kongkhak khak ahi hiam?

¹²"Nang in zingsang khuavak tungah thupia-in a hikeh phalvak tungah a ma mun ding lak na hi hiam?

¹³leitung a mongah manin migilote a sinkhiat ding hilh ngei na hi hiam?

¹⁴Leitung in buan tunga seal kinen tawh kibang hi; a kilatkhiatzia puansilh tawh kibang hi.

¹⁵Migilote khuavak kinial a, a sanga a lik uh amaute ban kitansak hi.

¹⁶"Tuipi nak ahikeh tuipi taw zangtamah khualzinin pai ngei na hi hiam?

¹⁷Sihna kongpi nang hong kilak ta ahi hiam? Sihna liim c[94] kongpi na mu ta hiam?

¹⁸Leitung a phacia na telcian nai hiam? Hihte khempeuh na theih leh hong gen in.

¹⁹"Khuavak kipatna lampi bang ahi hiam? Tuateh khuamial omna mun koi lai ahi hiam?

²⁰Amau omna munah na puak thei ding hiam? Amau tenna lampi na thei hiam?

²¹Tua hunin suak khin ding na hi teh thei takpi mah niteh! Nang kum tampi nungta khin hi ve cin!

²²"Vuk kholna sal ah lut khina, gialte kholna sal mu khin na hi hiam?

²³Tuate lungkham hun cianga ding le gal-a kido hun ciang adingin ka sit ahi hi.

²⁴Khuaphelep kikhenkhiatna mun bang hi a, nisuahna huih leitungah a kikhenkhiatna mun koi lai pan ahi hiam?

²⁵Kua in guahtui luan nading hawkguam to a, kek kiat nading lampi sialin

²⁶kuama tenlohna gam, mi khat beek a tenlohna sehnel-gam tui buak a,

²⁷leitang tulsa gamsimtham a lungkimsak nadingin lopa selsak ahi hiam?

²⁸Guahtui in pa nei ahi hiam? Daitui malte’ pa kua ahi hiam?

²⁹Kua naubu pan vukte suakkhia ahi hiam? Kua in vantung pan tuikhalte senkhia a,

³⁰Bang hunin tuite suang bangin sak a, tuithukte maitang khal ahi hiam?

³¹"A melhoih d[95] segukte henkhawm thei na hi hiam? Zawlzawng henna khau phel thei na hi hiam?

³²Amau hun e[96] ciat zui-in aksi honte puakkhia thei-in khualei-uikai f[97] le a tate pikhia thei na hi hiam?

³³Vante thukhamte thei na hi hiam? Pasian g[98] ukna leitungah phut thei na hi hiam?

³⁴"Nang in meiite otsanin tuikhang tawh kituam thei na hi hiam?

³⁵Kektangte a lampi zui-in puak thei na hi hiam? Amaute in, ‘Kote hih lai-ah ka om uh hi,’ hong ci uh ahi hiam?

³⁶Kua in lungtang a[99] ah pilna koih a, ahikeh lungsim b[100] ah theitelsak ahi hiam?

³⁷Kua in meiite sim theihna pilna nei ahi hiam?

³⁸Leivuite sak thei in, lei themte a kimat khawm ciangin kua in vantunga tuibelpite sawnpai thei ahi hiam?

³⁹"Nang humpinelkai pite ading sa betsak thei in

⁴⁰humpinelkaite a kua ah ahikeh gamphatna ah sa a pan ciangin, tuate gilvahsak na hi hiam?

⁴¹A note in Pasian a koh uh ciangin an zonga a leng kawikawi va-akte an a sikpa kua ahi hiam?